Kukpata 1:5 - Bibeli do fee

⁵ Mbɛɛɛ ŋa à kãmiaɛ, inɛ ŋa iyi à cóo ŋau à wɛɛò laakai ku sũ, domi Aɔ̃ Lafɛ̃ɛi í dasiɛ inɔ kufɔu na kurara nkpɔ nkpɔɛ ŋa. Mbɛɛɛ ŋau à mu amaɛ ŋa a nɛò ŋa.

Kukpata 1:5 Iomraidhean Croise

Ilaalu 2, 21:15

An ce bɛɛbɛi si na iyi í jɔ̀ à ce mii iyi kù dɔ̃ɔm si nɔ à dede idɔɔkɔ̃m hai ajɔ iyi bala nŋa ŋa à fita wa hai ilɛi Ezibitiu hee ku baa nnyi.

Iri ku kɔ̃ 80:6

Ì jɔ̀ inɔ kufɔ í jɛ sɔnda nŋa. Ì jɔ̀ inyii iju nŋa í caa hee í baa í jɛ bɛi inyi ku mɔ nŋa.

Iri ku kɔ̃ 89:42

Woo lɔ ŋa à ko mii ndɛɛ ŋa. Í baa í jɛ yaakoi inɛi kɔkɔɛ ŋa.

Ezai 22:5

Ntɔ ntɔ nnyi, Aɔ̃ Lafɛ̃ɛi lele do ilɛ í jɔ̀ inɔ kufɔ do zigiida do tɔtɔ ku fɔ í naa si wa. Si lɔɔma bii kuyɛu wa ce, bindi nla nla gɔ í cuku, nɔ à waa gbɔ anu ku dɔ̃i faaba ku tɔɔ ikpa iri kutau.

Ezai 63:18

Awa zamaa iyi à nya ikã à jɛ titɛɛ, a kù ba a kù buba si ilɛu kù kpɛ, mbɛɛ nwa ŋa à naa à tɛɛsɛ kpasɛ̃ kumáɛu.

Zeremi 10:20

À kɛkɛ ilei acɔm nɔu. Ikũɛ ŋau fei à dá. Nɔ ama inɛmɔkɔm ŋau fei à nɛ à jɔ̀m. N kù nɛ inɛ kãma iyi á teese ku gũ ilei acɔm nɔu do bi kuwam nɔu má.

Zeremi 12:7

Ǹ fũsi kpasɛ̃m awɔ, ǹ fũsi zamaam nɔu awɔ. Ǹ fũa mbɛɛ mii iyi ǹ bi ntɔ ntɔ si idɔm nɔu awɔ.

Zeremi 23:14

Amma mii iyi ǹ yɛ bi waliii Zeruzalɛmu ŋau í nyi í sãmi í caa má. Inɛ ŋau woo ce sakara ŋai, nɔ si iboi à waa jɛ kuwɛɛ nŋa. À ya maa muaa inɛ laalɔ ŋa himmai si laalɔ ku ce nŋa ku ba baa inɛ akã nŋa ku maà sinda ku toa inɔ kukãɛ anyi. Aŋa fei à yɛi si wajum bɛi inɛi Sodomu ŋa, nɔ inɛi Zeruzalɛmu ŋa mɔ, à yɛi bɛi inɛi Gomɔɔ ŋa.

Zeremi 39:9

Si anyii nŋu, zamaa iyi í gbe si inɔ iluu do inɛ ŋa iyi à fita à koo à ba ŋa ŋau, Nebuzaradãa inɛ ngboi woo degbe ilaaluu í gbã ŋa í nɛò ŋa ilɛi Babilɔni.

Zeremi 5:29

Amu Aɔ̃ Lafɛ̃ɛ, n kù nɛ n kpã kookoosu ŋau bɛ iju de. N kù nɛ n baò inɛi ilɛ dimiɛ ŋa ijai?

Kukpata 1:16

Na ŋɔi í jɔ̀ ǹ wa n kpata. Cikãajum ŋa a kù waa leekĩ. Inɛ iyi á lɛlɛm ku muum gbugbã n baò kuwɛɛ, í jĩim. Amam ŋa à mɔngɔ, domi mbɛɛ í nɛ gbugbã í re ŋa.

Kukpata 1:18

Ŋɔi Zeruzalɛmu í ni, Aɔ̃ Lafɛ̃ɛ í nɛ ntɔ ku ce bɛɛbɛ, domi amu Zeruzalɛmu ǹ kɔ̀ ku ceò woodaɛ ŋa icɛi. Iŋɛ fei, ǹ wa n tɔɔ ŋɛi, i soti i gbɔ ŋa, nɔ i yɛ wahalam ŋa. Ama mudɛ̃ɛm ŋa do ama awaasũm ŋa, à nɛò ŋa ilɛ mmu à waa jɛ aru.

Kukpata 1:8

Zeruzalɛmu í ce dulum í caa, na ŋɔi í jɔ̀ í baa í jɛ mii riisi. Inɛ ŋa iyi à mà bɛɛrɛɛ wo, à waa yaakoɛ si na iyi í jɔ̀ à yɛ basĩɛ, í nyi do anyi nɔ wa kakaa.

Kukpata 2:17

Aɔ̃ Lafɛ̃ɛ í ce mii iyi í dasi idɔ ku ceu, í jɔ̀ ide iyi í fɔ hai ku kpɛu í kɔ̃. Í lɛgɛ Zeruzalɛmui mam mam kù ce araareɛ, í jɔ̀ í jɛ dɔ̃anyi bi mbɛɛ ŋa, nɔ í kɔ̃ɔsi gbugbãi faaui mbɛɛɛ ŋau.

Kukpata 3:46

Mbɛɛ nwa ŋa fei à ya maa fɔ si wa idei à maa dɛdɛ anu nwa.

Ezekiɛli 9:10

Na nŋu, amu mɔ n kaa n ce araare nŋa, n kaa n jɔ̀ inɛ gɔ ku fita si. Daa iyi à ce, si iri nŋai á cuku si.

Ezekiɛli 9:9

Ŋɔi Aɔ̃ Lafɛ̃ɛ í ni, dulum dii inɛi Izirɛli ŋa do inɛi Zudaa ŋau í la hee í caa. Ilɛu í kɔ̃ do njɛ ku nikã nɔ iluu í kɔ̃ do laalɔ. Nɔ à fɔ à waa ni, Aɔ̃ Lafɛ̃ɛ í fũsi ilɛu awɔ nɔ kù waa yɛ nkãma.

Wooda ku kɔsi 31:29

Ǹ mà iyi si anyii ikum, iŋɛ inɛi Izirɛli ŋa aa dasi dulum nii nɔ aa sinda i jɔ̀ kpãa iyi ǹ nyisi ŋɛ ŋau. Nɔ do waju, wahalai á ba ŋɛ na mii ŋa iyi à jɔ iwɛ̃ ŋa iyi aa ce ŋa i fɔ́ò inɔi Aɔ̃ Lafɛ̃ɛ nŋɛu fei nɔ idɔɛ ku kɔ̃.