Kolosee 3:7 - Bibeli do fee

⁷ Iŋɛ taka nŋɛ bɛɛbɛi ì ya tako i maa ce ŋa wo waati iyi ì wa si dulum ŋau bɛ ŋa.

Kolosee 3:7 Iomraidhean Croise

Romu 7:5

Waati iyi à wɛɛò daa nwo nwa ŋa wo, wooda í dede kɔdɛɛ laalɔ si wa, nɔ kɔdɛɛu wa ce icɛ si ikɔ̃i ara nwa ikã ikã fei nɔ wa bɔò wa bi iku.

Kɔrɛnti 1, 6:11

Bɛɛbɛi inɛ gɔ nŋɛ ŋa à yɛ wo. Amma à wɛ ŋɛ, nɔ à jɔ̀ ì má ŋa, nɔ ì jɛ dee dee ŋa na saabui irii Lafɛ̃ɛ nwa Jesu Kirisi do Hundei Ilaaɔ̃.

Efɛɛzu 2:2

Waati bɛɛbɛ, kpãa laalɔi inɛi andunya ŋai ì ya maa too si ŋa, nɔ ì ya maa jirima Seetam, ilaalui ilu gbugbãi lele ŋa. Ilaaluu nŋui í jɛ hunde iyi wa ce icɛ hee nsɛi si idɔi inɛ ŋa iyi a kù waa jirima idei Ilaaɔ̃.

Kolosee 2:13

Tako wo, ì yɛi bɛi iku ŋa na irii kurara nŋɛ do si na iyi í jɔ̀ ì jɛ dimi mmu ŋa iyi a kù ce bango ŋa. Amma nsɛi Ilaaɔ̃ í ce ŋɛ ilu hunde do Kirisi ajɔ. Í kpa idei dulum du wa fei.

Titee 3:3

Í sĩa ka ce bɛɛbɛ domi tako wo awa mɔ à yɛi bɛi inɛ ŋa iyi à gbe. A kù nɛ yaase, a ci ya ka jirima Ilaaɔ̃, à ya ka maa ce kurara. Kɔdɛɛi andunya baa yooma fei do faayi ŋai à waa nɛò wa. À waa ce kuwɛɛ nwa do inɔ sãmi do binɛ. À jɛ inɛ laalɔ ŋa nɔ à cé njɛ.