Luku 1:65 - Bibeli do fee

⁶⁵ Ŋɔi njo í mu hee do inɛ ŋa iyi à wa amɛɛ amɛɛ fei. Nɔ si ilɛɛkoi geetei Zudee ŋa fei inɛ ŋa à wasi ku ce faajii ideu.

Luku 1:65 Iomraidhean Croise

Matie 2:1

À bí Jesui Betelehɛmu si ilɛi Zudee si waatii ilaalu Herodu. Si anyii kubíɛ woo mà yaasei leleaɔ̃ gɔ ŋa à naa Zeruzalɛmu hai nunui daakɔ,

Luku 1:39

Si anyii nŋu, ŋɔi Maari í dede do saasa í dasi kpãa wa nɛ ikpa geete ŋa, í bɔ ilu gɔ si ilɛi Zudee.

Luku 2:18

Nɔ inɛ ŋa iyi à gbɔ idei woo degbe ŋau fei ideu í ya mu ŋa bitii.

Luku 5:26

Ŋɔi aŋa fei à biti à waa saabu Ilaaɔ̃. Njo í bɛi wa mu ŋa à waa ni, à yɛ mii maamaake nnyi.

Luku 7:16

Ŋɔi njo í mu aŋa fei, nɔ à saabu Ilaaɔ̃ à waa ni, walii ilu gbugbãi í naa si wa. Nɔ à waa ni má, Ilaaɔ̃ í naa bi inɛɛ ŋa ku ba ku sobi ŋa.

Woo bɛ ŋa 19:17

Ŋɔi inɛi Efɛɛzu ŋa hai Zuifu do Gɛrɛki ŋa fei à gbɔ ideu, nɔ njo í mu ŋa, nɔ irii Lafɛ̃ɛ Jesu í nɛ bɛɛrɛ ntɔ ntɔ.

Woo bɛ ŋa 2:43

Ŋɔi ideu í to si inɛ fei, nɔ Ilaaɔ̃ í jɔ̀ woo bɛ ŋau à wasi maamaake nkpɔ nkpɔ ku ce.

Woo bɛ ŋa 5:11

Ŋɔi njo í mu inɛi igbɛi Jesu ŋau ntɔ ntɔ do inɛ ŋa iyi à gbɔ ideu fei.

Woo bɛ ŋa 5:5

Iyi Ananiasi í gbɔ ideu gbakã ŋɔi í cuku tengi bɛ í ku. Ŋɔi inɛ ŋa iyi à gbɔ ideu fei njo í mu ŋa hee í caa.

Zozue 10:40

Zozue í jɛ ilɛu fei igũ. Í jɛ ilaalu ŋa iyi à wa si antaii iri kuta ŋau igũ do inɛ ŋa iyi à wa ikpa awɔ cangai kpãai inunu do ikpa bi gbaau, do inɛ ŋa iyi à wa si lɔɔmau hee do inɛ ŋa iyi à wa si fatama ŋa. Ilaalu ŋau fei í jɛ ŋa igũi nɔ í kpa inɛ fei, kù jɔ̀ inɛ kãma kù ba kù fita si. Í kpa andi mii iyi wa mi si hunde fei, si bɛi Aɔ̃ Lafɛ̃ɛi inɛi Izirɛli ŋau í fɔu.

Zozue 10:6

Ŋɔi inɛi Gabaɔ̃ɔ ŋau à bɛ ama ku bɔ Giligali koo sɔ̃ Zozue ku ni, maà fũsi awa woo ce icɛɛ ŋa awɔ. Naa wa gbãa gbãa i na i faaba wa domi ilaalui inɛi Amɔre ŋa iyi à wa si antaii iri kutau fei à tɔtɔɔ si wa wa.

Kuyɛi Zãa 11:11

Si anyii ajɔ mɛɛta do bubuu, Ilaaɔ̃ á nyi ku da nŋa si hunde má, nɔ a dede a leekĩ. Njo nla nlai á mu inɛ ŋa iyi aa yɛ ŋa fei.