Kolosee 3:4 - Bibeli do fee

⁴ Kirisii í jɛ kuwɛɛ nŋɛ do ntɔ, nɔ ajɔ iyi á faata wa, do iŋɛi ajɔ, nɔ aa ba ikpɛ̃ nŋɛ si amboeɛ.

Kolosee 3:4 Iomraidhean Croise

Iri ku kɔ̃ 17:15

Amma amu, na dee dee ku jɛm, an yɛ wajuɛ, nɔ waati iyi ǹ jĩ, an maa n cɔɛi n kaa n gbɛɛji.

Iri ku kɔ̃ 73:24

Ì waa gbãm nii si yaase bɛi ì bi, si anyiɛ aa gbam nii do bɛɛrɛ.

Matie 13:43

Nɔ waati bɛɛbɛ inɛ ŋa iyi à waa dɛ idɔɔbii Ilaaɔ̃ ku ce aa maa má inyai bɛi inunu si bommai Ilaaɔ̃ Baa nŋa. Inɛ iyi í nɛ itĩ iyi á gbɔò ide, ku gbɔ.

Luku 17:30

Nɔ bɛɛbɛ mɔi á yɛ ajɔ iyi amu Amai Amanɛ an faata wa.

Laabaau jiida iyi Zãa í kɔ 11:25

Ŋɔi Jesu í sɔ̃ɔ í ni, amui ǹ jɛ kujĩi iku ŋa nɔ ǹ jɛ kuwɛɛ. Inɛ iyi í dasim naanɛ á maa wɛɛi baa bii í ku.

Laabaau jiida iyi Zãa í kɔ 14:3

Bii ǹ koo ǹ ce nŋɛ bi kuwa ǹ tã an nyi wa má, n naa n gbã ŋɛ n bɔò ŋɛ bi tom ku ba iŋɛ mɔ i wa bii ǹ wa.

Laabaau jiida iyi Zãa í kɔ 14:6

Ŋɔi Jesu í jɛaa í ni, amui ǹ jɛ kpãa, do ntɔ, do kuwɛɛ. Inɛ kãma kaa bɔ bi Ilaaɔ̃ Baaba bii kù jɛ hai do bi tom.

Laabaau jiida iyi Zãa í kɔ 17:24

Baaba, ǹ bi inɛ ŋa iyi ì nam a maa wa bi tom bii an wa, ku ba a yɛ amboem, amboe iyi ì muum. Ì muum amboeui si na iyi í jɔ̀ ì bim hai waati iyi a kù taka andunya.

Laabaau jiida iyi Zãa í kɔ 20:31

Amma ide iyi ihɛ̃ ŋai à kɔ ku ba i dasi naanɛ ŋa iyi Jesui í jɛ Kirisi Amai Ilaaɔ̃ ku ba naanɛ iyi ì dasiɛ ŋau ku jɔ̀ i ba kuwɛɛ hai tã ŋa.

Woo bɛ ŋa 3:15

Si bɛɛbɛ ì kpa inɛ iyi í jɛ irii kuwɛɛu ŋa. Amma Ilaaɔ̃ í jũu hai si balɛ, nɔ awa à yɔɔ.

Romu 8:18

Ǹ mà wahalai nsɛi nwau ihɛ̃ kù jɛ nkãma do amboe iyi Ilaaɔ̃ á na ku nyisi wa.

Romu 8:19

Baa mii ŋa iyi Ilaaɔ̃ í taka fei à waa degbe ajɔ nŋu do saasa, ajɔ si bii Ilaaɔ̃ á jɔ̀ a yɛ amboeɛ si amaɛ ŋa,

Kɔrɛnti 1, 1:7

amuai Hundei Ilaaɔ̃ baa akã kù gaizia ŋɛ, iŋɛ iyi ì waa degbe waati iyi Lafɛ̃ɛ nwa Jesu Kirisi á faata wa.

Kɔrɛnti 1, 15:43

Bii à suu ci ya nɛ bɛɛrɛ, amma bii à jũu ilu jirima nlai. Bii à suu, hai nɛ gbugbãi, amma bii à jũu á nɛ gbugbã.

Kɔrɛnti 2, 4:17

Ijuukpã keeke iyi à waa yɛ si nsɛiu ihɛ̃ wa ce nwa sɔɔlui amboe iyi ci ya tãi iyi í la í re ijuukpãu.

Galati 2:20

À kpakpam si jĩi do Kirisi ajɔ. Na nŋu, kù jɛ na aram nii ǹ wɛɛ má, bɛbɛi Kirisii wa ce kuwɛɛɛ sim. Nɔ kuwɛɛ iyi ǹ wa n wɛɛ nsɛi, ǹ wa n wɛɛi do naanɛ iyi ǹ dasi Amai Ilaaɔ̃, nŋu iyi í bim nɔ í na kuwɛɛɛ na irim.

Filipi 3:21

Do gbugbãɛ iyi á jɔ̀ mii fei ku jirimaɛò nŋui á kpaasiò ara hai nɛ bɛɛrɛ nwau ku jɔ arai nŋu takaɛ iyi í nɛ amboe.

Tɛsalonika 1, 4:17

Si anyii nŋu, awa iyi à wɛɛ si hunde si waati bɛɛbɛ, á so wa awaò ŋa ajɔ si kudũi ijĩ, nɔ ka ko Lafɛ̃ɛ lele bɛ. Si bɛɛbɛi aa ka maa wɛɛ do Lafɛ̃ɛ hee do ajɔ fei.

Timɔtee 1, 6:14

jirima wooda nɔ kuwɛɛɛ ku maà nɛ riisi do taale gɔ hee ku toò ajɔ iyi Lafɛ̃ɛ nwa Jesu Kirisi á faata wa.

Timɔtee 2, 1:1

Amui Pɔlu, woo bɛi Jesu Kirisi si idɔɔbii Ilaaɔ̃. Ilaaɔ̃ í dasim n sisi idei kuwɛɛ iyi í wãò wa si anu akã nwa do Jesu Kirisi.

Timɔtee 2, 4:8

Nsɛi, ǹ mà iyi an ba ribai dee dee ku jɛ. Lafɛ̃ɛ woo kiiti dee deei á muum si ajɔ nŋu. Kù jɛ amu akã, amma hee do inɛ ŋa iyi à bi ajɔi kunyiɛ wa fei.

Titee 2:13

nɔ ka maa degbeò ajɔ jiida iyi à waa cɔ kpãaɛ, si bii Jesu Kirisi woo faaba nwa á nyisi amboeɛ. Jesu Kirisi nŋui í jɛ Ilaaɔ̃, nɔ nŋui í la.

Ebɛɛ 9:28

bɛɛbɛ mɔi Kirisi í na araɛ gbakã akã bɛi kuwee í soò dulum dii inɛ nkpɔ. Á nɔ ku na ku faata wa isɛ gbeejisia, kù jɛ ku naa ku kpa idei dulum dii inɛ ŋa má, amma ku ba faabai inɛ ŋa iyi à waa degbeɛ ŋau ku kɔ̃ mam mam nii.

Piɛɛ 1, 1:13

Na nŋu, i ce laakai ŋa. I mu ara nŋɛ ŋa, nɔ i dasi kpãa ku cɔ nŋɛ fei si didɔ̃ iyi aa na ŋɛ si waati iyi Jesu Kirisi á faata wa.

Piɛɛ 1, 5:4

Nɔ waati iyi Kirisi á faata wa, nŋu iyi í jɛ inɛ ngboi woo degbe ŋau, aa gba riba ilu amboe iyi kusĩaɛ kaa tã ŋa.

Zãa 1, 2:28

Nsɛi, iŋɛ amam ŋa, i jɔ̀ i nɛ anu akã do Kirisi ŋa, ku ba ajɔ iyi á faata wa ka nɛ idɔ ku buba, nɔ anyɔ ku maà mu wa si wajuɛ si ajɔ iyi á nyi wau.

Zãa 1, 3:2

Iŋɛ baakɔɔm ŋa, si nsɛi à jɛ amai Ilaaɔ̃ ŋa, amma a kù mà bɛirei aa ka na ka yɛ ala. Do nŋu fei, à mà waati iyi Kirisi á na ku faata wa aa ka jɔɔ, domi aa ka yɔɔ bɛi í yɛ.

Zãa 1, 5:12

Inɛ iyi í nɛ Amai Ilaaɔ̃, í nɛ kuwɛɛ. Inɛ iyi kù nɛ Amau kù nɛ kuwɛɛu.

Zudu 1:24

Ilaaɔ̃ nŋu akãi í jɛ woo faaba nwa, nŋu iyi á yɔkɔ ku degbe ŋɛ i maà na i cuku ŋa, nɔ ku jɔ̀ i naa si amboeɛ ŋa do inɔ didɔ̃, lɛɛfi ku maà wa si. Amboe do jirima do gbugbã do yiiko ku jɛ tɛɛ hai sinte, do nsɛi, hee do ajɔ fei na saabui Lafɛ̃ɛ nwa Jesu Kirisi. Ami.

Kuyɛi Zãa 2:7

Inɛ iyi í nɛ itĩ, ku sotĩ ku gbɔ mii iyi Hundei Ilaaɔ̃ wa sɔ̃ igbɛi inɛi Jesu ŋa fei. Inɛ iyi í jɛ igũ, an jɔ̀ ku jɛ isoi jĩi ndii kuwɛɛ iyi í wa azanna.

Kuyɛi Zãa 22:1

Si anyii nŋu, amalekau í nyisim inyii ido iyi í ya na inɛ ŋa kuwɛɛ. Inyiu wa daana bɛi digi nɔ wa cã wa hai bi kitãi bommai Ilaaɔ̃ do ama angudãu.

Kuyɛi Zãa 22:14

Ilu inɔ didɔ̃ ŋai inɛ ŋa iyi kuwɛɛ nŋa í má bɛi jĩnɛ iyi à fɔ sãa sãa, ku ba a ba kpãa a jɛ isoi jĩi ndii kuwɛɛu nɔ a lɔ inɔ iluu hai do andɛɛ.