Luku 1:48 - Bibeli do fee

⁴⁸ si na iyi í jɔ̀ í kãsim iju jiidaɛ, amu woo ce icɛɛ iyi n kù jɛ ngɔgɔ. Nɔ hai nsɛi inɛi andunya ŋa fei aa maa ni amu ilu inɔ didɔ̃i,

Luku 1:48 Iomraidhean Croise

Kusintii Andunya 30:13

Ŋɔi Lea í ni, amu ǹ gbɔ ididɔ̃, domi inaabo ŋa aa kpem woo gbɔ ididɔ̃. Ŋɔi í sɔɔ Azɛɛ.

Samuɛli 2, 7:8

Nsɛi koo i sɔ̃ Davidi woo ce icɛm i ni, Aɔ̃ Lafɛ̃ɛi lele do ilɛ í ni, ǹ soɛ wai hai bi ku degbe angudã ŋa ku ba i na i jɛ woo gbãi zamaam inɛi Izirɛli ŋa.

Iri ku kɔ̃ 102:17

Ntɔ ntɔ, Aɔ̃ Lafɛ̃ɛ á teese ku ma Siɔ̃ɔ, nɔ aa yɔɔi si amboeɛ.

Iri ku kɔ̃ 136:23

Nŋui í ye gigi nwa waati iyi à wa si wahala. Kubiɛ í ya maa wɛɛi hee do ajɔ fei.

Iri ku kɔ̃ 138:6

Aɔ̃ Lafɛ̃ɛ í wa lele amma wa yɛ inɛ ŋa iyi à kaye ara nŋa. Nɔ ilu faau ŋa, hai jĩijĩ í mà ŋa.

Iri ku kɔ̃ 72:17

Bɛi inunu í ya maa fita waati kãma fei jɔ̀ iriɛ ku maa wɛɛ hee do ajɔ fei. Jɔ̀ inɛ ŋa a ya maa kpe iriɛ waati iyi à waa weea njɛ fei, nɔ inɛi ilɛ ŋa fei a fɔ a maa ni, ilu inɔ didɔ̃i.

Ezai 66:2

Mii ŋa iyi ì waa yɛ ŋau bɛ fei ŋa, awɔm nii í ce ŋa. Do yaase bɛɛbɛi aŋa fei à wɛɛò. Amu Aɔ̃ Lafɛ̃ɛi ǹ wa n sɔ̃ ŋɛ. Si inɛ iyi ijum ŋa í ya wa wee. Ijum í ya wai si ilu are do si hai nɛ gbugbã iyi wa gbɔ idem do jirima nla nla.

Malasi 3:12

Dimi mmu ŋa fei aa ni, iŋɛ ilu inɔ didɔ̃ ŋai, domi kuwɛɛ á dɔ̃ si ilɛ nŋɛu. Amu Aɔ̃ Lafɛ̃ɛi lele do ilɛi ǹ fɔ bɛɛbɛ.

Luku 1:28

Amalekau í lɔ bi tɛɛ í sɔ̃ɔ í ni, ǹ wa n ceɛ fɔɔ, awɔ iyi Ilaaɔ̃ í cea didɔ̃. Aɔ̃ Lafɛ̃ɛ í wɛɛ do awɔ.

Luku 1:42

Nɔ í dɔ̃ anu hee lele í ni, Ilaaɔ̃ í weeɛ í re inaabo fei, nɔ kuweeu á sɔ si ama iyi aa na i bíu.

Luku 1:45

Ilu inɔ didɔ̃i awɔ iyi ì dasi naanɛ iyi mii iyi Ilaaɔ̃ í sɔ̃ɛ á na ku ce.

Luku 1:49

domi Ilaaɔ̃, ilu gbugbã fei í ceem mii nla nla. Í jɛ inɛ kumá.

Luku 11:27

Waati iyi Jesu wa fɔ bɛɛbɛ, abo gɔ í dɔ̃ anu hai inɔ zamaau í ni, ilu inɔ didɔ̃i inɛ iyi í so asĩɛ, nɔ ì mɔmɔ amɔɛ.

Samuɛli 1, 1:11

Ŋɔi í cea Aɔ̃ Lafɛ̃ɛ kuwã í ni, Aɔ̃ Lafɛ̃ɛi lele do ilɛ, cɔ bɛi ǹ wɛɛò inɔ kufɔ nla nla. Maà gbɛjɛm, amma ce araarem. Bii ì muum ama inɛmɔkɔ an soo má n daɛ si awɔ ku maa ceɛ icɛ si kuwɛɛɛ fei. Nɔ a kaa ja iriɛ ajɔ kãma.

Samuɛli 1, 2:8

Awɔi ì ya dede kãma iyi í cuku ilɛ, nɔ ì ya nya ilu are hai si inɔ goo bi ku dikã mii riisi ŋa. Nɔ ì ya jɔ̀ a buba do inɛ nla ŋa, nɔ ì ya jɔ̀ a nɛ bɛɛrɛ. Awɔi ì jilɛ icui ilɛ, nɔ si antaiɛi ì lesi andunya.