Kolosee 3:25 - Bibeli do fee

²⁵ Amma inɛ iyi í ya maa ce laalɔ, á yɛ ribaɛ si bɛi laalɔ ku ceɛ í to, domi Ilaaɔ̃ ci ya nya inɛ gɔ ikã.

Kolosee 3:25 Iomraidhean Croise

Samuɛli 2, 14:14

Do ntɔ, awa fei aa ka ku, nɔ aa ka yɛ bɛi inyi iyi à dikã nɔ kaa ce a koo má. Amma Ilaaɔ̃ kù bi inɛɛu ku ku titã. Í bi ku baai hai bii wa manjiu ku naa ku wa kɔkɔi nŋu.

Bomma 2, 19:7

Na nŋu i jirima Aɔ̃ Lafɛ̃ɛ ŋa. I wɔ̀ njoo si kuce nŋɛ ŋa, domi Aɔ̃ Lafɛ̃ɛ nwa kù bi inɛ iyi ci ya too ntɔ, do inɛ iyi í ya cica inɛ ŋa si na iyi í jɔ̀ à re njɛ do bɛɛrɛ do woo gba amua hai jɛ dee dee.

Zɔɔbu 34:19

Ci ya cɔ inɛ nla ku jɛi inɛ gɔ, ci ya nɔ ku cɔ ilu fia ku re ilu are, domi nŋui í taka aŋa fei.

Zɔɔbu 37:24

Na ŋɔi í ce amanɛ ŋa à nɛ a jirimaɛ. Amma ci ya cɔ inɛ iyi wa cɔ araɛ ilu bisi.

Kuwee 19:15

I maà ya ce laalɔ si kiiti nŋɛ ŋa, i maà ce araarei inɛ na gbugbã hai nɛɛ baa bii kù nɛ ntɔ ŋa, nɔ i maà ce araarei inɛ gɔ mɔ si na iyi í jɔ̀ í jɛ inɛ nla. Amma i kiiti inɛ fei dee dee si bɛi í jɔ.

Matie 16:27

Amu Amai Amanɛ an nyi wa má do amboei Baam do amalekam ŋa ajɔ. Si waati bɛɛbɛi an sãa inɛ fei si yaase bɛi í jɛò kuwɛɛɛ.

Luku 20:21

Inɛ ŋau à sɔ̃ɔ ide à ni, Mɛɛtu, à mà iyi ideɛ do cio iyi ì waa kɔ inɛ ŋa siu, fei ndɛɛ dee deei. I ci ya na inɛ gɔ ntɔ na kubi, ì waa nyisi inɛ ŋa kpãai Ilaaɔ̃ si ntɔɛ.

Woo bɛ ŋa 10:34

Ŋɔi Piɛɛ í so ide í ni, ǹ mà bɛbɛi iyi Ilaaɔ̃ kù waa cɔ inɛ kãma dimi mmu.

Romu 2:11

Bɛɛbɛi Ilaaɔ̃ á ce domi bi tɛɛ inɛ gɔ kù re inɛ gɔ.

Kɔrɛnti 2, 5:10

Í sĩa ka ce iyi á dɔ̃aa si domi kù nɛ bɛi aa ka ce iyi a kù leekĩ si wajui Kirisi ku kiiti wa awa fei, nɔ ku sãa inɛ fei si bɛi kookoosu iyi í ce si kuwɛɛɛ í to, bii laalɔi, bii í nɔ í jɛ jiida mɔi.

Efɛɛzu 6:8

Ì mà sãa sãa ŋa iyi Ilaaɔ̃ á sãa inɛ fei ribai icɛ jiida iyi í ce, baa bii aru, walakɔ inɛ iyi í nɛ araɛi.

Efɛɛzu 6:9

Iŋɛ lafɛ̃ɛ ŋa mɔ, i cea aru nŋɛ ŋa bɛɛbɛ, i maà ya ta nŋa gbugbã. I mà ŋa iyi iŋɛò ŋa fei Lafɛ̃ɛ akãi ì nɛ lele bii inɛ gɔ kù re inɛ gɔ.

Wooda ku kɔsi 1:17

Si kiiti nŋɛ, i maà ya cɔ ijui inɛ ŋa. I ya gbɔ idei ilu gbugbã do hai nɛ gbugbã fei ŋa. I maà ce njoi inɛ kãma ŋa, domi ì nɛ i ya kiiti ŋai do irii Aɔ̃ Lafɛ̃ɛ. Nɔ bii ì kòò ide iyi í gaabu í caa ŋa, i ya naaò wa bi tom ŋa n ba n gbɔ.

Wooda ku kɔsi 10:17

domi ntɔ ntɔ, nŋui í jɛ Aɔ̃ Lafɛ̃ɛ iyi í nɛ gbugbã í re iwɛ̃ ŋa fei, nɔ nŋui í jɛ Lafɛ̃ɛi lafɛ̃ɛ ŋa, nŋui í la, í nɛ gbugbã nɔ nŋui inɛ ŋa à nɛ a ce njoɛ. Bi tɛɛ, inɛ gɔ kù re inɛ gɔ, nɔ ci ya gba amua iyi kù jɛ dee dee.

Kolosee 4:1

Iŋɛ lafɛ̃ɛ ŋa, i cea aru nŋɛ ŋa dee dee si bɛi í jɔ. I ye gigi iyi iŋɛ mɔ ì nɛ Lafɛ̃ɛ iyi í wa lele ŋa.

Tɛsalonika 1, 4:6

Si ideu ihɛ̃, inɛ gɔ ku maà raraa kpaasiɛ walakɔ ku jɔɔ takii, domi Aɔ̃ Lafɛ̃ɛ á kpã woo ce mii bɛɛbɛ ŋa fei iju. À nɔ à sɔ̃ ŋɛ à kɔnkɔn du ŋɛ tã à ni i ce laakai ŋa.

Tɛsalonika 2, 1:6

Ntɔi, Ilaaɔ̃ á ce iyi í jɛ dee dee. Inɛ ŋa iyi à waa kpã ŋɛ iju, á sã nŋa ijuukpã.

Filemɔɔ 1:18

Bii ì raraɛ, walakɔ bii wa mu gbeseɛ, sindoɛ si irim.

Ebɛɛ 2:2

domi baa ide iyi amaleka ŋa à naaò wa í nɛ gbugbã hee inɛ iyi kù saaluɛ walakɔ kù jirimaɛ fei í ba ijuukpã iyi í jɔ.

Piɛɛ 1, 1:17

Ilaaɔ̃, nŋu iyi ì ya kpe Baaba ŋa si kutɔɔ nŋɛ, nŋui í jɛ inɛ iyi á kiiti inɛ fei si bɛi inɛ fei í ce nɔ kaa cɔ ijui inɛ gɔ. Na nŋu, waati iyi í gbe nŋɛ si andunya i jɔɔ do jirima ŋa.

Zudu 1:16

Inɛ ŋau, à ya maa gbagbai, nɔ nkãma kù wɛɛ iyi í ya sĩa nŋa si, binɛ nŋai wa cua nŋa. À ya maa tɔɔ fufui nɔ à ya maa lɛlɛ inɛ ŋai do ide didɔ̃ ku ba a ba mii ndii lafɛ̃ɛ ŋa.