Luku 1:10 - Bibeli do fee

¹⁰ Nɔ zamaau fei wa ce kutɔɔ waduude si waati iyi wa jo tuaeu.

Luku 1:10 Iomraidhean Croise

Iri ku kɔ̃ 141:2

Jɔ̀ kutɔɔm ku to wa siɛ bɛi cuai tuae iyi í nɛ inunu jiida. Nɔ awɔ ku wum nɔu ku yɛ bɛi kuweei alɛ.

Ezekiɛli 46:3

Zamaai ilɛu á ya naa ku sɛɛbatai si wajui Aɔ̃ Lafɛ̃ɛ si anu koofau si ajɔi kusĩmi ŋau do si ajɔi jingaui cukpa titɔ̃ ŋau.

Kuwee 16:17

Inɛ kãma kaa wa inɔi ile bi kukou waati iyi Arɔ̃ɔ í bɔ ku ce kuwee iyi á kpa idei dulum si inɔ ile iyi í re do kumáu hee koo fitaò wa. Á ce kuweeui ti nŋu takaɛ do ti inɛi kpasɛ̃ɛ ŋa do ti zamaai Izirɛliu fei.

Ebɛɛ 4:14

Do ntɔi à nɛ woo wee nla iyi í bɔ lelei Aɔ̃ í to hee bi Ilaaɔ̃ takaɛ. Nŋui í jɛ Jesu Amaɛ. Na nŋu, ka leekĩ dim dim si naanɛ iyi à dasi,

Ebɛɛ 9:24

À mà sãa sãa iyi Kirisi kù lɔ ile kumá iyi amanɛ ŋa à ce. Kù lɔ ile kumá iyi í jɔ bi kuwa ntɔ ntɔi Ilaaɔ̃u, amma í lɔi hee lele takaɛ nɔ nsɛi wa leekĩ si wajui Ilaaɔ̃ na iri nwa.

Kuyɛi Zãa 8:3

Si anyii nŋu, amaleka mmu gɔ í naa í leekĩ kɔkɔi bi kuweeu, wa mu fatai wura bii à ya jo tuae. À náa tuae nkpɔ nkpɔ ku tɔtɔɔò kutɔɔi woo dasi naanɛ ŋa ku ba ku joo si antaii bi kuweei wura iyi í wa si wajui kitãi bommai Ilaaɔ̃u.