Kolosee 3:9 - Bibeli do fee

⁹ Nɔ i maà ya sɔa njɛ ibo ŋa si na iyi í jɔ̀ ì jɔ̀ daa nwo do dɔ̃ɔnɛɛ tã ŋa,

Kolosee 3:9 Iomraidhean Croise

Mɔnda ŋa 13:5

Inɛ dee dee kù bi ibo, amma inɛ laalɔ, yaako do anyɔi í jɛ titɛɛ.

Ezai 63:8

Nŋu takaɛ í fɔ wo í ni ntɔ ntɔ inɛ ŋau ihɛ̃ inɛi nŋu ŋai, nɔ à jɛ amu ŋa iyi a ci ya sɔ ibo. Nŋui í jɛ woo faaba nŋa.

Kuwee 19:11

I maà ya ce ile ŋa, nɔ i maà sɔ ibo ŋa, nɔ i maà ya zamba njɛ ŋa.

Sofoni 3:13

Inɛi Izirɛli ŋa iyi aa gbe ŋau, a kaa ya ce iyi kù jɛ dee dee má. A kaa ya sɔ ibo má, nɔ idei zamba kaa ya wa si gɛlɛ nŋa má, waati iyi aa maa sũ bi ku ce degbe nŋa. Inɛ kãma kaa wɛɛ iyi á da zigi nŋa má.

Zakari 8:16

Yaase bɛi í jɔ i ce ŋa wee. Iŋɛ fei i ya sɔ̃ kpaasi nŋɛ ŋa ntɔ. Nɔ i ya kiiti inɛ fei si ntɔ ku ba laakai ku sũ ku wa si ŋɛ.

Laabaau jiida iyi Zãa í kɔ 8:44

Seetam nii í jɛ baa nŋɛ, nɔ ì waa bi i ce idɔɔbii baa nŋɛu. Hai sinte woo kpa inɛi. Kù waa leekĩ si kpãai ntɔ domi ntɔ kù wa siɛ. Bii wa sɔ ibo, í ya maa fɔi bɛi nŋu takaɛ í yɛ domi ilu iboi, nɔ baai ilu ibo feii.

Romu 6:6

À mà iyi à kpakpa daa nwo nwa si jĩi ku gaau do Jesu ajɔ, ku ba daa nwo nwa iyi wa dasi wa dulum nɔu ku kpa iri, nɔ ka maà jɛ arui dulum má,

Efɛɛzu 4:22

Na nŋu, i jɔ̀ daa nwo nŋɛ ŋa iyi wa nɛ̀ò kuwɛɛ nŋɛ wo, domi kubii daa nwo nŋɛ ŋaui wa dĩ iju nŋɛ nɔ wa bɔò ŋɛ nfe ku ce.

Efɛɛzu 4:25

Na nŋu, i maà ya sɔ ibo má ŋa. I jɔ̀ inɛ fei ku sɔ̃ kpaasiɛ ntɔ, domi à jɛ ikɔ̃ ikã ikãi ara akã.

Kolosee 3:8

Amma nsɛi, i nyɔ mii ŋau bɛ fei ŋa, hai idɔɔkɔ̃, do mbɛɛtɛ, do inɔ sãmi. I maà ya jɔ̀ arabu walakɔ ide ku sisi ku fita hai si gɛlɛ nŋɛ ŋa.

Timɔtee 1, 1:10

do woo ce sakara ŋa, do inɛmɔkɔ ŋa iyi à ya maa sũò njɛ, do inɛ ŋa iyi à ce ilei amanɛ ŋa à waa ta, do woo sɔ ibo ŋa, do woo ce kugbasi si ibo ŋa, do inɛ ŋa iyi à waa ce mii baa yooma fei iyi kù waa too si cio jiida.

Kuyɛi Zãa 21:27

Amma mii riisi kãma kaa lɔ bɛ. Bɛɛbɛ mɔi inɛ iyi wa ce laalɔ do woo sɔ ibo a kaa lɔ bɛ pai. Inɛ ŋa iyi aa lɔ bɛ, aŋai à jɛ inɛ ŋa iyi à kɔ iri nŋa si tiai ama angudãu iyi í jɛ tiai kuwɛɛ.

Kuyɛi Zãa 21:8

Amma inɛ ŋa iyi à mɔngɔ do hai dasi naanɛ ŋa do woo ce laalɔ ŋa do woo kpa inɛ ŋa do woo ce sakara ŋa, do woo ce dobu dobu ŋa do woo tɔɔ iwɛ̃ ŋa do woo sɔ ibo ŋa fei aa ba ikpɛ̃ nŋa si ina nla iyi wa jo do fainwitau. Iyi bɛi í jɛ iku minjisiau.

Kuyɛi Zãa 22:15

Amma anyii iluui woo ce laalɔ ŋa aa wa do woo ce dobu dobu ŋa do woo ce sakara ŋa do woo kpa inɛ ŋa do woo tɔɔ iwɛ̃ ŋa do inɛ ŋa iyi à bi ibo nɔ à ya maa sɔ ibou fei.