Luku 1:1 - Bibeli do fee

^1-4 Baakɔɔm Teofili, ilu bɛɛrɛ nla, ǹ wa n ceɛ fɔɔ. Í sĩaam si n kɔɛ tiau ihɛ̃ wa n sɔ̃ɛ dee dee mii iyi í ce si anini nwa. Inɛ ŋa iyi à yɔɔ hai sinte, nɔ à baa à jɛ woo ce icɛi ideu, aŋai à sɔ̃ wa. Iyi inɛ ŋa à gbɔɔ, inɛ nkpɔ nkpɔi í ce kookaai ku ba a kɔɔ dee dee. Nɔ í sĩaam si amu mɔ n kɔɛ wa ku ba i mà kãm kãm iyi ide ŋa iyi à kɔɛ siu ntɔi, domi ǹ wũa ideu fei hai sinteɛ.

Luku 1:1 Iomraidhean Croise

Maaku 16:20

Ŋɔi mɔcɔ ŋau à koo à waa waazoa inɛ ŋa bii fei. Nɔ Lafɛ̃ɛ wa sobi ŋa si icɛu, í jɔ̀ à ya maa ce maamaake ŋa ku ba inɛ ŋa a mà iyi ide nŋa í jɛ ntɔ.]

Laabaau jiida iyi Zãa í kɔ 20:31

Amma ide iyi ihɛ̃ ŋai à kɔ ku ba i dasi naanɛ ŋa iyi Jesui í jɛ Kirisi Amai Ilaaɔ̃ ku ba naanɛ iyi ì dasiɛ ŋau ku jɔ̀ i ba kuwɛɛ hai tã ŋa.

Romu 14:5

Inɛ gɔ ŋa à ya tamaa bɛi ajɔ gɔ ŋa à re njɛ do bɛɛrɛi, nɔ inɛ gɔ ŋa mɔ à ya maa tamaa mà iju iyi í má fei akãi. Si ide ŋau ihɛ̃ í sĩa inɛ fei ku mu iyi í jɛ lasabui idɔɛ dim dim.

Romu 4:21

domi í mà kãm kãm, mii iyi Ilaaɔ̃ í wãu í nɛ gbugbãi ku coo.

Kolosee 2:2

Ǹ wa n ce bɛɛbɛi ku ba n mu nŋa gbugbã, nɔ a gbɔsi njɛ do kubi, nɔ kumà nŋa ku maa kɔ̃ɔsi, sika kãma ku maà wa si. Bɛɛbɛ mɔi aa mà asiii Ilaaɔ̃ iyi í jɛ Kirisi takaɛ.

Kolosee 4:12

Epafaasi, inɛi ide nŋɛ woo ce icɛi Jesu Kirisi, nŋu mɔ í ce ŋɛ fɔɔ. Waati kãma fei í ya maa jabui ku maa ce kutɔɔ na iri nŋɛ ku ba i jĩa si idei Ilaaɔ̃ nɔ i yɔkɔ i leekĩ si dim dim ŋa nɔ i tã sɔɔlu i maa ceò idɔɔbii Ilaaɔ̃ fei ŋa.

Tɛsalonika 1, 1:5

Nɔ laabaau jiida iyi à sisi nŋɛ wo kù naa bi tu ŋɛ do ide nŋu akã, amma do gbugbãi í naa, do sobii Hundei Ilaaɔ̃ ajɔ, nɔ sika kãma kù wa si. Iŋɛ taka nŋɛ ì mà bɛi à jɛ kuwɛɛ nwa si anini nŋɛ na aranfãani nŋɛ.

Timɔtee 1, 3:16

Do ntɔ, inɛ gɔ kù wɛɛ iyi á yɔkɔ ku jã kulai asiii kpãai Ilaaɔ̃ ku tɔɔ nwa. Kirisi í baa í jɛ amanɛ nɔ à yɔɔ, nɔ Hundei Ilaaɔ̃ í jɔ̀ à mà iyi inɛ dee deei. Amaleka ŋa mɔ à yɔɔ. Inɛ ŋa à waazo ideɛ si dimi baa yooma fei. Nɔ à dasi ideɛ naanɛ si andunya. Nɔ à soo lele í nyi si amboeɛ.

Timɔtee 2, 4:17

Do nŋu fei, Lafɛ̃ɛ í leekĩ do amu í muum gbugbã, ku ba n waazo laabaau jiidau mam mam nɔ dimi mmu ŋau fei a gbɔɔ. Nɔ ǹ fita si wahalau bɛi inɛ iyi í gbã hai si gɛlɛi muusu nla.

Ebɛɛ 10:22

Na nŋu, ka sɛkɛɛ si Ilaaɔ̃ do idɔ hai nɛ muafiti do naanɛ ku dasi hai nɛ sika, do idɔ kumá iyi kù waa yɛ taale nwa do ara iyi à wɛ do inyi iyi í má.

Ebɛɛ 6:11

Amma à bi inɛ baa yooma nŋɛ fei ku hanya do iju nkpa ku leekĩ si ideu hee kɔɔɛ ku ba mii iyi ì waa cɔ kpãaɛ ŋau ku ce mam mam.