Kukpata 1:9 - Bibeli do fee

⁹ Riisiɛu í wa si ibɔɛ. Kù lasabu si mii iyi á na ku naa. Kucukuɛu í jɛa zamba, nɔ inɛ gɔ kù lɛlɛɛ. Ŋɔi í ni, Aɔ̃ Lafɛ̃ɛ, cɔ wahalam. Cɔ bɛi mbɛɛ wa jɛ igũ.

Kukpata 1:9 Iomraidhean Croise

Samuɛli 2, 16:12

Á yɔkɔ ku jɛ Aɔ̃ Lafɛ̃ɛ á yɛ wahalam nɔ ku sãam jiida si agbɛi arabui nnyim nɔu ihɛ̃.

Ilaalu 2, 14:26

Aɔ̃ Lafɛ̃ɛ í fɔ bɛɛbɛi si na iyi í jɔ̀ í yɛ wahala nla nla iyi inɛi Izirɛli ŋau à wa si. Nɔ inɛ kãma kù wɛɛ má iyi á faaba ŋa, kù wɛɛi baa akã.

Neemi 9:32

Awɔ Aɔ̃ Lafɛ̃ɛ nwa, ì la nɔ ì nɛ gbugbã do amboe. Akabuu iyi ì dĩ do awau ì waa muu, nɔ ì nɛ araare nwa. Hai waatii ilaalui Asiri ŋau wa hee ku baa nnyi à wa si wahala awa do ilaalu nwa ŋa do inɛ ngbo nwa ŋa do woo wee nwa ŋa do walii nwa ŋa do bala nwa ŋa do zamaaɛ fei. Aɔ̃ Lafɛ̃ɛ, maà cɔ wahala nwa ŋau bɛi mii keeke.

Iri ku kɔ̃ 119:153

Cɔ wahalam, nɔ i faabam, domi n kù gbɛjɛ woodaɛ ŋa.

Iri ku kɔ̃ 140:8

Aɔ̃ Lafɛ̃ɛ, awɔi ì jɛ inɛ iyi í faabam do gbugbãɛ. Awɔi ì ya bii irim si waatii igũ.

Iri ku kɔ̃ 25:18

Cɔ wahalam do gbugbã iyi à waa taam nɔ i ceem suurui dulum dom ŋa.

Iri ku kɔ̃ 69:21

Arabuu í mɛɛ idɔm, hee ǹ wa n ce bɔ̃ɔ. Ǹ cɔ kpãa bɛi inɛ gɔ ku ce araarem nii wo, amma n kù ba inɛ kãma. Ǹ dɛdɛ inɛ ŋa iyi aa tũ idɔm, amma n kù ba inɛ kãma.

Kufita 3:17

Nɔ ǹ ni an nya ŋa hai ilɛi Ezibiti tengi bii à waa kpã ŋa iju n bɔò ŋa ilɛi inɛi Kanaã ŋa, do inɛi Hɛti ŋa, do inɛi Amɔre ŋa, do inɛi Ferɛzi ŋa, do inɛi Hɛvi ŋa, do inɛi Zebusi ŋa. Si ilɛu bɛ amɔ do nyikɔ̃ fei wa kɔ̃i.

Kufita 3:7

Nɔ Aɔ̃ Lafɛ̃ɛ í ni, ǹ wa n yɛ bɛi à waa kpã inɛm ŋa iyi à wa Ezibitiu iju sãa sãa nɔ ǹ gbɔ bɛi à ya jɔ̀ à wasi ku dɔ̃ anu nɔ ǹ mà ara kuro nŋa ŋau.

Kufita 4:31

Ŋɔi inɛ ŋau à dasi naanɛ. Nɔ à gbɔ iyi Aɔ̃ Lafɛ̃ɛ wa naa ku faaba aŋa nɔ wa yɛ ijuukpãi aŋa. Nɔ à gulɛ à waa tɔɔɛ.

Woo lasabu 4:1

Si anyiɛ nɔ ǹ yɛ bɛi inɛ ŋa à ya maa taa njɛ gbugbã si andunya. Inɛ ŋa iyi à waa wahala à wasi ku kpata amma inɛ gɔ kaa lɛlɛ ŋa. Woo wahala ŋa ŋau aŋai à nɛ gbugbã à re í jɔ̀ baa inɛ kãma kaa yɔkɔ ku lɛlɛ ŋa.

Ezai 3:8

Zeruzalɛmu í koosɛ, nɔ Zudaa mɔ í cuku si na iyi í jɔ̀ à dedeò ide ku kɔ̀ si gãmɛi amboei Aɔ̃ Lafɛ̃ɛ, do hai si ide ku fɔ nŋa ŋa do kuce nŋa ŋa si wajuɛ.

Ezai 37:17

Aɔ̃ Lafɛ̃ɛ, sotĩ nɔ i gbɔ. Cĩ ijuɛ nɔ i cɔ. Gbɔ idei arabu ŋa iyi Senakeribu í bɛò inɛ ŋa wa a naa a fɔ si gãmɛi awɔ Aɔ̃ Lafɛ̃ɛ iyi ì wɛɛ.

Ezai 37:23

Yooi ì donda, nɔ yooi ì waa bu. Yooi ì waa lasi. Amu Aɔ̃ Lafɛ̃ɛ Inɛ Kumái Izirɛliui ì wu iju lele ì waa cɔ.

Ezai 37:29

Ntɔ ntɔ, ì waa ce idɔɔkɔ̃ do amu, nɔ inɛ ku dondaɛ í to wa hee si itĩm ŋa. Na nŋu, an daaɛ si isɔ bɛi lɛlɛawɔ si imɔɛi, nɔ n daaɛ si arezem si gɛlɛɛ. Si anyiɛ, an jɔ̀ i sinda i too kpãa iyi ì naaò wai i nɛò.

Ezai 37:4

Á yɔkɔ ku jɛ Aɔ̃ Lafɛ̃ɛɛ á gbɔ ide ŋa iyi inɛ ngboi soogei Asiri ŋau wa fɔ, nŋu iyi ilaalui Asiri lafɛ̃ɛɛ í bɛ wa ku naa ku bu Aɔ̃ Lafɛ̃ɛ iyi í wɛɛu. Á yɔkɔ ku jɛ Aɔ̃ Lafɛ̃ɛɛ á kpãa iju na ide ŋa iyi í fɔ nɔ í gbɔu. Na nŋu, ce kutɔɔ na zamaa iyi í gbeu.

Ezai 40:2

I fɔ ide i muaò inɛi Zeruzalɛmu ŋa gbugbã ŋa. I dɔ̃ anu i sɔ̃ɔ ŋa i ni, icɛi tilasi ku ceɛu í kpa iri mbɛ, nɔ í sã gbesei kuraraɛ mɔ mbɛ. Ijuukpã iyi í nɛ ku baa na dulum dɛɛ ŋau fei, Aɔ̃ Lafɛ̃ɛ í jɔ̀ í sãa ikɔ minji.

Ezai 47:7

Ì ya maa tamaa bɛi awɔi aa jɛ abonlui andunyau hee do ajɔ fei. Amma i kù lasabu si mii iyi wa ce. I ci ya lasabu si mii iyi á na ku naa.

Ezai 51:19

Wahala minji ŋau bɛ fei à baɛ. Asɔɔ do nfe ku ce, igũ do ari. Si mii ŋau bɛ, yooi í yɛ araareɛ, yooi í muuɛ gbugbã.

Ezai 54:11

Inɔ kufɔi í jɛ ti awɔ ilu iyi fufu í yaga nɔ i kù ba inɛ kãma iyi á tũ idɔɛ. Aɔ̃ Lafɛ̃ɛ í ni, nsɛi amu an teese n maɛi do kuta ŋa iyi à ce si booda. An teese n jilɛ icuɛ ŋa do kuta ilu bɛɛrɛ gɔ ŋa iyi à ya kpe safira.

Zeremi 13:27

Ntɔ ntɔ ǹ wa n yɛ sakara ku ceɛ ŋa nɔ ǹ wa n gbɔ anu ku dɔ̃i kɔdɛɛɛ, nɔ ǹ wa n yɛ icu ku taɛ iyi wa jɛ anyɔɛ si iri kuta ŋa do si inɔ sako ŋa. Ntɔ ntɔ, ǹ yɛ iwɛ̃ɛ ŋau. Inɔ kufɔi í jɛ titɛɛ Zeruzalɛmu, awɔ iyi i kù waa dɛ araɛ ku maaju. Hee waati yoomai aa kɔ̀ i maa wɛɛ bɛɛbɛ.

Zeremi 16:7

Na iri nŋa, inɛ kãma kaa ce sɔnda ku ba ku tũò idɔi inɛ iyi í wɛɛò ara kuroi inɛ gɔ iyi í ku. Nɔ na iri nŋa, inɛ kãma kaa naaò kɔɔfu gɔ wa iyi inɛ ŋa aa mɔ a tũò idɔ na baa gɔ, walakɔ na iye gɔ iyi kù wɛɛ.

Zeremi 2:34

Iŋɛ woo ce laalɔ ŋa, njɛi ilu are hai nɛ taale ŋa í wa si ibɔ nŋɛ ŋa. A kù nɔ a kù ga gambo nŋɛ ŋa.

Zeremi 48:26

Moabu í tamaa bɛi nŋu í la nŋu í to Aɔ̃ Lafɛ̃ɛi. Na nŋu, a naa atɛ̃ ku mɔ ku kpaa hee ku tu. Waati bɛɛbɛ, inɛ fei á maa yaako nŋu mɔ.

Zeremi 5:31

Walii ŋa à waa ce walii do ibo. Woo wee ŋau à waa ce idɔɔbi nŋa. Nɔ iyi bɛi wa jɛa zamaam inɔ didɔ̃. Amma bɛirei aa ce ŋa na waju ku bɔi ilɛu.

Zeremi 50:29

I tɔtɔɔ woo ta afa ŋau fei ŋa, nɔ i jɔ̀ a koo si ilu nlai Babilɔniu ŋa. Inɛ ŋau aa ce asɔi a kaakoò iluu, nɔ a maa jɔ̀ inɛ kãma ku ba ku fita ku sa. Laalɔ ŋa iyi í ceu fei, à nɛ a sãai. Bɛi í tako í cea inɛ ŋa, a cea nŋu mɔ bɛɛbɛ. À nɛ a cea bɛɛbɛi si na iyi í jɔ̀ í donda Aɔ̃ Lafɛ̃ɛi inɛi Izirɛli ŋau.

Kukpata 1:17

Nɔ waliiu í ni, Siɔ̃ɔ í to awɔ í tɔɔ sobi, amma inɛ kãma kù sobiɛ. Aɔ̃ Lafɛ̃ɛ í jɔ̀ inɛ ŋa iyi à wa kɔkɔi tɔkui Zakɔbu ŋa, à baa à jɛ mbɛɛ nŋa ŋa. Si anini nŋa, Zeruzalɛmui í baa í jɛ mii riisi.

Kukpata 1:21

Inɛ ŋa à gbɔ iyi ǹ wa n kakaa, amma inɛ gɔ kù na kù sobim. Mbɛɛm ŋa fei à gbɔ baaui wahalam, nɔ inɔ nŋa í dɔ̃i si na iyi í jɔ̀ awɔi ì coo. Awɔi ì fɔ idei ajɔu, nɔ ì jɔ̀ í naa. Jɔ̀ a baa a yɛ bɛi amu.

Kukpata 2:13

Ide yoomai an sɔ̃ɛ má. Yooi an wãɛ do, Zeruzalɛmu. Yooi an ni í jɛ saaɛ. Nɔ ide yoomai an sɔ̃ɛ Siɔ̃ɔ n tũò idɔɛ. Wahalaɛu í lai bɛi kulai tenku. Yooi á yɔkɔ ku jɔ̀ i ba iri.

Kukpata 4:1

Ee, bɛirei í ce wurai kpasɛ̃i Aɔ̃ Lafɛ̃ɛ iyi wa daanau, kù waa daana má, wura alalau í bɛjɛ. Kuta ŋa iyi à maò kpasɛ̃i Aɔ̃ Lafɛ̃ɛu à fangaa bii fei.

Kukpata 5:1

Aɔ̃ Lafɛ̃ɛ, ye gigii mii iyi í ba wa. Cɔ nɔ i yɛ bɛi à waa cã anyi nwa.

Ozee 2:14

An ce nfei jĩi ndii rezɛ̃ɛɛ ŋa do ti figiɛ ŋau feii. Nŋu takaɛ í fɔ wa ni, isã iyi mɔkɔ kaafem ŋau à nam nii mbɛ. An jɔ̀ fei ndɛɛ ku baa ku jɛ fɔfɔi, nɔ mɛɛmui sako ŋa a ya maa jɔɔ.

Sofoni 2:10

Iyi bɛ á naa si ŋai na faau nŋa, do si na iyi í jɔ̀ à cea zamaai Aɔ̃ Lafɛ̃ɛi lele do ilɛ ŋau laalɔ, nɔ à gba ilɛ nŋa ŋa.

Laabaau jiida iyi Zãa í kɔ 11:19

Nɔ hai Zeruzalɛmu bɛ Zuifu nkpɔ gɔ ŋa mɔ à naa bi Maata do Maari ku ba a ce ŋa fɔɔ na wecĩ nŋa iyi kù wɛɛ.

Wooda ku kɔsi 26:7

Ŋɔi à dɔ̃ anu à tɔɔ Aɔ̃ Lafɛ̃ɛi bala nwa ŋau ku faaba wa, ŋɔi í gbɔ kutɔɔ nwa nɔ í yɛ zaka bɛi à waa kpã wa iju à waa wahala wa nɔ à waa ta nwa gbugbã.

Wooda ku kɔsi 32:27

Amma n kù bi mbɛɛ nŋa ŋa a na a maa yaakom, domi aa na a maa lasabu bɛi igũ ku jɛu wa naai hai si aŋa taka nŋa. Aa maa tamaa bɛi n kù nɛ si baa kãmai.

Wooda ku kɔsi 32:29

Bii à nɛ laakai baa keeke wo, aa gbɔ yaasei tengi bii ide ŋau ihɛ̃ fei wa bɔò ŋa.

Piɛɛ 1, 4:17

Waati í to kiitiu ku sinti. Inɛi Ilaaɔ̃ ŋai aa sinti ku kiiti. To, bii í sinti hai bi tu wa, bɛirei iri ku kpaɛ á yɛ bi inɛ ŋa iyi à kɔ̀ ku dasi laabaau jiidai Ilaaɔ̃ naanɛ.

Samuɛli 1, 1:11

Ŋɔi í cea Aɔ̃ Lafɛ̃ɛ kuwã í ni, Aɔ̃ Lafɛ̃ɛi lele do ilɛ, cɔ bɛi ǹ wɛɛò inɔ kufɔ nla nla. Maà gbɛjɛm, amma ce araarem. Bii ì muum ama inɛmɔkɔ an soo má n daɛ si awɔ ku maa ceɛ icɛ si kuwɛɛɛ fei. Nɔ a kaa ja iriɛ ajɔ kãma.