Kukpata 1:1 - Bibeli do fee

¹ Zeruzalɛmu iyi í ya nɛ zamaa wo wee nsɛi í baa í gbe nŋu akã. Nŋu iyi í nya iri si dimi ŋa wo, wee nsɛi í baa í wɛɛ bɛi jaaɔ̃. Nŋu iyi í jɛ ilaalu wo si ilɛ nla ŋa, wee í baa í dasi icɛi aru ku ce.

Kukpata 1:1 Iomraidhean Croise

Ilaalu 2, 23:33

Ŋɔi Faraɔ̃ Neko í muu í dasiɛ piisɔ̃ɔ Ribula si ilɛi Amati í nyaa si bommai Zeruzalɛmuu. Nɔ í daa inɛi Zudaa ŋau isɔ fũfũ kiloo dubu mɛɛta (3.000) do wura kiloo kuntaa iyi aa ya sãa adɔ̃ fei.

Ilaalu 2, 23:35

Zoakimu í sãa Faraɔ̃ isɔ fũfũ do wurau. Amma í daa inɛi ilɛɛ ŋai bɛi inɛ fei à ya sã koo mungaò bɛi Faraɔ̃ í da nŋau.

Bomma 2, 9:26

Nŋui í nɛ gbugbã si ilaalu ŋau fei hai idoi Efarata hee ku bɔ si ilɛi inɛi Filisi ŋa ku koo si kɔɔi ilɛi Ezibiti.

Ɛsidarasi 4:20

Ntɔi, tako wo Zeruzalɛmu í nɛ ilaalu ŋa iyi à nɛ gbugbã, aŋai à jɛ inɛ ngboi ilɛ ŋa iyi à wa ikpa nunui alɛi idou fei. Nɔ aŋai à ya sãa fiai adɔ̃ do fiai lɛmpoo do fia iyi inɛ í ya sã ku bɛi ku lɔ.

Neemi 5:4

Inɛ mmu gɔ ŋa mɔ à waa ni, à wɛ̃ fia ŋai si iko nwa ŋa do si jĩi ndii rezɛ̃ɛ nwa ŋa ku ba ka sã fiai adɔ̃i ilaalu.

Neemi 9:37

Ilɛu wa ce amaajɛ ŋa nkpɔ nkpɔ ti ilaalu ŋa iyi ì jɔ̀ à waa jɛ aru nŋa na dulum du wa ŋau. À waa nɛò wa bɛi à bi, do mɛɛmu nwa ŋa. Nɔ à wɛɛò inɔ kufɔ nla nla.

Iri ku kɔ̃ 122:4

Bɛi dimii Izirɛli ŋa iyi à jɛ zamaai Aɔ̃ Lafɛ̃ɛ ŋa à ya bɔ. À ya bɔ bɛi a koo a cĩ Ilaaɔ̃ bɛi í sɔ̃ ŋa í ni a ya ce.

Ezai 14:12

Awɔ iyi ì yɛ bɛi angua iyi wa daana amɛɛjuumá, wee ì cuku wa nsɛi hai lelei Aɔ̃. À kɛkɛɛ wa hee ilɛ, awɔ iyi ì kãmia inɛi ilɛ ŋa wo.

Ezai 22:2

Na mii í jɔ̀ à waa gbɔ iba ŋa do wakata nla nla, do anu ku dɔ̃i inɔ didɔ̃ si iluu. Inɛɛ ŋa iyi à ku ŋau, kù jɛ taakubai í kpa ŋa, kù nɔ kù jɛ bi ku ce igũi à kpa ŋa.

Ezai 3:26

Ajɔ nŋu bɛ, inɛ ŋa iyi à wa anu koofai iluu, aa kpatai a maa weeweaò bɛi inaabo iyi í kua mii iyi í nɛ fei nɔ wa buba ilɛ.

Ezai 49:21

Waati bɛɛbɛi aa bee araɛ i maa ni, yooi í muum amu ŋau ihɛ̃ fei. Ntɔ ntɔ, ǹ kua ŋai wo, nɔ n kù wa n cɔ baa kpãai mà an ba mmuɛ ŋa, domi à mu à nɛɛm inya mmui wo, nɔ ǹ yɛ bɛi inaabo iyi à kɔ̀si. Amma inɛ ihɛ̃ ŋa, yooi í bíi ŋa. Waati iyi amu ǹ gbe amu akã wo, iwoi inɛ ihɛ̃ ŋa à wa.

Ezai 50:5

Aɔ̃ Lafɛ̃ɛ í cĩim itĩm ŋa, nɔ n kù kɔ̀ ide, n kù nɔ n kù nyiò anyi.

Ezai 52:2

Dede nɔ i gbugbã iluluɛ na inɔ kufɔi iku iyi í baɛ Zeruzalɛmu. Dede i leekĩ nɔ i gba agbɛɛ má, Siɔ̃ɔ awɔ iyi à muɛ piisɔ̃ɔu. Fũ ikũ ŋa iyi à ciiò kɔ̃ɔɛ.

Ezai 52:7

Inɔ didɔ̃ nla nlai inɛ iyi wa naaò laabaau jiidau wa si antaii iri kuta ŋa, nɔ wa fɔ idei laakai ku sũ. Nŋu iyi wa naaò laabaau jiidai inɔ didɔ̃ nɔ wa fɔ idei faabau, nŋui í sɔ̃ ilui Siɔ̃ɔ í ni, Aɔ̃ Lafɛ̃ɛɛi í jɛ ilaalu.

Ezai 54:4

Na nŋu, maà jɔ̀ njo ku muɛ, domi i kaa jɛ ilu anyɔ má. Maà jɔ̀ anyɔ ku muɛ domi bɛɛrɛɛ kaa kaye má. Ntɔ ntɔ aa gbɛjɛ idei anyɔi waatii mudɛ̃ɛɛ, nɔ i kaa ye gigii anyɔi waatii jaaɔ̃ɛu má.

Zeremi 31:7

Bɛi Aɔ̃ Lafɛ̃ɛ í fɔ wee. Í ni, i dɔ̃ anu do inɔ didɔ̃ ŋa na irii Zakɔbu. I dakpɛaa ŋa, nŋu iyi í jɛ sinte si ilɛu. I jɔ̀ inɛ ŋa a gbɔ anu ku dɔ̃i inɔ didɔ̃ nŋɛ ŋa, nɔ i ni, Aɔ̃ Lafɛ̃ɛ, faaba inɛɛ ŋa. Faaba zamaai Izirɛli iyi í gbe si hunde.

Zeremi 40:9

Ŋɔi Gedalia amai Ahikamu tɔkui Safãau í sɔ̃ aŋa do inɛmɔkɔ nŋa ŋau ide do kugbasi í ni, i maà ce njoi inɛi Kaladee ŋau ku cea icɛ ŋa. I gbe si ilɛu ŋa nɔ i cea ilaalui Babilɔniu icɛ ŋa. Do yaase bɛɛbɛ, aa maa wɛɛ nŋɛi do laakai ku sũ.

Zeremi 42:2

nɔ à sɔ̃ walii Zeremi à ni, jɔ̀ i gba nwa mii iyi à waa tɔɔɛ. Tɔɔ Aɔ̃ Lafɛ̃ɛɛ na irii awa iyi à gbeu ihɛ̃ fei, domi awa nkpɔ nkpɔi à wɛɛ wo, amma nsɛi wee a kù kpɔ má bɛi awɔ takaɛ ì waa yɔɔ.

Zeremi 44:2

ide iyi Aɔ̃ Lafɛ̃ɛi lele do ilɛ, nŋu iyi í jɛ Lafɛ̃ɛi inɛi Izirɛli ŋau í fɔ wee. Iŋɛ fei ì yɛ wahala iyi ǹ jɔ̀ í naa si Zeruzalɛmu do si ilui Zudaa ŋau fei ŋa. Ilu ŋau bɛ fei, nnyiu ihɛ̃ à baa à kpɔò bomma, inɛ kãma kù wa bɛ má

Zeremi 44:6

Ŋɔi idɔɔkɔ̃m í dede si ŋɛ ntɔ ntɔ, nɔ ǹ jo ilui Zudaa ŋau do kpãai Zeruzalɛmu ŋa. Ǹ lɛgɛ iluu ǹ jɔ̀ í kpɔò bomma bɛi ì waa yɔɔ nnyiu ihɛ̃ ŋa.

Zeremi 50:23

Bɛirei iyi ihɛ̃ í ce bɛɛbɛ. Babilɔni í yɛi wo bɛi mataaka iyi wa lɛgɛ ilɛu fei. Nsɛi wee nŋui í baa í lɛgɛ í ce buubuu. Si dimii inɛi andunya ŋa, í baa í jɛ bɛi bomma.

Zeremi 9:11

Yooi í jɛ ilu laakai iyi wa gbɔ yaasei mii ŋau bɛ. Inɛ iyi Aɔ̃ Lafɛ̃ɛ í ba ide ku fɔ, lafɛ̃ɛ ku sisi yaasei ide ŋau bɛ wa. Na mii í ce ilɛu í ce nfe. Na mii í jɔ̀ í baa í jɛ gbaa bii inɛ kãma ci ya too.

Kukpata 1:19

Ǹ tɔɔ inɛ ŋa iyi à bim ŋa sobi, amma à fɔ́ inɔm nii. Woo weem ŋa do inɛ ngbom ŋa, à kui si inɔ iluu, waati iyi à waa dɛdɛ sɔnda, iyi aa jɛ a maa wɛɛò.

Kukpata 2:1

Aɔ̃ Lafɛ̃ɛ, si idɔɔkɔ̃ɛ í bii ilui Siɔ̃ɔ do kudũi ijĩ. Hai lelei Aɔ̃i í kɛkɛ mii iyi wa jɛ bɛɛrɛi Izirɛliu hee ilɛ. Si waati iyi idɔɔkɔ̃ɛ í dedeu, kù ye gigi iyi Siɔ̃ɔi í jɛ bi ku lesi isɛɛ.

Kukpata 2:10

Inɛ ngboi ilui Siɔ̃ɔ ŋa à waa buba ilɛ à waa coko. À kosi iri nŋa sãa nɔ à dasi jĩnɛi saaki na inɔ kufɔ. Mudɛ̃ɛi Zeruzalɛmu ŋau à kɔmba iri ilɛ.

Kukpata 4:1

Ee, bɛirei í ce wurai kpasɛ̃i Aɔ̃ Lafɛ̃ɛ iyi wa daanau, kù waa daana má, wura alalau í bɛjɛ. Kuta ŋa iyi à maò kpasɛ̃i Aɔ̃ Lafɛ̃ɛu à fangaa bii fei.

Kukpata 5:16

Bɛɛrɛ nwa í kpa iri. Irei ì gbɔ wahala nla nla na dulum iyi à ce.

Ezekiɛli 26:16

Amanlui inɛi itĩi ido nla ŋau fei aa kitai hai si kitãi bomma nŋau. Aa bɔ ibɔ nla nŋa ŋai do ibɔ ŋa iyi à ce si icɛ ŋau. Zigiidai aa wɛɛò, nɔ ilɛi aa buba. Aa maa yayai hai nɛ kɔɔ nɔ aa wɛɛò zigiidai na mii iyi í baɛ.

Ezekiɛli 26:2

awɔ amanɛ, gbɔ bɛi inɛi Tii ŋa à waa yaako Zeruzalɛmu à waa ni, mbɛɛ ŋa à ce nfeɛ nɔ à lɛgɛ ilu bii inɛ ŋa à ya too a maa lɔòu. Nsɛi bi tu wai inɛ ŋa à sinda wa nɔ awa aa ka ba fia, domi Zeruzalɛmu í kpɔò bomma.

Ezekiɛli 5:5

Aɔ̃ Lafɛ̃ɛ í ni, mii iyi á ba Zeruzalɛmu ilu iyi ǹ jilɛ si aninii dimi ŋa nɔ ǹ jɔ̀ ilɛ mmu ŋa à kaakoɛu mbɛ.

Kuwee 26:31

An lɛgɛ ilu nŋɛ ŋai a kpɔò bomma, ile bi kuwee nŋɛ ŋau mɔ a gbe ngbɛ, nɔ inunui tuae nŋɛ ŋau kaa dɔ̃ɔm si má.

Kuwee 26:33

An jɔ̀ igũ ku naa si ŋɛ nɔ n fangaa ŋɛ i nɛ ilɛ mmu ŋa. Ilɛ nŋɛu á gbe ngbɛi nɔ ilu nŋɛ ŋau mɔ a kpɔò bomma.

Sofoni 2:15

Bɛi ilui Ninivu iyi í tako wa kaaba araɛ nɔ í wɛɛò laakai ku sũu á na ku jɛ mbɛ. Inɛɛ ŋa à ya fɔ wo a maa ni, inɛ kãma kù yɛ bɛi awa. To, nsɛi bɛirei. Iluu wee à lɛgɛɛ, nɔ í baa í jɛ bi kuwai mɛɛmu ŋa. Inɛ ŋa iyi à waa lɔ kɔkɔɛ bɛbɛi fei, à ya maa fã fooi na ideu iyi í tosi ŋa nɔ a maa gbugbã iri.

Kuyɛi Zãa 18:7

Zaka bɛi í so araɛ lele í wɛɛ do inɔ didɔ̃ si amani nlaɛ, iŋɛ mɔ i nyisiɛ ijuukpã do inɔ kufɔ zaka bɛɛbɛ ŋa. Wa ni si idɔɛ, ǹ wa n buba bɛi inaabo ilaalu, n kù jɛ jaaɔ̃. Bɛɛbɛ mɔi n kaa n yɛ inɔ kufɔ pai.