Kolosee 4:5 - Bibeli do fee

⁵ I jɛ kuwɛɛ nŋɛ do laakai ŋa si inɔi hai dasi naanɛ ŋau. I ya ce icɛ jiida si waati iyi ì nɛ fei ŋa.

Kolosee 4:5 Iomraidhean Croise

Iri ku kɔ̃ 90:12

Jɔ̀ ka mà iyi ajɔ nwa kù sɔ, si yaase bɛɛbɛ idɔ nwa á nɛ bisi.

Daniɛli 2:8

Ŋɔi ilaaluu í nyi í sisi í fɔ má í ni, ntɔ ntɔ, ǹ mà iyi ì waa bi i ba i ya waati ŋai si na iyi í jɔ̀ ì gbɔ mii iyi ǹ dasi idɔ n ce ŋa.

Matie 10:16

Jesu í sɔ̃ ŋa má í ni, wee ǹ wa n bɛ ŋɛ nɔ aa yɛ ŋai bɛi angudã ŋa si inɔi mbo ŋa. Na nŋu, i jɔ̀ i nɛ bisi bɛi njo ŋa, nɔ i jɛ hai ce laalɔ bɛi ankasiidi ŋa.

Maaku 4:11

Ŋɔi í jɛ nŋa í ni, iŋɛi Ilaaɔ̃ í jɔ̀ ì mà asiii bommaɛ ŋa. Amma inɛ ŋa iyi à gbe fei à waa gbɔ ideu do mɔndai.

Romu 16:19

Iyi í jɛ ti iŋɛ mɔ, inɛ fei í mà bɛi ì waa jirima Lafɛ̃ɛ ŋa. Na nŋu, ǹ wɛɛò inɔ didɔ̃ na iri nŋɛ. Amma ǹ bi í nɛ bisi ŋai ku ba i mà bɛi aa ya ce jiida ŋa, nɔ i jɛ inɛ ŋa iyi laalɔ ku ce í jɛ iwɔ̀ nŋa.

Kolosee 3:16

I jɔ̀ idei Kirisi ku kɔ̃ mam mam si idɔ nŋɛ ŋa, nɔ ku mu nŋɛ bisi ntɔ ntɔ ku ba i kɔ njɛ si cio nɔ i mua njɛ gbugbã ŋa. I ya kɔ̃ iri i maa saabu Ilaaɔ̃ ŋa nɔ i jɔ̀ Hundeɛ ku maa nɛò ŋɛ si iri ku kɔ̃ nŋɛ ŋau.

Tɛsalonika 1, 4:12

Bii ì waa ce bɛɛbɛ ŋa, isɛɛnɛ nŋɛ á nɛ bɛɛrɛ baa si wajui hai dasi Jesu naanɛ ŋa, nɔ i kaa jɛ asoi inɛ kãma ŋa.

Timɔtee 1, 3:7

Si anyii nŋu, í sĩa hai dasi Jesu naanɛ ŋa a máa jɛ sɛɛda jiidaɛ ku ba a maà dondaɛ, nɔ ku maà na ku dasi cɛkũm dii Seetam.

Zaaki 1:5

Do nŋu fei bii bisi í na wa gaizia inɛ akã nŋɛ gɔ, ku tɔɔ Ilaaɔ̃, nŋu iyi í ya mua inɛ fei do inɔ akã hai nɛ kugbagba.

Zaaki 3:13

Yoo nŋɛi í nɛ kumà do bisi. Bii lafɛ̃ɛ í nɛ bisii do ntɔ, ku jɔ̀ a yɔɔ si isɛɛnɛ jiidaɛ do si kookoosu ŋa iyi wa ce do ara ku kaye.

Zaaki 3:17

Amma bisi iyi wa naa hai lele, sinte titã í má. Si anyiɛ inɛ iyi í nɛ bisiu í ya bi inɛ ŋa a nɛ anu akã, í ya maa mu araɛ, nɔ í ya jirima inɛ ŋa. Í ya nɛ araarei nɔ í ya ce icɛ jiida. Ci ya na kubi ntɔ, kù nɔ kù nɛ muafiti.

Piɛɛ 1, 3:1

Bɛɛbɛ mɔi iŋɛ inaabo ŋa, i sũa mɔkɔ nŋɛ ŋa iri ilɛ, hee baa bii í jɛ gɔgɔ nŋa ŋa a kù dasi idei Ilaaɔ̃ naanɛ, daa nŋɛ ku jɔ̀ a dasi naanɛ. Waati bɛɛbɛ i kù nɛ bukaatai ide ku fɔ má ŋa,