Kukpata 1:8 - Bibeli do fee

⁸ Zeruzalɛmu í ce dulum í caa, na ŋɔi í jɔ̀ í baa í jɛ mii riisi. Inɛ ŋa iyi à mà bɛɛrɛɛ wo, à waa yaakoɛ si na iyi í jɔ̀ à yɛ basĩɛ, í nyi do anyi nɔ wa kakaa.

Kukpata 1:8 Iomraidhean Croise

Kusintii Andunya 3:7

Nɔ ijui aŋa minji fei í cĩ à yɔɔ iyi aŋa à wɛɛ basĩ ŋɔi à kpã wuai figi à dĩ si fiti nŋa.

Ilaalu 1, 9:6

Amma bii awɔ do zamaaɛ do tɔku nŋɛ ŋa ì sinda hai bi tom ŋa, nɔ i kù waa jirima woodam ŋa do ide ŋa iyi ǹ jilɛ nŋɛ, nɔ ì na ì koo ì waa tɔɔ iwɛ̃ ŋa ì waa sɛɛbata si waju nŋa ŋa,

Ilaalu 1, 9:7

an kpa irii inɛi Izirɛli ŋai si ilɛ iyi ǹ mu nŋa. An nyɔ ile iyi ǹ cicaa irim na bɛɛrɛm nɔu ku jĩim nɔ ilɛi Izirɛli ku baa ku jɛ dɔ̃anyii dimi mmu ŋa fei do mii ku yaako nŋa.

Ilaalu 1, 9:9

Nɔ aa ya jɛaa a ni, si na iyi í jɔ̀ inɛi Izirɛli ŋa à kɔ̀si Aɔ̃ Lafɛ̃ɛ nŋa, nŋu iyi í nya bala nŋa ŋa wa hai ilɛi Ezibiti, nɔ à koo à sinda si iwɛ̃ ŋa, à waa gulɛ nŋa nɔ à waa tɔɔ ŋa. Na ŋɔi í ce Aɔ̃ Lafɛ̃ɛ í jɔ̀ laalɔu bɛ fei í ba ŋa.

Ezai 47:3

Basĩɛ á fita gbugbãa inɛ ŋa a yɔɔ hee anyɔ ku muɛ. Do yaase bɛɛbɛi an sãò gbese nɔ inɛ kãma kaa ganji.

Zeremi 13:22

Waati bɛɛbɛ, aa bee araɛ ide i maa ni, na mii í jɔ̀ mii nɔu ihɛ̃ wa bam. Na kurara nkpɔ nkpɔɛ ŋaui í jɔ̀ itĩi ibɔɛ ŋau wa nya, nɔ ì waa ba kumɛɛ ntɔ ntɔ si cicĩisɛɛ ŋa.

Zeremi 13:26

An wu itĩi ibɔɛi hee ku naa si wajuɛ ku ba inɛ ŋa a yɛ basĩɛ.

Zeremi 15:4

Waati bɛɛbɛ, njo á mu inɛi bommai andunya ŋau fei bii à waa yɛ ŋa. Mii ŋau bɛ fei á ba ŋai na laalɔ ŋa iyi Manasee amai Ezekiasi iyi wa jɛ ilaalui Zudaau í ce si ilui Zeruzalɛmu.

Zeremi 24:9

An jɔ̀ yaasei kuwɛɛ nŋa ku jɛaa inɛ ŋa zigiidai bi bommai ilɛ ŋau fei. Tengi bii an fangaa ŋa a koo a wa fei, aŋai aa jɛ yaase iyi inɛ ŋa aa ya so waati iyi à waa bi a bú inɛ gɔ, walakɔ waati iyi à waa yaako inɛ gɔ, walakɔ waati iyi à waa kɔ̃ irii inɔ kukã gɔ, walakɔ waati iyi à waa bi a ceekpe inɛ gɔ.

Zeremi 32:23

À naa nɔ à na à buba si í jɛ tu ŋa. Amma a kù gbɔ ide ku fɔɛ, nɔ a kù jirima woodaɛ. A kù ce mii ŋa iyi ì sɔ̃ ŋa ì ni a ce fei. Nɔ na ŋɔi í jɔ̀ ì jɔ̀ wahala ŋau ihɛ̃ fei à naa si ŋa.

Zeremi 34:17

Na ŋɔi í jɔ̀ Aɔ̃ Lafɛ̃ɛ í sɔ̃ ŋa í ni, i kù jirimam ŋa si gãmɛi kpaasi nŋɛ ŋa do inɛi kɔkɔ nŋɛ ŋa iyi ì ni aa jɔ̀ ŋa a nɛ ara nŋa ŋau ŋa. Na nŋu, amu Aɔ̃ Lafɛ̃ɛ ǹ wa n sɔ̃ ŋɛi iyi an naa nŋɛ ara ku nɛ wa do wahala dimi ikã ikã baa yooma fei. Hai igũ do patapoo do ari. Nɔ an jɔ̀ kuwɛɛ nŋɛ ku jɛaa bomma ŋa iyi à wa si andunya fei zigiidai.

Zeremi 4:31

Ntɔ ntɔ ǹ wa n gbɔ anu ku dɔ̃ bɛi anu ku dɔ̃i inaabo iyi wa bi ku bí. Anu ku dɔ̃u í jɔ ti inaabo iyi wa bi ku bí ama sinteɛ. Siɔ̃ɔ iyi í yɛ bɛi mudɛ̃ɛu wa dɔ̃ anu wa kakaa nɔ í yɔ awɔ wa tɔɔ faaba wa ni, inɔ kufɔi í jɛ titom. Ǹ wa n ku na goloi woo kpa inɛ ŋau.

Zeremi 6:28

Aŋa fei ilu idɔ kulele ŋai, do woo sɔ irii inɛ ŋa. À lelei bɛi isɔ danya do bɛi isɔ. Aŋa fei woo kpa inɛ ŋai.

Kukpata 1:11

Inɛi Zeruzalɛmu ŋau fei à waa kakaa nɔ à wɛɛò inɔ kufɔ. À waa dɛdɛ sɔnda iyi aa jɛ. À na mii jiida nŋa ŋa iyi à nɛ fei na a ba sɔnda iyi aa jɛ a maa wɛɛò nɔ a ba gbugbã má. Zeruzalɛmu í ni, Aɔ̃ Lafɛ̃ɛ, cɔ bɛi ǹ jɛ dɔ̃anyi í to.

Kukpata 1:17

Nɔ waliiu í ni, Siɔ̃ɔ í to awɔ í tɔɔ sobi, amma inɛ kãma kù sobiɛ. Aɔ̃ Lafɛ̃ɛ í jɔ̀ inɛ ŋa iyi à wa kɔkɔi tɔkui Zakɔbu ŋa, à baa à jɛ mbɛɛ nŋa ŋa. Si anini nŋa, Zeruzalɛmui í baa í jɛ mii riisi.

Kukpata 2:10

Inɛ ngboi ilui Siɔ̃ɔ ŋa à waa buba ilɛ à waa coko. À kosi iri nŋa sãa nɔ à dasi jĩnɛi saaki na inɔ kufɔ. Mudɛ̃ɛi Zeruzalɛmu ŋau à kɔmba iri ilɛ.

Kukpata 4:21

Iŋɛ inɛi Edɔmu ŋa iyi ì wa ilɛi Usu ŋa, aa yɔkɔ i wɛɛò inɔ didɔ̃, i maa nyaanyi ŋa. Amma iŋɛ mɔ, kɔɔfui idɔɔkɔ̃i Ilaaɔ̃u á to wa si ŋɛ, nɔ aa mɔɔ ŋai, hee ku kpa ŋɛ i fita basĩ ŋa.

Ezekiɛli 23:29

Aa ceɛ laalɔi si yaase bɛi à céɛ. Amani iyi ì ba si icɛɛ fei, aa kooi a jɔ̀ɛ ngbɛ. Aa jɔ̀ɛi basĩi si wajui inɛ ŋa bɛi ì ya maa ceò sakarau.

Ezekiɛli 23:46

Amu Aɔ̃ Lafɛ̃ɛ ǹ ni an jɔ̀ zamaa ku dede si ŋa nɔ a jɔ̀ zigi nŋa ku da nɔ a ko mii iyi à nɛ fei.

Ezekiɛli 39:23

Inɛi ilɛ mmu ŋa aa mà iyi na kurara ŋa iyi inɛi Izirɛli ŋa à ce bi tom nii í jɔ̀ à mu ŋa aru à nɛò ŋa. Na kurara ŋaui í jɔ̀ ǹ sinda ǹ to nŋa anyi, nɔ ǹ jɔ̀ à dasi awɔi mbɛɛ nŋa ŋa ku ba a kpa ŋa si igũ.

Ozee 2:10

Abou kù mà iyi amui ǹ ya n tako n maa n mua nŋu sɔnda wo, do vɛ̃ɛ do ikpo. Amui ǹ muaa fia do wura, nɔ í soo í cea iwɛ̃ iyi à ya kpe Baali amuaɛ.

Ozee 2:3

I sɔ nyaanze nŋɛ ŋa Ammi, waatɔ zamaam ŋa, do Ruhama, waatɔ awɔ iyi à ce araareɛ.

Kuyɛi Zãa 3:18

Na ŋɔi í ce ǹ wa n mu nŋɛ bisi, i jɔ̀ i ra wura iyi à yɔ si ina à wiɛ bi tom ŋa ku ba i jɛ ilu amani do ntɔ ŋa. Nɔ i ra jĩnɛ fũfũ i biiò anyii ara nŋɛ ŋa ku ba i maà maa nɛ bũmbũm ŋa nɔ anyɔ ku maà maa mu ŋɛ. I ra iwɔi iju i dasi iju nŋɛ ku ba i yɛ ilu ŋa.

Samuɛli 1, 2:30

Na nŋu, í ni nŋu í tako í cea inɛi kpasɛ̃ɛ do ti baaɛ ŋa kuwã wo í ni aŋai aa jɛ woo weei nŋu ŋa hee do ajɔ fei. Amma bɛbɛi nŋu kaa ce bɛɛbɛ má. Ntɔ ntɔ, inɛ ŋa iyi à waa saalu nŋu aŋai nŋu á saalu. Amma inɛ ŋa iyi a kù waa saalu nŋu, aa yɛ anyɔ.