Kolosee 4:1 - Bibeli do fee

¹ Iŋɛ lafɛ̃ɛ ŋa, i cea aru nŋɛ ŋa dee dee si bɛi í jɔ. I ye gigi iyi iŋɛ mɔ ì nɛ Lafɛ̃ɛ iyi í wa lele ŋa.

Kolosee 4:1 Iomraidhean Croise

Woo lasabu 5:8

Á nɛa inɛ fei aranfãani bii í jɛ ilaalu í ya sobi kãma ŋa ku ba icɛi iko nŋa ku bɔ waju.

Ezai 58:3

Ŋɔi à waa beem à waa ni, na mii í jɔ̀ à waa dĩ anu bii i kù waa yɛ wa. Na mii í jɔ̀ à waa kpa ara nwa ari bii i kù waa yɛ wa. Ŋɔi ǹ jɛ nŋa ǹ ni, iŋɛ taka nŋɛ i cɔɔ ŋa, anu ku dĩu ci ya ganji ŋɛ wũa nŋɛ ŋa ku ce, nɔ ì ya maa wahala woo ce icɛ nŋɛ ŋa.

Kuwee 19:13

I maà taa kpaasi nŋɛ gbugbã ŋa. I maà gba mii ndɛɛ do bisi ŋa, nɔ i maà gɛɛ fiai woo ce icɛ nŋɛ hee iju koo máò.

Malasi 3:5

An naa si ŋɛi n na n kiiti ŋɛ. An dede si woo ce dobu dobu ŋa do woo ce sakara ŋa, do woo ce kugbasi si ibo ŋa do si inɛ ŋa iyi à waa taa woo ce icɛ ŋa iyi à nɛ a ba isã do jaaɔ̃ ŋa do kɔyɔ ŋa do isɛ mmu ŋa gbugbã, nɔ a kù mà bɛɛrɛm. Amu Aɔ̃ Lafɛ̃ɛi lele do ilɛi ǹ fɔ bɛɛbɛ.

Matie 20:4

Nɔ í sɔ̃ ŋa í ni, iŋɛ mɔ, i bɔ ikom i koo i ce icɛ ŋa. An sã nŋɛ si bɛi í jɔ.

Luku 19:15

Waati iyi í jɛ bommau í baa si ilɛɛ, ŋɔi í kpe amaacɛ ŋa iyi í na fiau wo bi tɛɛ ku ba ku yɛ bɛi fiai inɛ fei í bíaa.

Zaaki 2:13

Inɛ iyi kù nɛ araarei kpaasi, Ilaaɔ̃ á kiiti nŋu mɔi kaa ce araareɛ. Amma inɛ iyi í nɛ araarei kpaasi ŋa á jɛ igũ si ajɔi kiitiu.

Zaaki 5:4

Wee i ci ya sãa woo da amaajɛ nŋɛ ŋa fia nŋa. I cɔ inɔ kufɔ nŋa ŋa. Anu ku dɔ̃i inɛ ŋau í to hee si itĩi Aɔ̃ Lafɛ̃ɛi lele do ilɛ.

Kuyɛi Zãa 17:14

Aa ce igũ do ama angudãu, amma ama angudãu á jɛ ŋa igũ si na iyi í jɔ̀ í jɛ Lafɛ̃ɛi lafɛ̃ɛ ŋa nɔ í jɛ ilaalui ilaalu ŋa. Nɔ ilu naanɛ ŋa iyi Ilaaɔ̃ í kpe í cica, aŋaò ama angudãu aa jɛ igũ ajɔ.

Kuyɛi Zãa 19:16

Si ibɔɛ do si itãɛ à kɔ iriɛ à ni, Ilaalui ilaalu ŋa do Lafɛ̃ɛi lafɛ̃ɛ ŋa.