Kolosee 4:8 - Bibeli do fee

⁸ Ǹ wa n bɔɔ wai bi tu ŋɛ ku sɔ̃ ŋɛ bɛi à wɛɛò, nɔ ku tũ idɔ nŋɛ.

Kolosee 4:8 Iomraidhean Croise

Ezai 40:1

Aɔ̃ Lafɛ̃ɛ nŋɛ í ni, i tũ idɔi inɛm ŋa ntɔ ntɔ ŋa.

Kɔrɛnti 1, 4:17

Ŋɔi í jɔ̀ ǹ bɛ si ŋɛ Timɔtee wa, nŋu iyi í jɛ amam si kpãai Lafɛ̃ɛ. Í jɛ ilu naanɛ nɔ ǹ buu jiida. Nŋui á ye ŋɛ gigi bɛi isɛɛnɛm í yɛ si kpãai Kirisi si bɛi ǹ wa n kɔ inɛ ŋa si bii fei si igbɛi inɛi Jesu ŋa fei.

Kɔrɛnti 2, 1:4

Wa tũ idɔ nwa si wahala baa yooma nwa fei. Í ya ce bɛɛbɛi ku ba awa mɔ ka yɔkɔ ka tũ idɔi inɛ ŋa iyi à waa wahala do yaase bɛi í tũò ti awa mɔ.

Kɔrɛnti 2, 12:18

Ǹ tɔɔ Titee ku naa bi tu ŋɛ, ǹ bɔɔ wai nŋu do kpaasi gɔ. Aa ni Titee í takii ŋɛ má ŋai? Lasabui awaò fei kù jɛ akãi? Kuce nwa kù jɛ akãi?

Kɔrɛnti 2, 2:7

Í sĩa i kpa idei kuraraɛ i mua gbugbã ŋa ku ba inɔ kufɔ nlau ku maà caa siɛ.

Efɛɛzu 6:22

Na ŋɔi í ce ǹ bɔɔ wa si ŋɛ ku naa ku sɔ̃ ŋɛ bɛi à wɛɛò ku ba ku tũ idɔ nŋɛ.

Filipi 2:28

Ŋɔi í jɔ̀ ǹ wa n saasa n ba n sinda nŋɛ wa ku ba inɔ nŋɛ ku dɔ̃ má bii ì yɔɔ ŋa, nɔ inɔ kufɔi amu takam ku kaye.

Kolosee 2:2

Ǹ wa n ce bɛɛbɛi ku ba n mu nŋa gbugbã, nɔ a gbɔsi njɛ do kubi, nɔ kumà nŋa ku maa kɔ̃ɔsi, sika kãma ku maà wa si. Bɛɛbɛ mɔi aa mà asiii Ilaaɔ̃ iyi í jɛ Kirisi takaɛ.

Tɛsalonika 1, 2:11

Iŋɛ fei ì nɔ ì mà ŋa iyi à ce nŋɛi bɛi baa í ya cea amaɛ ŋa.

Tɛsalonika 1, 3:2

Nɔ à bɛ Timɔtee inɛ nwa iyi wa ce icɛ do Ilaaɔ̃ ajɔ́ si icɛi laabaau jiidai Kirisiu. À bɔɔ bi tu ŋɛ ku ba ku sobi ŋɛ i leekĩ si dim dim ŋa, nɔ ku mu nŋɛ gbugbã si naanɛ ku dasi nŋɛu,

Tɛsalonika 1, 3:5

Ŋɔi í jɔ̀ waati iyi idɔm í kɔ̀ ku sũ, ǹ bɛ Timɔtee bi tu ŋɛ bɛ ku ba n mà bɛi naanɛ ku dasi nŋɛ wa yɛ. Ǹ wa n ce njo Seetam woo lɛlɛ inɛu ku maa na ku lɛlɛ ŋɛ i ce dulum ŋa, nɔ icɛ nwa ku na ku jɛ ngbɛ.

Tɛsalonika 1, 4:18

Na nŋu, i jɔ̀ i ya maa mua njɛ gbugbã ŋa na ideu ihɛ̃.

Tɛsalonika 1, 5:11

Na nŋu, i ya mua njɛ gbugbã ŋa nɔ i ya maa sobi njɛ ku ba i la si naanɛ ku dasi nŋɛ, si bɛi ì waa ce tã ŋa.

Tɛsalonika 1, 5:14

À waa tɔɔ ŋɛ iŋɛ inɛ nwa ŋa, i sɔ̃ ilu ika ŋa a ce laakai. Inɛ ŋa iyi à mɔngɔ munya, i mu nŋa gbugbã. I sobi hai nɛ gbugbã ŋa. I temua do inɛ fei ŋa.

Tɛsalonika 2, 2:17

a mua idɔ nŋɛ gbugbã, nɔ a jɔ̀ i leekĩ dim dim i ceò icɛ jiida do ide jiida fei ŋa.