Luku 1:30 - Bibeli do fee

³⁰ Ŋɔi amalekau í sɔ̃ɔ í ni, maà jɔ̀ njo ku muɛ Maari. Ilaaɔ̃ í ceɛ didɔ̃.

Luku 1:30 Iomraidhean Croise

Kusintii Andunya 6:8

Amma Aɔ̃ Lafɛ̃ɛ í cea Nowee didɔ̃.

Ezai 41:10

Maà jɔ̀ njo ku muɛ domi ǹ wɛɛ do awɔ. Maà ti i maa cɔ ilu do zigiida domi amui ǹ jɛ Aɔ̃ Lafɛ̃ɛɛ. An jɔ̀ i nɛ gbugbã, nɔ an naa n faabaɛ. An maa n muɛi do gbugbãm iyi í ya jɔ̀ n jɛ igũ.

Ezai 41:14

Zakɔbu, awɔ iyi à waa cea bɛi kokoo, maà jɔ̀ njo ku muɛ. Izirɛli, awɔ iyi ì jɛ bɛi kokoo, ǹ wa n naa ku faabaɛ. Amu Aɔ̃ Lafɛ̃ɛ Inɛ Kumái Izirɛli, amu woo yaɛ, amui ǹ fɔ bɛɛbɛ.

Ezai 44:2

Amu Aɔ̃ Lafɛ̃ɛ, amu iyi ǹ ceɛ nɔ ǹ rɔɛ hai si inɔi iyeɛ hee a maa bíɛ wa, amu iyi ǹ jɛ sobiɛ, ide iyi ǹ wa n sɔ̃ɛ wee. Maà jɔ̀ njo ku muɛ, awɔ dimii Zakɔbu woo ce icɛm, awɔ Yesurunu iyi ǹ cicau.

Matie 14:27

Bɛ gbakã Jesu í ba ŋa ide ku fɔ í sɔ̃ ŋa í ni, i sũ laakai nŋɛ. Amui Jesu, i maà ce njo ŋa.

Matie 28:5

Ŋɔi amalekau í sɔ̃ inaabo ŋau í ni, iŋɛ, i maà jɔ̀ njo ku mu ŋɛ. Ǹ mà iyi Jesu inɛ iyi à kpakpa si jĩi ku gaauui ì waa dɛ ŋa.

Luku 1:13

Amma amalekau í sɔ̃ɔ í ni, maà jɔ̀ njo ku muɛ, Zakari. Ilaaɔ̃ í gbɔ kutɔɔɛ. Elizabɛti aboɛ á bíɛ ama inɛmɔkɔ nɔ i sɔɔ Zãa.

Luku 12:32

Nɔ Jesu wa ba mɔcɔɛ ŋau ide ku fɔ má í ni, iŋɛ gaa keekem, i maà ti i ce njo ŋa, domi á dɔ̃a Baa nŋɛ si ku jɔ̀ i jɛ amaalu ŋa si bommaɛ.

Woo bɛ ŋa 27:24

í ni, Pɔlu, maà ce njo. Kù nɛ bɛi aa ce iyi i kù leekĩ si wajui ilaalu nlai Romu. Nɔ wee inɛ ŋa iyi iŋɛò ŋa ì wa inɔ akɔu fei, Ilaaɔ̃ í yɔɔda nŋai a baɛ ku wɛɛ.

Romu 8:31

Debɛi bɛirei aa ka fɔ má. Bii Ilaaɔ̃ í jɛ tu wa, yooi á yɔkɔ ku jɛ mbɛɛ nwa.

Ebɛɛ 13:6

Na nŋu, aa ka yɔkɔ ka cã gɛndɛ ka ni, Aɔ̃ Lafɛ̃ɛ í jɛ inɛ iyi á sobim. Njo kù waa mum. Mii amanɛ á yɔkɔ ku ceem.