Luku 1:6 - Bibeli do fee

⁶ Aŋa minji fei à jɛ dee dee si wajui Ilaaɔ̃ Lafɛ̃ɛ nɔ à waa jirima woodaɛ ŋa do ideɛ fei mam mam.

Luku 1:6 Iomraidhean Croise

Kusintii Andunya 17:1

Iyi Aburamu í nɛ adɔ̃ cinɛò fɛɛwa do mɛɛsã ŋɔi Aɔ̃ Lafɛ̃ɛ í naa bi tɛɛ í ni, amui ǹ jɛ Ilaaɔ̃ ilu gbugbã fei. Jɛ kuwɛɛɛ si wajum ku ba i maà nɛ taale kãma.

Kusintii Andunya 6:9

Faajii nyaanzei Nowee wee. Nowee amanɛ dee deei, wa jirima Ilaaɔ̃ si inɔi inɛi waatiɛ ŋa. Ilaaɔ̃i wa too.

Kusintii Andunya 7:1

Si anyiɛ nɔ Aɔ̃ Lafɛ̃ɛ í sɔ̃ Nowee í ni, lɔ akɔi inyiu, awɔ do inɛi kpasɛ̃ɛ ŋa fei, domi si dimii inɛ ŋau ihɛ̃ fei awɔ akãi ì jɛ dee dee si wajum.

Ilaalu 1, 15:5

domi Davidi í ce iyi í tɛ si wajui Aɔ̃ Lafɛ̃ɛ, nɔ kù kua woodaɛ ŋa baa akã si kuwɛɛɛ fei, í gbe si gãmɛi idei Uri inɛi Hɛtiu.

Ilaalu 1, 9:4

Nɔ bii awɔ mɔ ì waa nɛ do amu bɛi Davidi baaɛ í nɛ do idɔ akã do dee dee ku jɛ wa ceò iyi ǹ dasiɛ ku ce fei, bii ì waa jirima woodam ŋa do ide ŋa iyi ǹ jilɛɛ,

Ilaalu 2, 20:3

Si kutɔɔɛu wa nii, Aɔ̃ Lafɛ̃ɛ, ǹ wa n tɔɔɛi, ye gigi iyi ǹ ce isɛɛnɛm nii si dee dee ku jɛ si wajuɛ muafiti kù wa si, nɔ ǹ ce mii iyi í dɔ̃ɛ si. Si anyiɛ, nɔ Ezekiasi wa kpata ntɔ ntɔ.

Bomma 2, 17:4

Amma í ya tɔɔ Aɔ̃ Lafɛ̃ɛi balaɛui nɔ wa jirima woodaɛ ŋa. Kù too si kucei inɛi Izirɛli ŋau.

Zɔɔbu 1:1

Mɔkɔ gɔi í wɛɛ wo si ilɛi Usi à ya kpoo Zɔɔbu. Mɔkɔu kù nɛ taale kãma, í jɛ inɛ dee dee, í ya jirima Ilaaɔ̃, nɔ í ya saa laalɔ.

Zɔɔbu 1:8

Ŋɔi Aɔ̃ Lafɛ̃ɛ í beeɛ má í ni, i kù yɛ Zɔɔbu woo ce icɛm bɛ? Inɛ kãma kù wa si andunya iyi í yɛ bɛi nŋu. Mɔkɔu kù nɛ taale kãma, í jɛ inɛ dee dee, í ya jirimam, nɔ í ya saa laalɔ.

Zɔɔbu 9:2

ntɔ ntɔ ǹ mà ide iyi bɛ tã. Kaa ce amanɛ ku nɛ ntɔ si wajui Ilaaɔ̃.

Iri ku kɔ̃ 119:6

Do yaase bɛɛbɛ, anyɔ kaa mum bii ǹ wa n lasabu si woodaɛ ŋa fei.

Luku 1:7

Amma a kù nɛ ama domi Elizabɛti gbɛndai, nɔ aŋa minji fei à gbo tã.

Luku 16:15

Nɔ Jesu í sɔ̃ ŋa í ni, iŋɛ ì waa dɛ i jɛ inɛ dee dee ŋa si wajui amanɛ ŋa, amma Ilaaɔ̃ í mà idɔ nŋɛ. Ǹ wa n sɔ̃ ŋɛi, mii iyi amanɛ ŋa à waa cɔ mii jiida, bi Ilaaɔ̃ mii sãmii.

Luku 2:25

Wee mɔkɔ gɔ í wa Zeruzalɛmu bɛ à ya kpoo Simeɔ̃. Mɔkɔu í jɛ inɛ dee dee nɔ í mà bɛɛrɛi Ilaaɔ̃. Wa degbe Ilaaɔ̃ ku tũ idɔi inɛi Izirɛli ŋa nɔ Hundei Ilaaɔ̃ í wɛɛ do nŋu.

Woo bɛ ŋa 2:25

Ideɛi Davidi í kɔ í ni, ǹ wa n yɛ Aɔ̃ Lafɛ̃ɛ waati kãma fei, domi í wa awɔ njɛm ku ba n maà n yaya.

Woo bɛ ŋa 23:1

Pɔlu í kãsi inɛ ŋa iyi à tɔtɔɔu iju nɔ í ni, iŋɛ kpaasim ŋa, idɔm kaa yɛ taalem domi ǹ ce kuwɛɛm nii dee dee si wajui Ilaaɔ̃ hee do nnyi fei.

Woo bɛ ŋa 24:16

Nŋui í jɔ̀ amu mɔ ǹ wa n hanya ajɔ fei ku ba idɔm ku maà yɛ taalem si wajui Ilaaɔ̃ do si wajui inɛ ŋa.

Woo bɛ ŋa 8:21

I kù nɛ kpãai ngɔgɔ ihɛ̃ domi idɔɛ kù jɛ dee dee si wajui Ilaaɔ̃.

Romu 8:4

Ilaaɔ̃ í ce bɛɛbɛi ku ba isɛɛnɛ nwa ku jɛ dee dee si ide iyi woodau wa fɔ, awa iyi a kù waa nɛ si idɔɔbii ara nwa, í gbe si idɔɔbii Hundei Ilaaɔ̃.

Kɔrɛnti 1, 11:2

Ǹ wa n saabu ŋɛ do iyi ì ya maa ye gigim si fei ndɛɛ ŋa, do si bɛi ì mu cio iyi ǹ kɔ ŋɛ siu dim dim ŋa.

Kɔrɛnti 2, 1:12

Ide iyi í jɔ̀ à waa tɔɔ fufu wee. Idɔ nwa wa jɛ nwa sɛɛda iyi isɛɛnɛ nwa í má si wajui inɛi andunya ŋa, nɔ iyi í re mɔm nŋui í jɛ si waju nŋɛ. Kù nɔ kù jɛ do muafiti. Mii ŋau bɛ fei, hai bi Ilaaɔ̃i wa naa. Kù jɛ do bisii amanɛ ŋa, amma do didɔ̃i Ilaaɔ̃i.

Wooda ku kɔsi 5:33

I too kpãa iyi Aɔ̃ Lafɛ̃ɛ nŋɛ í nyisi ŋɛ dee dee ŋa ku ba i ya maa wɛɛ si ididɔ̃ ŋa, nɔ hunde nŋɛ ku sɔ si ilɛ iyi aa na i koo i buba si ŋa ku jɛ tu ŋɛu.

Filipi 2:15

ku ba i má dee dee ŋa nɔ i maà nɛ taale gɔ, iŋɛ iyi ì jɛ amai Ilaaɔ̃ ŋa. Kù sĩa i nɛ kurara gɔ si wajui inɛ laalɔi andunya ŋa iyi a kù waa too kpãa. Í sĩa i maa má inya ŋa si anini nŋa bɛi fitila ŋa,

Kolosee 1:22

do nŋu fei, nsɛi Ilaaɔ̃ í jɔ̀ ì dɔ̃ do nŋu ŋa. Í ce nŋu bɛi si waati iyi í jɔ̀ Amaɛu í so arai amanɛ ku ba ku ku, ku ba i naa i leekĩ si wajuɛ ŋa hai nɛ dulum, riisi do taale gɔ ku maà wa si.

Tɛsalonika 1, 3:13

Nɔ ku jɔ̀ idɔ nŋɛ ku leekĩ si dim dim, ku jɛò dee dee, ku maà nɛ taale gɔ si wajui Ilaaɔ̃ Baa nwa, si waati iyi Lafɛ̃ɛ nwa Jesu á nyi wa do inɛ ŋa iyi í cica fei.

Piɛɛ 2, 3:14

Na saabu nŋu, iŋɛ baakɔɔm ŋa, si bɛi ì waa degbe ajɔu, i ce kookaai Lafɛ̃ɛ ku na ku ba ŋɛ si laakai ku sũ, riisi do kurara ku maà wa si ŋɛ.

Zãa 1, 2:29

Si bɛi ì mà ŋa iyi Kirisi í jɛ dee dee, i jɔ̀ i mà ŋa iyi inɛ iyi wa ce dee dee fei amai Ilaaɔ̃i.

Zãa 1, 2:3

Bii à waa jirima woodaɛ ŋa, si bɛɛbɛi aa ka mà iyi à màa.

Zãa 1, 3:7

Iŋɛ amam ŋa, i maà ti i jɔ̀ inɛ gɔ ku dĩ iju nŋɛ. Inɛ iyi wa ce mii iyi í jɛ dee dee, inɛ dee deei, si bɛi Jesu takaɛ í yɛ.