Luku 1:32 - Bibeli do fee

³² Á na ku jɛ inɛ nla. Amai Ilaaɔ̃i aa ya kpoo, nŋu iyi kù nɛ saa. Aɔ̃ Lafɛ̃ɛ á coo ilaalu, á náa bommai Davidi balaɛ.

Luku 1:32 Iomraidhean Croise

Samuɛli 2, 7:16

Inɛi kpasɛ̃ɛ gɔi á ya jɛ bomma waati kãma fei. Nɔ bommaɛ á maa nɛ gbugbãi hee do ajɔ fei.

Iri ku kɔ̃ 132:11

Aɔ̃ Lafɛ̃ɛ í cea Davidi kuwã do kugbasi gɔ, nɔ kaa dede si pai. Í ni si tɔkuɛ ŋa, nŋu á ya jɔ̀ inɛ akã ku ya buba si agbɛɛ si kitãi bommau.

Iri ku kɔ̃ 132:12

Bii amaɛ ŋa à waa jirima akabuui nŋu do ide ŋa iyi nŋu í kɔ ŋa siu, ama nŋa ŋa mɔ aa ya na a buba si kitãi bommaɛui hee do ajɔ fei.

Ezai 16:5

bommau á nyi ku ba gbugbã mái na saabui jiida ku jɛ. Nɔ waati bɛɛbɛ inɛ mmu gɔ iyi í jɛ tɔkui Davidii á buba si bommau do dee dee ku jɛ. Inɛ nŋu á jɛ woo kiiti iyi lasabuɛ í wa si mii iyi í tɛ, nɔ á jɛ inɛ iyi á ya bi mii iyi í jɛ dee dee.

Zeremi 17:25

Bii ì waa ce bɛɛbɛ ŋa, ilaalu ŋa iyi aa buba si kitãi bommai Davidi, iyi à waa ce isɛɛnɛ do acĩ ŋa walakɔ do sarɛti iyi acĩ ŋa à waa fa, do akawe nŋa ŋa, do inɛi Zudaa ŋa, do inɛi Zeruzalɛmu ŋa, aŋa fei aa yɔkɔ a maa ce wũaa nŋa ŋa si inɔ iluu, nɔ inɛ ŋa aa maa wa si iluui hee do ajɔ fei.

Zeremi 22:2

sotĩ i gbɔ ide iyi Aɔ̃ Lafɛ̃ɛ wa fɔ awɔ ilaalui Zudaa iyi ì waa buba si kitãi bommai Davidi, awɔ do woo ce icɛɛ ŋa do inɛɛ ŋa iyi à ya lɔ inɔ kabai bommaɛu.

Daniɛli 2:44

Si waatii ilaalu ŋau bɛ, Ilaaɔ̃ Lafɛ̃ɛi lele á jilɛ bomma gɔ iyi kaa ce nfe ajɔ kãma, nɔ kaa jɛ arui dimi mmu kãma gɔ má. Bommau á lɛgɛ bomma ŋa iyi à cuaa wa ŋau feii, nɔ ku kpa irii kuwɛɛ nŋa. Bommau á maa wɛɛi hee do ajɔ fei.

Matie 1:1

Dimii nyaanzei Jesu Kirisi ŋa wee. Jesu Kirisii í jɛ tɔkui Davidi, nɔ Davidi mɔ wa jɛ tɔkui Aburahamu.

Matie 12:42

Si ajɔi kiitiu, ilaalu inaabo iyi í naa hai awɔ cangai kpãai inunu á dede si inɛi nnyi ŋa ku yɛ taale nŋa, si na iyi í jɔ̀ hai jĩijĩi í dede í naa ku gbɔ idei bisii Salomɔɔ, ilaalu nlau. Nɔ wee nsɛi mii gɔ í wa ihɛ̃ iyi í nɛ bɛɛrɛ í re Salomɔɔ.

Matie 28:18

Ŋɔi Jesu í sɛkɛɛ si ŋa wa í ni, yiikoi lele do ti ilɛ fei à nam nii.

Matie 3:11

Amu inyii ǹ wa n dasi ŋɛ ku ba ku jɛ sɛɛdai idɔ ku kpaasi nŋɛ, amma inɛ gɔ á na ku naa si anyim. Í rem do gbugbã ntɔ ntɔ, n kù to baa n bɔ baataɛ. Nŋui á da nŋɛ si Hundei Ilaaɔ̃ do ina.

Maaku 14:61

Amma Jesu wa cokoɛ, kù fɔ ide gɔ. Ŋɔi woo wee nlau í beeɛ má í ni, awɔi ì jɛ inɛ iyi Ilaaɔ̃ í cica, Amai Ilaaɔ̃ iyi à waa saabu?

Maaku 5:7

Ŋɔi í dɔ̃ anu hee lele í ni, mii í wa gãmɛi awaɛ, Jesu, awɔ Amai Ilaaɔ̃. Ilaaɔ̃ í re fei, nɔ ǹ wa n tɔɔɛ do iriɛ, maà wahalam.

Luku 1:15

si na iyi í jɔ̀ inɛ nlai á jɛ si wajui Aɔ̃ Lafɛ̃ɛ. Kaa mɔ vɛ̃ɛ, hee má jɛ atɛ̃ kulele mmu gɔ. Nɔ á kɔ̃ò Hundei Ilaaɔ̃ hai inɔi iyeɛ.

Luku 1:35

Ŋɔi amalekau í jɛaa í ni, Hundei Ilaaɔ̃i á naa siɛ, nɔ gbugbãɛ ku biiɛ bɛi jĩjĩ. Nŋui í jɔ̀ ama iyi aa na i bíu á jɛ inɛ kumá nɔ a kpoo Amai Ilaaɔ̃.

Luku 1:76

Nɔ awɔ amam, aa kpeɛ waliii Ilaaɔ̃, nŋu iyi kù nɛ saa, domi aa cuaa Lafɛ̃ɛ i maa teesea kpãa,

Luku 3:16

Nɔ Zãa í sɔ̃ aŋa fei í ni, inyii amu ǹ wa n dasi ŋɛ, amma inɛ gɔ wa naa iyi í rem do gbugbã. N kù to n fũ baa ikũi baataɛ. Nŋui á da nŋɛ si Hundei Ilaaɔ̃ do ina.

Luku 6:35

Amma i bi mbɛɛ nŋɛ ŋa, i ce nŋa jiida ŋa, i ya wɛ̃ nŋa nɔ i maà ya cɔ kpãai ku sã ŋa. Bii ì waa ce bɛɛbɛ ŋa, riba nŋɛ á la nɔ aa jɛ amai Ilaaɔ̃ ŋa, nŋu iyi kù nɛ saa, domi nŋu takaɛ wa nyisi amanɛ gudulu ŋa do amanɛ laalɔ ŋa didɔ̃ɛ.

Laabaau jiida iyi Zãa í kɔ 12:34

Ŋɔi zamaau í sɔ̃ɔ í ni, à gbɔ si tiai wooda nwa ŋa iyi inɛ iyi Ilaaɔ̃ í cicau á maa wɛɛi hee do ajɔ fei. Bɛirei í ce ì waa ni kù nɛ bɛi á ce iyi a kù so Amai Amanɛ hai ilɛ a kɔaɛ lele. Yooi í jɛ Amai Amanɛu.

Laabaau jiida iyi Zãa í kɔ 6:69

Awa à dasi naanɛ nɔ à mà kãm kãm iyi awɔi ì jɛ Inɛ Kumá iyi í naa hai bi Ilaaɔ̃.

Woo bɛ ŋa 16:17

Ŋɔi í too awa do Pɔlu wa la hee lele wa ni, inɛ ŋau ihɛ̃ woo ce icɛi Ilaaɔ̃ ilu gbugbã ŋai. À naa ku nyisi ŋɛ kpãai faabai.

Woo bɛ ŋa 2:30

Amma si bɛi í jɛ walii, í mà iyi Ilaaɔ̃ í cea nŋu kuwãi ide gɔ do kugbasi í ni tɔkuɛ gɔ á na ku buba si kitãi bommaɛ.

Woo bɛ ŋa 2:36

Na ŋɔi í jɔ̀ í sĩa iŋɛ inɛi Izirɛli ŋa fei i mà iyi ihɛ̃ ŋa sãa sãa. Jesu iyi ì kpakpa si jĩi nɔu bɛ ŋa, nŋui Aɔ̃ í ce Lafɛ̃ɛ do Kirisi.

Woo bɛ ŋa 7:48

Do nŋu fei, Ilaaɔ̃ nŋu iyi í wa hee lele, ci ya wa si ile iyi amanɛ ŋa à ma. Bɛɛbɛi walii gɔ í tako í fɔ wo í ni,

Romu 1:4

amma Hundei Ilaaɔ̃ í nyisi do gbugbã iyi ntɔi Amai Ilaaɔ̃i si waati iyi í dedeɛ hai si balɛ.

Kuyɛi Zãa 3:7

Kirisi í ni má, kɔa amalekai igbɛi inɛm ŋa iyi í wa Filadɛɛfi. Kɔaa i ni, inɛ iyi í jɛ inɛ kumá do ilu ntɔ, iyi wa mu kileei ilaalu Davidi, nŋu iyi bii í cũu, inɛ gɔ kaa cĩmboɛ, bii í nɔ í cĩmboɛ, inɛ gɔ kaa cũu, nŋui í ni,