Luku 1:51 - Bibeli do fee

⁵¹ Í ce icɛ gbugbã ŋa do gbugbãi awɔɛ nɔ í fangaa inɛ ŋa iyi lasabui idɔ nŋa í nɛ faau.

Luku 1:51 Iomraidhean Croise

Kusintii Andunya 11:8

Ŋɔi Aɔ̃ Lafɛ̃ɛ í fangaa ŋa hai bɛ à bɔ hee jĩijĩ à fangaa si andunya fei nɔ à jɔ̀ iluu ku ma.

Kusintii Andunya 6:5

Aɔ̃ Lafɛ̃ɛ í yɛ inɔ kukãi amanɛ ŋa í la í caa si ilɛ, lasabui idɔ nŋa ajɔ fei si laalɔ nŋu akãi í ya wa.

Kusintii Andunya 8:21

Ŋɔi Aɔ̃ Lafɛ̃ɛ í gbɔ inunu didɔ̃ nɔ í ni si idɔɛ, n kaa n ceekpe ilɛ na irii amanɛ ŋa má domi lasabui idɔi amanɛ ŋa í jɛ laalɔ hai keeke nŋa. N kaa n kpa irii andunya fei bɛi ǹ ceu bɛ má.

Iri ku kɔ̃ 118:15

Inɛ dee dee ŋa à waa dɔ̃ anui inɔ didɔ̃ do ti igũ ku jɛ si ilei acɔ nŋa. Aɔ̃ Lafɛ̃ɛ í nyisi gbugbãɛ.

Iri ku kɔ̃ 33:10

Aɔ̃ Lafɛ̃ɛi í ya kɛkɛ lasabu iyi inɛi ilɛ ŋa à waa ce nɔ í ya kpa irii icɛ nŋai mam mam.

Iri ku kɔ̃ 52:9

inɛɛu bɛ kù so Ilaaɔ̃ ku jɛ woo degbeɛ, amma naanɛɛ si amaniɛ ŋai í wa nɔ í jilɔɔ si nŋu í nɛ gbugbã si laalɔ ŋa iyi wa ceu.

Iri ku kɔ̃ 63:5

Na nŋu, si kuwɛɛm fei, an maa n saabuɛi. Nɔ na iriɛi an wu awɔm ŋa lele.

Iri ku kɔ̃ 89:10

Awɔi ì ya leekĩ faaui tenku. Waati iyi inyiɛ wa tãngãm, awɔi ì ya jɔ̀ ku sũ.

Iri ku kɔ̃ 89:13

Awɔi ì ce awɔ njɛi kpãai inunu do awɔ cangai kpãai inunu. Iri kutai Tabɔɔ do Hɛɛmɔɔ, à waa saabuɛ.

Iri ku kɔ̃ 98:1

Iri ku kɔ̃. I kɔ̃a Aɔ̃ Lafɛ̃ɛ iri titɔ̃ ŋa domi í ce maamaake ŋa. Í jɛ igũi do gbugbãi awɔ kumáɛ.

Kufita 18:11

Nsɛi ǹ mà iyi Aɔ̃ Lafɛ̃ɛ í la í re mii baa yooma fei iyi inɛ ŋa à waa tɔɔ, nɔ í nyisi gbugbãɛ waati iyi í nya inɛi Izirɛli ŋau wa hai si awɔ gbugbãi inɛi Ezibiti ŋau.

Ezai 40:10

Aɔ̃ Lafɛ̃ɛ wa naa do gbugbã. Nɔ gbugbãɛui á jɔ̀ ku jɛ bomma. Á baaò mii iyi í ba wa iyi í jɛ ribai wahalaɛu.

Ezai 51:9

Dede hai si iri njoo, Aɔ̃ Lafɛ̃ɛ. Dede ńya ńya i nyisi gbugbãɛ. Dede hai si iri njoo bɛi tako, dede bɛi waatii inɛi tako ŋau. N jɔ awɔi ì kpa Rahabu nɔ ì gũ akandamai tenkuu mɛɛ.

Ezai 52:10

Aɔ̃ Lafɛ̃ɛ í nyisi gbugbãɛ si ijui inɛi ilɛ ŋau fei. Nɔ hee ku bɔ kɔɔi andunya fei, inɛ ŋa aa yɛ faaba iyi Aɔ̃ Lafɛ̃ɛ nwa í naaò wa.

Ezai 63:12

Nŋui í sobi Moizi si waatii isɛɛnɛu do gbugbã, nŋui í jɔ̀ inyi í kpɛ̃ si waju nŋa ku ba ku nya iri hee do ajɔ fei,

Zeremi 49:15

Aɔ̃ Lafɛ̃ɛ í ni, iŋɛ inɛi Edɔmu ŋa, amui an jɔ̀ i kere i re ŋa si inɔi inɛ ŋa iyi à gbe si ilɛ ŋau ihɛ̃ ŋa. Nɔ yaakoi aa jɛ bi amanɛ ŋa.

Romu 1:21

À mà Ilaaɔ̃ amma a kù waa saaluɛ hee a bɛi a saabuɛ si bɛi í jɔ. Iri nŋa í na í ku, nɔ idɔ hai nɛ bisi nŋa í dási ilu kuku nla nla.

Kɔrɛnti 2, 10:5

do dimii ara ku so iyi inɛ ŋa à nɛ fei à waa jãò ide ntɔi Ilaaɔ̃. Nɔ do nŋui à waa kãmiaò lasabu fei ku ba a jirima Kirisi.

Wooda ku kɔsi 4:34

Mà iwɛ̃ gɔ í lasabu baa ajɔ akã nŋu ku naa ku nya inɛi nŋu ŋa wa hai si awɔi mbɛɛ nŋa ŋa do laakai ku cɔ gɔ ŋa do sɛɛda gɔ ŋa do maamaake gɔ ŋa do nyinda gɔ ŋa do igũ do gbugbã nla nla iyi á jɔ̀ njo ku mu inɛ ŋa bɛi Aɔ̃ Lafɛ̃ɛ nŋɛ í ce ilɛi Ezibiti si waju nŋɛ?

Piɛɛ 1, 5:5

Bɛɛbɛ mɔi, iŋɛ awaasũ ŋa, i sũa inɛ ngboi igbɛ ŋau iri ilɛ. Iŋɛ fei i jɔ̀ ara ku kaye ku jɛ nŋɛ bɛi ibɔ iyi à ya dasi, domi kukɔi idei Ilaaɔ̃ wa fɔ í ni, Ilaaɔ̃ kù wa anyii woo tɔɔ fufu ŋa, amma wa cea woo kaye ara ŋa didɔ̃.

Kuyɛi Zãa 18:8

Na nŋu, bɔ̃nɛ ikã ikã á baa si ajɔ akã. Bɔ̃nɛ ŋau wee. Patapoo do inɔ kufɔi iku do ari. Nŋu takaɛ á joi mam mam, domi Aɔ̃ Lafɛ̃ɛ iyi í kiitiɛ í jɛ ilu gbugbã.