Luku 1:17 - Bibeli do fee

¹⁷ Nŋui á cuaa Ilaaɔ̃ nɔ ku yɛ bɛi Elii walii nlai takou. Gbugbãɛ mɔ á yɛi bɛi ti Elii. Á jɔ̀ baa do ama nŋa ŋa a gbɔsi njɛ, nɔ á jɔ̀ hai gbɔ ide ŋa mɔ a ce lasabu bɛi inɛ dee dee ŋa, nɔ ku jɔ̀ inɛ ŋa a tã sɔɔlu a maa degbe Aɔ̃ Lafɛ̃ɛ.

Luku 1:17 Iomraidhean Croise

Ilaalu 1, 17:1

Elii inɛi ilui Tisibu si ilɛi Galaadi í sɔ̃ Akabu í ni, do irii Aɔ̃ Lafɛ̃ɛi inɛi Izirɛli ŋa iyi ǹ wa n cea icɛ, si adɔ̃ ŋa iyi wa baau ihɛ̃ ikpã kaa le hee má jɛ ijĩ ku wɔ bii kù jɛ ǹ ni ku naa.

Ilaalu 1, 18:18

Ŋɔi Elii í jɛaa í ni, kù jɛ amui ǹ wa n naaò laalɔ wa si ilɛi Izirɛli, amma awɔ do nyaanzei baaɛ ŋai, domi ì fũsi woodai Aɔ̃ Lafɛ̃ɛ ŋau awɔ ŋa nɔ ì koo ì waa tɔɔ Baali ŋa.

Ilaalu 1, 21:20

Iyi Elii í bɔ Akabu ku sɔ̃ ideu ŋɔi Akabu í ni, mbɛɛm, ì naa bi tom má ya. Ŋɔi í jɛaa í ni, ǹ naa bi tɛɛ má si na iyi í jɔ̀ ì ce mii laalɔ iyi kù dɔ̃a Aɔ̃ Lafɛ̃ɛ si.

Ilaalu 2, 1:16

Nɔ í sɔ̃ ilaaluu í ni, Aɔ̃ Lafɛ̃ɛ í ni, si na iyi í jɔ̀ ì bɛ inɛ ŋa kubee ku ce bi Baali-Zebu iwɛ̃i inɛi Ekorɔ̃ɔ ŋau bɛi Ilaaɔ̃ kù wa ilɛi Izirɛli bii aa ce kubeei ideɛ, i kaa kita hai si antaii daayi bii ì gũu bɛ, domi aa kui.

Bomma 1, 29:18

Aɔ̃ Lafɛ̃ɛi Aburahamu do Izaaki do Izirɛli bala nwa ŋa, jɔ̀ dimii lasabuu bɛ ku maa wa si idɔi zamaaɛu hee do ajɔ fei, nɔ i jɔ̀ idɔ nŋa ku nɛ gbugbã na iriɛ.

Bomma 2, 29:36

Ŋɔi Ezekiasi do zamaau fei à wɛɛò inɔ didɔ̃ do mii ŋa iyi Ilaaɔ̃ í cea zamaau fei sɔɔluɛ, domi fei ndɛɛ í cei anu akã.

Iri ku kɔ̃ 10:17

Aɔ̃ Lafɛ̃ɛ, awɔi ì ya gbɔ kutɔɔi inɛ ŋa iyi à wa si wahala. Awɔi ì ya mu nŋa gbugbã nɔ ì ya desi ŋa itĩ,

Iri ku kɔ̃ 111:10

Bii ì bi i nɛ laakai, jɔ̀ i mà bɛɛrɛi Aɔ̃ Lafɛ̃ɛ titã. Inɛ ŋa iyi à waa jirimaɛ fei, à ya nɛ laakai jiidai. Bɛɛrɛi Aɔ̃ Lafɛ̃ɛ á maa wɛɛi hee do ajɔ fei.

Iri ku kɔ̃ 78:8

A kaa yɛ bɛi bala nŋa ŋa. Aŋa iyi à yika itĩ nɔ à kɔ̀ ku jirima Ilaaɔ̃, idɔ nŋa kù leekĩ suusuu, nɔ lasabu nŋa kù jɛ dee dee.

Ezai 29:24

Nɔ inɛ ŋa iyi a kù nɛ lasabu jiida wo, aa cɛ ku gbɔ yaasei mii ŋa. Nɔ inɛ ŋa mɔ iyi à ya maa kɔ̀ ide wo, aa jɛsi a kɔ ŋa.

Amɔsu 4:12

Na nŋu iŋɛ inɛi Izirɛli ŋa aa yɛ mii iyi an ce nŋɛ. Nɔ si bɛi an ce nŋɛ bɛɛbɛ iŋɛ inɛi Izirɛli ŋa, i ce sɔɔlu i kò amu Aɔ̃ Lafɛ̃ɛ nŋɛ.

Matie 11:14

Ì gbɔ ŋa iyi à ni Elii á na ku naa. Bii ì jɛsi i gbɔ idem ŋa, Zãai í jɛ Eliiu.

Matie 3:3

Idei Zãaui walii Ezai í fɔ wo, si waati iyi í ni, à gbɔ imui inɛ gɔ wa dɔ̃ anu si gbaa wa ni, i teese kpãai Lafɛ̃ɛ ku tɛ ŋa.

Matie 3:4

Zãa wa dasi ibɔi ntoi kpookpo, nɔ wa dĩ santiikii bata. Kɛtɛngbo do nyikɔ̃i í jɛ ijɛɛ.

Luku 1:16

Á jɔ̀ inɛi Izirɛli nkpɔ ku kpaasi idɔ nɔ a nyi wa bi Aɔ̃ Lafɛ̃ɛ nŋa.

Luku 1:76

Nɔ awɔ amam, aa kpeɛ waliii Ilaaɔ̃, nŋu iyi kù nɛ saa, domi aa cuaa Lafɛ̃ɛ i maa teesea kpãa,

Laabaau jiida iyi Zãa í kɔ 1:13

A kù jɛ amai Ilaaɔ̃ ŋa do yaase bɛi à ya ce a bíò amu ŋa si andunya. Kù jɛ do idɔɔbii amanɛ ŋa, ti Ilaaɔ̃i.

Laabaau jiida iyi Zãa í kɔ 1:34

Ǹ yɔɔ, nɔ ǹ wa n jɛa inɛ ŋa sɛɛda iyi nŋui í jɛ Amai Ilaaɔ̃.

Laabaau jiida iyi Zãa í kɔ 3:28

Iŋɛ taka nŋɛ ì jɛ sɛɛdam iyi ǹ ni n kù jɛ inɛ iyi Ilaaɔ̃ í cicau, amma à bɛm wai ku ba n cuaa wa.

Woo bɛ ŋa 10:33

Iyi amalekau í fɔ bɛɛbɛ, ŋɔi ǹ bɛ siɛ inɛ ŋau bɛ wa gbakã, ì nɔ ì jɛ ì naa. Iyi bɛ í sĩa. Nsɛi awa fei à wa si wajui Ilaaɔ̃ ihɛ̃ à waa de itĩ si ide iyi Lafɛ̃ɛ í sɔ̃ɛ fei i sɔ̃ wa.

Romu 9:23

Inɛ gɔ ŋa mɔ í bi ku nyisi ŋa bɛi amboeɛ í la í to. Aŋai í ce araare nŋa nɔ í ce sɔɔlu nŋa hai ku kpɛ a nɛ ikpɛ̃ si amboeɛ.

Kolosee 1:12

I ya maa saabu Ilaaɔ̃ Baaba do inɔ didɔ̃ ŋa, nŋu iyi í jɔ̀ ì nɛ ikpɛ̃ si tubu iyi í jilɛa woo dasi naanɛ ŋa si inya kumá.

Timɔtee 2, 2:21

Na nŋu, inɛ iyi wa nya araɛ hai si laalɔ ŋa iyi ǹ fɔ ideɛu fei, á yɛi bɛi jɛɛ iyi í nɛ bɛɛrɛ. Á jɛ inɛ iyi Ilaaɔ̃ í cica ikã ku jɛ tɛɛ mam mam, nɔ Lafɛ̃ɛ á yɔkɔ ku ceò icɛ si na iyi í jɔ̀ í tã sɔɔlu ku ceò icɛ jiida baa yooma fei.

Piɛɛ 1, 2:9

Amma iŋɛi ì jɛ dimi iyi Ilaaɔ̃ í cica, nɔ iŋɛi ì jɛ woo weei ilaalu ŋa, ì jɛ dimi iyi í má ŋa iyi Ilaaɔ̃ í ya ku ba i fɔ jiida ku jɛɛ, nŋu iyi í kpe ŋɛ hai si ilu kuku ì naa ì lɔ si inya kumá ilu bɛɛrɛɛ.

Zãa 1, 2:28

Nsɛi, iŋɛ amam ŋa, i jɔ̀ i nɛ anu akã do Kirisi ŋa, ku ba ajɔ iyi á faata wa ka nɛ idɔ ku buba, nɔ anyɔ ku maà mu wa si wajuɛ si ajɔ iyi á nyi wau.

Kuyɛi Zãa 20:4

Ŋɔi ǹ yɛ kitãi bomma gɔ ŋa nɔ inɛ ŋa à waa buba si. À na inɛ ŋa iyi à waa buba si ŋau yiiko a kiiti inɛ ŋa. Nɔ ǹ yɛ inɛ ŋa iyi à bu iri nŋa na idei Ilaaɔ̃ do si na iyi í jɔ̀ à jɛ sɛɛdai Jesu. Aŋai a kù tɔɔ mɛɛmuu hee má jɛ mii iyi à gbeu, nɔ a kù jɛ aŋa a nɛ nyindaɛ si ikpo nŋa walakɔ si awɔ nŋa. À dede hai si balɛ nɔ à jɛ bomma do Kirisi ajɔ adɔ̃ dubu.

Samuɛli 1, 7:5

Ŋɔi Samuɛli í sɔ̃ ŋa í ni, iŋɛ inɛi Izirɛli ŋa fei, i tɔtɔɔ Misipa nɔ n ce kutɔɔ na iri nŋɛ.