Kolosee 4:6 - Bibeli do fee

⁶ I ya jɔ̀ ide nŋɛ ku dɔ̃ ku gbɔ nɔ ku too kpãa, ku ba i mà si bɛi í sĩa i jɛa inɛ fei ide ŋa.

Kolosee 4:6 Iomraidhean Croise

Bomma 1, 16:24

I sisia inɛi ilɛ mmu ŋa amboeɛ ŋa nɔ i sɔ̃ dimi mmu ŋa fei maamaake ŋa iyi í ce ŋa.

Iri ku kɔ̃ 105:2

I kɔ̃a iri do jĩnɛi iri ku kɔ̃ ŋa. I sisi maamaake ŋa iyi í ce fei ŋa.

Iri ku kɔ̃ 119:13

An maa n sisi idei asaiyaɛ ŋa iyi ì fɔu fei.

Iri ku kɔ̃ 119:46

An fɔ ideɛ ŋai bi ilaalu ŋa, n kaa n ce anyɔ.

Iri ku kɔ̃ 45:2

Idɔm wa yaya na laabaau didɔ̃ do ide jiida ŋa iyi an fɔ bi ilaalu. Nɔ ǹ bi gɛlɛm ku yɛi bɛi mii ku kɔi woo mà kukɔ jiida.

Iri ku kɔ̃ 66:16

I naa i gbɔ ŋa, iŋɛ iyi ì waa jirima Aɔ̃ Lafɛ̃ɛ ŋa. An fɔ mii iyi í ceem si kuwɛɛm.

Mɔnda ŋa 10:21

Idei inɛ dee dee í ya bukaataa inɛ nkpɔ, amma nnyɛi ŋa à ya kui si na iyi í jɔ̀ à kua laakai.

Mɔnda ŋa 15:4

Ide didɔ̃ í yɛi bɛi jĩi ndii kuwɛɛ, amma ide laalɔ í ya mɛɛ inɛi.

Mɔnda ŋa 15:7

Ilu bisi ŋa à ya kɔ inɛ si kumài, amma idɔi nnyɛi ŋa kù jɛ bɛɛbɛ.

Woo lasabu 10:12

Idei ilu bisi í ya nɛ bɛɛrɛi. Amma idei nnyɛi í ya jɔ̀ ku ce nfe.

Ezekiɛli 43:24

i naaò ŋa wa bi amu Aɔ̃ Lafɛ̃ɛ. Woo wee ŋai aa fãsi ŋa imu nɔ a ceem do kuwee iyi à ya jo si ina fei sãa sãa.

Kuwee 2:13

Aa ya dasi imu si kuweei iyafũ iyi ì waa ce ŋaui, i maà ya jɔ̀ imu ku gaiziaɛ, domi imuu bɛi í jɛ bɛi akabuu iyi iŋɛ do amu Aɔ̃ Lafɛ̃ɛ i dĩ ŋa. Na ŋɔi í jɔ̀ kuwee iyi ì waa ce ŋa fei í sĩa ì ya dasi imu ŋa.

Matie 5:13

Ŋɔi Jesu í sɔ̃ ŋa má í ni, iŋɛi ì jɛ imu si inɔi inɛi andunya ŋa. Bii didɔ̃i imu í ku, mii aa dasi a jɔ̀ ku dɔ̃ má. Í gbe de a nikãɛ, nɔ inɛ ŋa a tɛɛsɛɛ.

Maaku 9:50

Imu mii ncɛɛi, amma bii didɔ̃i imu í ku, mii aa dasi i jɔ̀ ku dɔ̃ má ŋa. Iŋɛ fei í sĩa i yɛ bɛi imu ŋa, nɔ i maa gbɔ si njɛ ŋa.

Luku 4:22

Ŋɔi aŋa fei à waa jɛaa sɛɛda jiida, nɔ biti í mu ŋa do ide didɔ̃ iyi wa fita hai si gɛlɛɛu. À ni, kù jɛ amai Zozɛfuu mbɛ ya.

Efɛɛzu 4:29

Nɔ i maà ya jɔ̀ ide laalɔ kãma ku fita hai si gɛlɛ nŋɛ. Amma i ya fɔ ide jiida iyi á mua inɛ ŋa gbugbã si naanɛ ku dasi nɔ ku sobi ŋa si bukaata nŋa nɔ inɛ ŋa iyi à waa gbɔɔ ku jɛ nŋa aranfãani jiida.

Wooda ku kɔsi 11:19

Aa kɔ ama nŋɛ ŋa si ŋai, nɔ bii ì wa ide aa ya fɔi, bii ì waa bɔ ilu nɔ i ya fɔ, bii ì waa sũ walakɔ bii ì waa dede ŋa.

Kolosee 3:16

I jɔ̀ idei Kirisi ku kɔ̃ mam mam si idɔ nŋɛ ŋa, nɔ ku mu nŋɛ bisi ntɔ ntɔ ku ba i kɔ njɛ si cio nɔ i mua njɛ gbugbã ŋa. I ya kɔ̃ iri i maa saabu Ilaaɔ̃ ŋa nɔ i jɔ̀ Hundeɛ ku maa nɛò ŋɛ si iri ku kɔ̃ nŋɛ ŋau.

Piɛɛ 1, 3:15

Amma i jɔ̀ Kirisi ku jɛ Lafɛ̃ɛ si idɔ nŋɛ. I tã sɔɔlu waati kãma fei i jɛa inɛ ŋa iyi à waa bee yaasei kpãa ku cɔ nŋɛ.