Kolosee 3:8 - Bibeli do fee

⁸ Amma nsɛi, i nyɔ mii ŋau bɛ fei ŋa, hai idɔɔkɔ̃, do mbɛɛtɛ, do inɔ sãmi. I maà ya jɔ̀ arabu walakɔ ide ku sisi ku fita hai si gɛlɛ nŋɛ ŋa.

Kolosee 3:8 Iomraidhean Croise

Iri ku kɔ̃ 37:8

Jɔ̀ idɔɔkɔ̃ ku ce, fũsi awɔ. Idɔɔkɔ̃ ku ce laalɔi í ya kpaò iri.

Mɔnda ŋa 17:14

Inɛ iyi í dede kakɔɔ, í yɛi bɛi inɛ iyi í lu idĩ iyi wa gɛɛ inyi. Na nŋu, coko hee ija ku maa dede.

Mɔnda ŋa 19:19

Ilu idɔɔkɔ̃ yaamɔ í nɛ a jɔ̀ ku sãi. Bii a kù jɔ̀ ku sã, á muaa kpãa ku ce mái.

Mɔnda ŋa 29:22

Ilu idɔɔkɔ̃ í ya maa dede ijai, nɔ ilu ara gbãa í ya ce kurara nkpɔ nkpɔ.

Matie 5:22

Amma amu, an sɔ̃ ŋɛ, inɛ iyi wa ce idɔɔkɔ̃ do kpaasiɛ aa bɔòɛ si wajui woo kiiti ŋa a kpãa iju, nɔ inɛ iyi wa cɔ kpaasiɛ nfe aa kiitiɛ si wajui inɛ ngbo ŋau, inɛ mɔ iyi wa cɔ kpaasiɛ nnyɛi á lɔ si ina iyi ci ya kuu.

Maaku 7:22

do sakara, do kɔdɛɛ, do inɔ ku kã, do takii, do daa iyi í lɔ zaka, do igu, do fũnɛi inɛ ku nya, do faau, do idɔ ku le í ya fita.

Romu 13:13

I jɔ̀ ka nɛ dee dee awa iyi à jɛ inɛi inya kumá ŋa. Ka maà jɔ̀ ijɛ ku bi nwa do atɛ̃ ku mɔ nwa ku la ku caa, ka maà nɛ adɛi abo do daa bɛɛtɛkɛ ku ce, nɔ ka jɔ̀ ija do igu.

Kɔrɛnti 1, 3:3

si na iyi í jɔ̀ ì waa too idɔɔbii ara titã ŋa. Ntɔ ntɔ, igu do kakɔɔ í wa si anini nŋɛ, nɔ iyi bɛ wa nyisi iyi ì waa too idɔɔbii ara nŋɛi. Isɛɛnɛ nŋɛ ŋa mɔ í yɛi bɛi ti inɛi andunya ŋa.

Kɔrɛnti 2, 12:20

Ǹ wa n ce njo bii ǹ na ǹ to wa bi tu ŋɛ n maa n na n ba ŋɛ bɛi n kù bi, iŋɛ mɔ, i maa ti i na i bam bɛi i kù bi ŋa. Ǹ wa n ce njo ija do igu ku maà wa si ŋɛ, do idɔɔkɔ̃, do njɛ ku wã, do arabu ŋa, do irii inɛ ku sɔ, do faau, do mii hai nɛ yaase.

Galati 5:15

I maà ya maa ŋɔ njɛ ŋa bɛi mɛɛmui sako ŋa. I ce laakai ŋa ku ba i maà ce nfei njɛ ŋa.

Galati 5:20

do iwɛ̃ ku tɔɔ, do dobu dobu ku ce, do mbɛɛtɛ, do ija, do igu, do idɔɔkɔ̃ yaamɔ, do njɛ ku wã, do kakɔɔ, do njɛ ku fɛɛfɛ,

Galati 5:26

Kù sĩa ka jɛ ilu faau, walakɔ woo kosi inɛ ŋa, walakɔ ka maa ce igu si awa duusɔ̃ɔ.

Efɛɛzu 4:22

Na nŋu, i jɔ̀ daa nwo nŋɛ ŋa iyi wa nɛ̀ò kuwɛɛ nŋɛ wo, domi kubii daa nwo nŋɛ ŋaui wa dĩ iju nŋɛ nɔ wa bɔò ŋɛ nfe ku ce.

Efɛɛzu 4:25

Na nŋu, i maà ya sɔ ibo má ŋa. I jɔ̀ inɛ fei ku sɔ̃ kpaasiɛ ntɔ, domi à jɛ ikɔ̃ ikã ikãi ara akã.

Efɛɛzu 4:26

Baa bii idɔ nŋɛ í kɔ̃, i maà ya ce dulum ŋa. I maà ya jɔ̀ idɔɔkɔ̃u ku wɛɛ nŋɛ hee inunu koo lɔò.

Efɛɛzu 4:29

Nɔ i maà ya jɔ̀ ide laalɔ kãma ku fita hai si gɛlɛ nŋɛ. Amma i ya fɔ ide jiida iyi á mua inɛ ŋa gbugbã si naanɛ ku dasi nɔ ku sobi ŋa si bukaata nŋa nɔ inɛ ŋa iyi à waa gbɔɔ ku jɛ nŋa aranfãani jiida.

Efɛɛzu 5:4

Nɔ i maà ya jɔ̀ idei anyɔ walakɔ ide hai nɛ yaase walakɔ ide nfe nfe ku fita hai si gɛlɛ nŋɛ, domi ide dimi bɛɛbɛ kù jɔò ŋɛ, amma i jɔ̀ ide nŋɛ ku ya jɛ Ilaaɔ̃ ku saabu.

Kolosee 3:5

Na nŋu, i kpa kubii mii ndii andunya iyi wa ce icɛ si ŋɛ fei. Mii ndii andunya ŋaui à jɛ sɛ̃ɛ ku tɔtɔɔ hai nɛ yaase, do daa laalɔ, do binɛ, do kubi nfe nfe, do kɔdɛɛi mii nkpɔ. Ntɔ ntɔ bii ì waa ce kɔdɛɛ, mii nkpɔi ì ya tɔɔ si agbɛi Ilaaɔ̃.

Kolosee 3:9

Nɔ i maà ya sɔa njɛ ibo ŋa si na iyi í jɔ̀ ì jɔ̀ daa nwo do dɔ̃ɔnɛɛ tã ŋa,

Timɔtee 1, 1:13

baa do iyi ǹ ya n maa n fɔ laalɔɛ wo nɔ ǹ ya n maa n kpãa iju nɔ idɔɔkɔ̃m ci ya jĩ. Do nŋu fei, í ce araarem si bɛi n kù mà mii iyi ǹ wa n ce, si na iyi í jɔ̀ n kù dasiɛ naanɛ wo.

Timɔtee 1, 1:20

Si inɔ nŋai Himenee do Alesandu à wa, nɔ ǹ so ŋa ǹ daa Seetam si awɔ ku ba a mà iyi kù sĩa a maa fɔ laalɔi Ilaaɔ̃.

Ebɛɛ 12:1

Na nŋu, si na iyi í jɔ̀ woo jɛ sɛɛda nkpɔu bɛ wa kaako wa, awa mɔ ka nyɔ mii iyi wa bitandi wa si kuwɛɛ nwa do dulum iyi ci ya kpɛtɛ ku mási wa dim dim. Nɔ ka temua si kpãai kuwɛɛ iyi wa degbe wa bɛi woo sɛi í ya temua si areɛ.

Zaaki 2:7

Aŋai à ya maa nya cɔɔi iri jiida iyi Ilaaɔ̃ í mu nŋɛ.

Piɛɛ 1, 2:1

Na nŋu, i jɔ̀ laalɔ baa yooma fei ŋa, hai ibo ku sɔ, do muafiti, do igu, do irii inɛ ku sɔ.

Piɛɛ 2, 2:18

À waa fɔ idei fufu ku tɔɔ iyi kù nɛ iri. À waa fa inɛ gɔ ŋa do binɛ ikã ikãi mii iyi lafɛ̃ɛ ŋa à nɛ si idɔ nŋa ŋa ku ba a mu ŋa do taa. Inɛ ŋau, do wahalai à ba à gbã wa hai bi inɛ ŋa iyi à wa si kurarau.

Piɛɛ 2, 2:7

Amma í nya Lɔtu inɛ jiida iyi í wa si inɔi inɛ laalɔ ŋau. Í nyaai si na iyi í jɔ̀ í ya nɛ inɔ kufɔ na daa bututu nŋa, nɔ iju iyi wa má fei laalɔ iyi wa yɛ do iyi wa gbɔ wa bitandi idɔ dee deeɛ.

Zudu 1:13

À yɛi bɛi tenku iyi wa tãngãm do gbugbã. Si bɛi kutãngãm nɔu í ya fã inyiu, bɛɛbɛ mɔi kucei iju hai nɛ anyɔ nŋa í ya maa fangaa. À yɛi má bɛi leleaɔ̃ iyi í kua kpãaɛ, nɔ Ilaaɔ̃ í jilɛ nŋa ilu kuku nla nla hee do ajɔ fei.

Zudu 1:8

Do nŋu fei, inɛ ŋa iyi à lɔ inɔ nŋɛ ŋau, à waa ce bɛɛbɛ. Kuyɛ ibo nŋa ŋaui í jɔ̀ à waa dasi ara nŋa daa sãmi ŋau bɛ. À donda ilaalu ku jɛi Ilaaɔ̃ nɔ à waa bu inɛi lele ilu amboe ŋa.

Kuyɛi Zãa 16:9

Nɔ inya gbãa nlau í jo amanɛ ŋa, nɔ à waa bu Ilaaɔ̃, nŋu iyi í nɛ yiiko si antaii bɔ̃nɛ ŋau. Amma à kɔ̀ ku kpaasi idɔ a jirimaɛ.