Kukpata 1:2 - Bibeli do fee

² Í ya maa kpatai idũ fei, cikãajui í ya maa cã wa si kɛkɛlɛɛ. Si inɛ ŋa iyi à buu, inɛ gɔ kù wɛɛ iyi í lɛlɛɛ í mua gbugbã. Kpaasiɛ ŋa fei à zambaɛi, à baa à jɛ mbɛɛɛ ŋa.

Kukpata 1:2 Iomraidhean Croise

Zɔɔbu 6:15

Kpaasim ŋa à fɔ inɔm bɛi acãi inyi iyi í gbɛ.

Zɔɔbu 7:3

Amu, cukpa nkpɔ nkpɔ do idũ nkpɔ nkpɔ wahala do ara kuroi í jɛ titom.

Iri ku kɔ̃ 126:5

Inɛ ŋa iyi à waa gbɛ̃ do kukpata, aa na a dai do anu ku dɔ̃i inɔ didɔ̃.

Iri ku kɔ̃ 31:11

Kuwɛɛm í kua gbugbã na wahala ŋa. Adɔ̃m ŋa fei si wahalai ǹ wa si. Dulum dom ŋa à jɔ̀ ǹ kua gbugbã.

Iri ku kɔ̃ 6:6

domi bii inɛ í ku, kaa ye gigiɛ má. Inɛ ŋa iyi à si a kaa yɔkɔ a cĩɛ má.

Iri ku kɔ̃ 69:21

Arabuu í mɛɛ idɔm, hee ǹ wa n ce bɔ̃ɔ. Ǹ cɔ kpãa bɛi inɛ gɔ ku ce araarem nii wo, amma n kù ba inɛ kãma. Ǹ dɛdɛ inɛ ŋa iyi aa tũ idɔm, amma n kù ba inɛ kãma.

Mɔnda ŋa 19:7

Nyaanzei ilu are ŋa fei à ya cooi, aa fɔ idei kpaasiɛ ŋa iyi à fũsiɛ awɔ má? Baa bii wa bi ku ba ŋa ide ku fɔ, a ci ya wa bɛ.

Zeremi 13:17

Bii ì kɔ̀ ku gbɔ iyi ihɛ̃ ŋa, an kpatai si asii na faau nŋɛ. An kpatai ntɔ ntɔ si na iyi í jɔ̀ aa na a mu mɛɛmu gaai Aɔ̃ Lafɛ̃ɛ aru a nɛò.

Zeremi 2:25

Ce laakai, Izirɛli. Aa na i gbe isɛ ngbɛ nɔ gbangɔlɔɛ ku gbɛ. Amma ì waa ni, kù nɛ i fɔ i maa sisi, domi ǹ bi iwɛ̃ ŋau, nɔ an too ŋai.

Zeremi 3:1

Aɔ̃ Lafɛ̃ɛ í ni, bii inɛ gɔ í kɔ̀si aboɛ, nɔ abou í nɛ í koo í so mɔkɔ mmu, mɔkɔ nwou á yɔkɔ ku na ku gbaa ku jɛ aboɛ má? Aawo. Ilɛu á so riisii bii í ce bɛɛbɛ. Awɔ Izirɛli iyi ì ya dabii i maa tɔɔ iwɛ̃ nkpɔ nkpɔ bɛi woo ta icu í ya maa gba mɔkɔ nkpɔ nkpɔ, ì waa bi i nyi wa bi tom má?

Zeremi 30:14

Inɛ ŋa iyi à tako à biɛ wo fei, à gbɛjɛ ideɛ, nɔ a kù waa dɛdɛɛ má. Ǹ cãɛi bɛi inɛ í ya cã mbɛɛɛ. Ǹ kpãɛ ijui ntɔ ntɔ na kurara nkpɔ nkpɔɛ ŋau do zaka bɛi kugaabui dulum dɛɛ ŋau à to.

Zeremi 4:30

Awɔ Zeruzalɛmu iyi à ce nfeɛ, mii aa ce. Ì waa dasi jĩnɛ kusĩaɛ ŋa do sabai wura. Ì dasi cio si ijuɛ ku ba ku cĩ ku ce ncɛɛ. Amma si ngbɛi ì waa ce booda ŋau bɛ fei. Inɛ ŋa iyi à nɛ kubiɛ ŋau wo, a kù biɛ má, hundeɛi à waa dɛdɛ ku nya.

Zeremi 9:1

Bii í jɛ an ba inya si gbaa bii an sɔ̀ bɛi woo bɔ ilu, an fũsi inɛm ŋau awɔi n nɛ ikpa bɛ, domi aŋa fei à ya dabii a maa tɔɔ iwɛ̃ ŋai bɛi woo ce sakara ŋa a ci ya leekĩò inɛ akã, nɔ à jɛ woo zamba inɛ ŋa.

Kukpata 1:19

Ǹ tɔɔ inɛ ŋa iyi à bim ŋa sobi, amma à fɔ́ inɔm nii. Woo weem ŋa do inɛ ngbom ŋa, à kui si inɔ iluu, waati iyi à waa dɛdɛ sɔnda, iyi aa jɛ a maa wɛɛò.

Kukpata 1:21

Inɛ ŋa à gbɔ iyi ǹ wa n kakaa, amma inɛ gɔ kù na kù sobim. Mbɛɛm ŋa fei à gbɔ baaui wahalam, nɔ inɔ nŋa í dɔ̃i si na iyi í jɔ̀ awɔi ì coo. Awɔi ì fɔ idei ajɔu, nɔ ì jɔ̀ í naa. Jɔ̀ a baa a yɛ bɛi amu.

Kukpata 1:9

Riisiɛu í wa si ibɔɛ. Kù lasabu si mii iyi á na ku naa. Kucukuɛu í jɛa zamba, nɔ inɛ gɔ kù lɛlɛɛ. Ŋɔi í ni, Aɔ̃ Lafɛ̃ɛ, cɔ wahalam. Cɔ bɛi mbɛɛ wa jɛ igũ.

Kukpata 2:11

Ǹ kpata hee ǹ gbɛɛji na wahalau, nɔ lasabum fei í fɔtɔtɔ. Í yɛ bɛi alolom í da wa cuku ilɛ, na bitandi iyi í ba inɛm ŋa. Ama kpɔtɔɔ ŋa do ama keeke ŋa à waa ku si bantumai iluu.

Ezekiɛli 16:37

Na nŋu, an tɔtɔɔ mɔkɔ kaafeɛ ŋau wa aŋa iyi ì nɛ si inɔ didɔ̃ nɔ ì bi ŋau, hee do iyi ì cé ŋau fei. An tɔtɔɔ aŋa fei wai hai bii fei a naa bi tɛɛ n nyisi ŋa basĩɛ nɔ aŋa fei a yɛ basĩɛu.

Ozee 2:7

Iye nŋa nŋu iyi í bí ŋau, í ce sakara. Í dasi araɛ anyɔi si waati iyi í fɔ í ni, an too mɔkɔ kaafem ŋai, aŋa iyi à waa muum sɔnda do inyi. Aŋai à waa muum ikũ do acɔ, do ikpo do vɛ̃ɛ.

Misee 7:5

I maà dasi inɛi kɔkɔ nŋɛ naanɛ ŋa. I maà naanɛ baa kpaasi jiida nŋɛ ŋa. Baa aboɛ, maà ya fɔ ide fei si wajuɛ.

Kuyɛi Zãa 17:13

Aŋa mɛɛwau fei mii akãi à waa lele, nɔ aa na mɛɛmuu gbugbã do yiiko nŋa.

Kuyɛi Zãa 17:16

Ngo mɛɛwa iyi ì yɛu bɛ do mɛɛmuu, aa cé abo à ce sakarau. Aa so mii iyi í nɛ fei nɔ a jɔ̀ɔ basĩ. Aa ŋɔ iŋaɛ nɔ a joo ina mam mam.