43 Yooi ǹ jɛ hee iyei Lafɛ̃ɛm í naa bi tom.
Iriu ihɛ̃ ti Davidii. Aɔ̃ Lafɛ̃ɛ í sɔ̃ Lafɛ̃ɛm í ni, buba do ikpa awɔ njɛm ihɛ̃, hee n ce mbɛɛɛ ŋa bi ku lesi isɛɛ.
Waati iyi Jesu wa ba zamaau ide ku fɔ, ŋɔi iyeɛ do ifɔɛ ŋa à naa à leekĩ waduude, à waa bi a baa ide ku fɔ.
Iyi í to wa í ni Zãa ku dasi nŋu inyi, ŋɔi Zãa wa bi ku kɔ̀, í ni, awɔi ì nɛ kpãa i dasim inyi, nɔ bɛirei í ce ì waa naa bi tom.
Nɔ í dɔ̃ anu hee lele í ni, Ilaaɔ̃ í weeɛ í re inaabo fei, nɔ kuweeu á sɔ si ama iyi aa na i bíu.
Waati iyi ǹ gbɔ fɔɔɛu bɛ, ama iyi í wa inɔm í yaga do inɔ didɔ̃.
Laabaauu wee. Nnyi, si ilui Davidi, à bí nŋɛ Woo faaba. Nŋui í jɛ Lafɛ̃ɛ, inɛ iyi Ilaaɔ̃ í cicau.
Na ŋɔi í ce mɔm í yɔɔ iyi nŋu kù to nŋu ku naa bi tɛɛ do arai nŋu. Amma í ni i fɔ ide nŋu akã wa, amaacɛi nŋu á ba iri.
Ì ya maa kpem Mɛɛtu do Lafɛ̃ɛ ŋa. Ntɔi ì waa fɔ ŋa, domi bɛɛbɛi ǹ jɛ.
Ŋɔi Tomaa í jɛaa í ni, awɔi ì jɛ Aɔ̃ Lafɛ̃ɛm.
I maà ya ce ngɔgɔ do njɛ ku wã ŋa walakɔ do fufu ku tɔɔ, amma i kaye ara nŋɛ i ya doo inɛ ŋa bɛi mii iyi à re ŋɛ.
Ǹ doo fei ndɛɛ fei mɔm bɛi mii hai nɛ bɛɛrɛ na ide iyi í nɛ amboe í re. Ideu nŋui í jɛ Jesu Kirisi Lafɛ̃ɛm iyi ǹ mà. Na iriɛi ǹ jɔ̀ mii fei, ǹ doo aŋa fei bɛbɛi bɛi riisi iyi à kpã ku ba n nɛ Kirisi,
Ŋɔi Ruutu í sɛɛbata hee ilɛ, nɔ í bee Boazi í ni, bɛirei í ce ì waa mum do jiida ku jɛ nɔ ì bi idem, amu iyi ǹ jɛ inɛ njoo.
Ŋɔi Abigali í dede í sɛɛbata hee ilɛ nɔ í ni, ǹ tã sɔɔlu n jɛ arui lafɛ̃ɛm nɔ n ya n maa n wiɛ kutɛi amaacɛɛ ŋa.
