Luku 1:15 - Bibeli do fee

¹⁵ si na iyi í jɔ̀ inɛ nlai á jɛ si wajui Aɔ̃ Lafɛ̃ɛ. Kaa mɔ vɛ̃ɛ, hee má jɛ atɛ̃ kulele mmu gɔ. Nɔ á kɔ̃ò Hundei Ilaaɔ̃ hai inɔi iyeɛ.

Luku 1:15 Iomraidhean Croise

Kusintii Andunya 12:2

Hai bi tɛɛi an jɔ̀ dimi nla nla gɔ ku fita. An weeɛ nɔ n jɔ̀ i nya iri nɔ do saabuɛ inɛ nkpɔ nkpɔ á baò kuwee.

Kusintii Andunya 48:19

Amma baaɛu í kɔ̀ í ni, ǹ mà sãa sãa. Tɔkui Manasee ŋa mɔ aa na a kpɔ. Do nŋu fei, ti Efaraimu ifɔu á kpɔ ku re. Inɛ nŋu ŋa aa kpɔi, dimi ikã ikã fei á wa si.

Bomma 1, 17:8

Ǹ wɛɛ do awɔ tengi bii ì bɔ fei. Ǹ kpa mbɛɛɛ ŋau fei, nɔ an jɔ̀ i nya iri bɛi inɛ nla nlai andunya ŋa.

Bomma 1, 29:12

Hai bi tɛɛi amani do amboe wa naa. Awɔi ì kãmia mii fei. Si awɔɛi gbugbã fei í wa. Awɔɛi í ya jɔ̀ inɛ ku la nɔ ku nɛ gbugbã.

Iri ku kɔ̃ 22:9

Inɛ ŋau à ya maa ni si gãmɛm, í so araɛ í daa Aɔ̃ Lafɛ̃ɛ si awɔ. Bɛirei í ce kù faabaɛ. Bii í buui, bɛirei í ce kù nyaa.

Zeremi 1:5

hee n maa n ceɛ si inɔi iyeɛ, ǹ màɛ tã. Hai waati iyi a kù bíɛ, ǹ cicaɛ nɔ ǹ jilɛɛ i jɛ waliii inɛi ilɛ ŋa.

Zeremi 35:6

Amma à jɛ à ni, a kaa ka mɔ vɛ̃ɛ, domi bala nwa Yonadabu amai Rekabu í na wooda í ni, i kù nɛ i mɔ vɛ̃ɛ ajɔ kãma ŋa hai iŋɛ taka nŋɛ hee do ama nŋɛ ŋa.

Kuwee 10:9

maà mɔ atɛ̃ vɛ̃ɛ, walakɔ mii gɔ iyi aa mɔ ku kpaɛ, awɔ do amaɛ ŋa fei waati iyi ì waa bi i lɔ ile bi kukou ŋa, ku ba i maà ti i na i ku ŋa. Nŋu bɛi í baa í jɛ wooda iyi tɔku nŋɛ ŋa aa na a maa too si hee do ajɔ fei.

Zakari 9:15

Amu Aɔ̃ Lafɛ̃ɛi lele do ilɛ, an degbe inɛm ŋa. Aa jɛ sɔnda nɔ aa tɛɛsɛ kuta iyi à ta í haata. Aa mɔ atɛ̃ vɛ̃ɛ nɔ a maa dɔ̃ anu. Atɛ̃ vɛ̃ɛu á kpɔ bɛi kukpɔi njɛi kuwee iyi í wa si jɛɛi kuwee do si antaii gontai bi kuweeu.

Luku 1:14

Aa nɛ inɔ didɔ̃ nla nla nɔ inɛ nkpɔ á wɛɛ do inɔ didɔ̃ na kubíɛ,

Luku 7:28

An sɔ̃ ŋɛ, si inɔi inɛ ŋa iyi inaabo ŋa à bí fei, kãma nŋa kù wɛɛ iyi í re Zãa. Amma do nŋu fei, baa inɛ iyi í kere í re si bommai Ilaaɔ̃ í roo.

Luku 7:33

Ǹ ni bɛɛbɛi si na iyi í jɔ̀ waati iyi Zãa woo dasi inyi í naa, í ya dĩ anu, ci ya mɔ vɛ̃ɛ, nɔ ì ni í nɛ inɛi inɔɔko ŋa.

Laabaau jiida iyi Zãa í kɔ 5:35

Zãau bɛ í yɛi bɛi fitila iyi à má ku má inya. Nɔ waati keeke gɔ ì jɛsi i wɛɛò inɔ didɔ̃ si inya kumáɛu ŋa.

Woo bɛ ŋa 2:4

Ŋɔi aŋa iyi à wa bɛ fei à kɔ̃ò Hundei Ilaaɔ̃ nɔ à waa fɔ fee mmu gɔ ŋa, si bɛi Hundei Ilaaɔ̃ í mu nŋa aŋa fei ikã ikã.

Galati 1:15

Amma Ilaaɔ̃ í cicam à bɛi à bím nɔ í kpem si didɔ̃ɛ n ceaa icɛ.

Efɛɛzu 5:18

I maà ya jɔ̀ atɛ̃ ku kpa ŋɛ, domi si bɛi daa bɛɛtɛkɛ fei í wa. Amma i jɔ̀ i kɔ̃ò Hundei Ilaaɔ̃ ŋa.

Zozue 3:7

Ŋɔi Aɔ̃ Lafɛ̃ɛ í sɔ̃ Zozue í ni, hai nnyi an soɛ lele si wajui inɛi Izirɛli ŋa fei ku ba a mà iyi ǹ wɛɛ do awɔ bɛi ǹ tako ǹ wɛɛ do Moizi wo.