Luku 1:66 - Bibeli do fee

⁶⁶ Inɛ ŋa iyi à gbɔ ideu fei à ya maa muui si idɔ nŋa nɔ a maa ni, debɛi, bɛirei amau ihɛ̃ á na ku jɛ. Mii ŋa iyi í ceu ihɛ̃ fei wa nyisi iyi gbugbãi Ilaaɔ̃ í wɛɛ do nŋu.

Luku 1:66 Iomraidhean Croise

Kusintii Andunya 37:11

Ŋɔi igbãɛ ŋa à waa muu do idɔɔkɔ̃, amma baau í singa ide ŋau fei si idɔɛ.

Kusintii Andunya 39:2

Nɔ Aɔ̃ Lafɛ̃ɛ í wɛɛ do Zozɛfu í jɔ̀ í jɛ ilu baaka. Nɔ inɔ ilei lafɛ̃ɛɛu mɔm nii í wa.

Ilaalu 1, 18:46

Ŋɔi Aɔ̃ Lafɛ̃ɛ í mua Elii gbugbã. Nɔ Elii í dĩ kpakaɛ nɔ í sɛi wa cuaa Akabu hee à toò anu koofai Yizireɛli.

Iri ku kɔ̃ 119:11

Ǹ wa n mu ideɛ ŋai si idɔm, ku ba n maà n ce dulum bi tɛɛ.

Iri ku kɔ̃ 80:17

Inɛ ŋa à da jĩi nɔu à joo. Kpã ŋa iju nɔ i ce nfe nŋa.

Iri ku kɔ̃ 89:21

Ǹ jɔ̀ Davidi í jɛ woo ce icɛm nɔ ǹ nyaa ikã, ǹ tontooa ikpo si iriɛ.

Luku 1:80

Iri iyi Zakari í kɔ̃u mbɛ. Si anyii nŋu amau wa la, nɔ bisiɛ wa kɔ̃ɔsi nɔ í koo í wa gbaa hee í koo í tóò ajɔ iyi í nyisi araɛ bantuma si wajui inɛi Izirɛli ŋa.

Luku 2:19

Amma Maari njɛ wa mu fei ndɛɛ si idɔɛ, nɔ wa lasabu si do laakai.

Luku 2:40

Nɔ amau wa la, gbugbãɛ wa kɔ̃ɔsi nɔ í kɔ̃ò bisi. Nɔ didɔ̃i Ilaaɔ̃ í wɛɛa.

Luku 2:51

Ŋɔi í too ŋa à nɛ Nazarɛti nɔ wa gbɔ ide nŋa. Wee iyeu wa mu ide ŋau bɛ fei si idɔɛ.

Luku 9:44

iŋɛ, i de itĩ i gbɔ ide iyi ǹ wa n sɔ̃ ŋɛu ihɛ̃ sãa sãa ŋa. Aa mu amu Amai Amanɛ a daa inɛ ŋa si awɔ.

Woo bɛ ŋa 11:21

Nɔ gbugbãi Aɔ̃ Lafɛ̃ɛ í wɛɛ nŋa, nɔ inɛ nkpɔ í kpaasi idɔ í dasi Lafɛ̃ɛ Jesu naanɛ.

Kolosee 1:5

Waati iyi idei laabaau jiida iyi í jɛ ntɔu í sinti ku to wa bi tu ŋɛ, à jɔ̀ ì mà kpãa ku cɔ iyi ì nɛ ŋa. Si bɛɛbɛ, naanɛ ku dasi nŋɛ do kubi nŋɛ fei, í wai si kpãa ku cɔ iyi à jilɛ nŋɛ ikpa lele.

Samuɛli 1, 16:18

Ŋɔi inɛ akãi akaweɛ gɔ í ni, ǹ mà amai Izai inɛi Betelehɛmuu í mà mɔɔlɔ ku cã. Ilu wɔɔkɔi nɔ í nɛ gbugbã. Í ya fɔ ide do yaase jiida nɔ í jɛ awaasũ kusĩa. Iyi í re mɔm Aɔ̃ Lafɛ̃ɛ í wɛɛ do nŋu.

Samuɛli 1, 2:18

Amma Samuɛli wa cea Aɔ̃ Lafɛ̃ɛ icɛ jiida, wa dasi efodu, waatɔ ibɔi woo wee ŋa iyi à ce do acɔ ku nɛ gbugbã.