Luku 1:71 - Bibeli do fee

⁷¹ Nŋui á faaba wa hai si awɔi mbɛɛ nwa ŋa, do hai bi inɛ ŋa iyi à cé wa fei.

Luku 1:71 Iomraidhean Croise

Ilaalu 2, 17:39

Amma i tɔɔ amu Aɔ̃ Lafɛ̃ɛ nŋɛ nɔ n faaba ŋɛ hai si awɔi mbɛɛ nŋɛ ŋau fei ŋa.

Iri ku kɔ̃ 106:10

Í faaba ŋa hai si awɔi inɛ iyi í cé ŋa. Í yá ŋai hai si awɔi mbɛɛ ŋau.

Iri ku kɔ̃ 106:47

Aɔ̃ Lafɛ̃ɛ nwa, faaba wa. Nya wa ikã hai si inɔi dimi mmu ŋa i tɔtɔɔ wa ku ba ka saabuɛ, awɔ iyi ì má. Nɔ ka wɛɛò inɔ didɔ̃ ka maa cĩɛ.

Zeremi 23:6

Si waatiɛi inɛi Zudaa ŋa aa ba faaba, nɔ inɛi Izirɛli ŋa aa jɛ kuwɛɛ nŋai do laakai ku sũ. Iri iyi aa ya kpoo doi í jɛ, Aɔ̃ Lafɛ̃ɛi í jɛ woo kiiti nwa.

Zeremi 32:37

Amma ntɔ ntɔ amu Aɔ̃ Lafɛ̃ɛ an tɔtɔɔ ŋa wa má hai bii si idɔɔkɔ̃ nla nlam ǹ fangaa ŋa ǹ jɔ̀ à nɛò. An baaò ŋa wa si inyau ihɛ̃ má, nɔ n jɔ̀ a buba do laakai ku sũ.

Ezekiɛli 28:26

Bɛi aa wa do laakai ku sũ. Aa ma kpasɛ̃ ŋa, nɔ aa lɔ jĩi ndii rezɛ̃ɛ ŋa. Aa maa wɛɛi si laakai ku sũ domi waati bɛɛbɛ an kpã inɛi kɔkɔ nŋa ŋau fei ijui, aŋa iyi à ya maa yaako ŋa ŋau. Do yaase bɛɛbɛ, aa mà iyi amui ǹ jɛ Aɔ̃ Lafɛ̃ɛ nŋa.

Ezekiɛli 34:25

An dĩ akabuui laakai ku sũi do mɛɛmu gaam ŋa. An lele mɛɛmu buu ŋaui hai si ilɛu. Do yaase bɛɛbɛ, mɛɛmu gaam ŋa aa ba a wɛɛi do laakai ku sũ si gbaa, nɔ a ya maa sũ si abɛ wua ŋa.

Ezekiɛli 34:28

Isɛ mmu ŋa a kaa ko mii ndu ŋa ŋa má. Mɛɛmu kugaabu ŋa a kaa ŋɔ ŋa má. Aa maa wɛɛi do laakai ku sũ nɔ inɛ kãma kaa da zigi nŋa má.

Ezekiɛli 38:8

Si anyii adɔ̃ nkpɔ nkpɔ, kaa kpɛ má n jɔ̀ i lɔ si ilɛi Izirɛliu. Inɛɛ ŋa iyi à fita si igũu, aa baa mái hai ilɛ ikã ikã bii à wau. Nɔ aa tɔtɔɔ wa mái si iri kutai Izirɛli ŋa iyi à sa à jɔ̀ waati sisɔu. Hai a fita wa hai ilɛ mmu ŋau gbakã, aa naa a wɛɛi do laakai ku sũ.

Luku 1:68

saabui í jɛ ti Ilaaɔ̃ Lafɛ̃ɛi inɛi Izirɛli ŋa si na iyi í jɔ̀ í naa bi inɛɛ ŋa í naa í ya ŋa.

Luku 1:74

í ni nŋu á nya wa hai si awɔi mbɛɛ nwa ŋa, nɔ nŋu ku jɔ̀ ka cea nŋu icɛ do wɔɔkɔ.

Wooda ku kɔsi 33:29

Iŋɛ ilu inɔ didɔ̃ ŋai iŋɛ inɛi Izirɛli ŋa. Iŋɛ akãi ì jɛ zamaa iyi Aɔ̃ Lafɛ̃ɛ í faaba. Aɔ̃ Lafɛ̃ɛi í jɛ tɛli iyi wa degbe ŋɛ. Nŋui í jɛ taakuba iyi í jɔ̀ ì waa jɛ igũ ŋa. Mbɛɛ nŋɛ ŋa aa ya naa a tɔɔ i ce araarei aŋai, nɔ iŋɛi aa kɛkɛ faau nŋa ŋa.

Zãa 1, 3:8

Inɛ iyi í ya maa mɔsi dulum ku ce, inɛi Seetam nii, domi hai sintei Seetam wa ce dulum. Na ŋɔi í jɔ̀ Jesu, amai Ilaaɔ̃, í naa ku kpaò icɛi Seetam.