Luku 1:27 - Bibeli do fee

²⁷ Í bɔɔi bi mudɛ̃ɛ gɔ iyi kù mà mɔkɔ, amma à mua awaasũ gɔ iyi à ya kpe Zozɛfu, si dimii ilaalu Davidi. Irii mudɛ̃ɛui í jɛ Maari.

Luku 1:27 Iomraidhean Croise

Kusintii Andunya 3:15

An dasi mbɛɛtɛ si gãmɛi awɔ do abou, do si dimiɛ hee do si dimii abou fei. Dimii abou á lɛgɛ iriɛ, nɔ awɔ mɔ aa mɛɛ cicĩisɛɛ.

Ezai 7:14

Na nŋu, Aɔ̃ Lafɛ̃ɛ takaɛ á na ŋɛ nyinda gɔ. Nyindau wee. Ama mudɛ̃ɛ gɔ á nɛ asĩ nɔ ku bí ama inɛmɔkɔ. Waati iyi á na ku bí amau, Emanuɛlii á kpoo, waatɔ Ilaaɔ̃ í wɛɛ do awa.

Zeremi 31:22

Hee waati yoomai aa nyi i maa dabii bii fei má, awɔ iyi ì yɛ bɛi mudɛ̃ɛ ku kɔ̀ ide. Aɔ̃ Lafɛ̃ɛ í taka mii titɔ̃ si ilɛ. Inaaboi wa dɛdɛ inɛmɔkɔ.

Matie 1:16

Nɔ Zakɔbu mɔ í bí Zozɛfu mɔkɔi Maari, nɔ Maari mɔi í jɛ iyei Jesu iyi à ya kpe Kirisi.

Matie 1:18

Yaase bɛi à bíò Jesu Kirisi wee. Hai waati iyi Maari í wɛɛ mudɛ̃ɛi à mua Zozɛfu. Amma hee a maa tɔtɔɔ sɛ̃ɛ Maari í nɛ asĩ do gbugbãi Hundei Ilaaɔ̃.

Matie 1:23

iyi í ni, mudɛ̃ɛ gɔ iyi kù mà mɔkɔ á na ku nɛ asĩ. Á bí ama inɛmɔkɔ, nɔ a kpoo Emanuɛli. Yaasei iriui í jɛ Ilaaɔ̃ í wɛɛ do awa.

Luku 1:28

Amalekau í lɔ bi tɛɛ í sɔ̃ɔ í ni, ǹ wa n ceɛ fɔɔ, awɔ iyi Ilaaɔ̃ í cea didɔ̃. Aɔ̃ Lafɛ̃ɛ í wɛɛ do awɔ.