Kolosee 3:23 - Bibeli do fee

²³ Iyi ì waa ce fei i coo do inɔ akã ŋa, nɔ ku jɛ bɛi Lafɛ̃ɛi ì waa cea ŋa, kù jɛ amanɛ ŋa.

Kolosee 3:23 Iomraidhean Croise

Bomma 2, 31:21

Icɛ iyi í ce fei ku ba inɛ ŋa a maa tɔɔ Ilaaɔ̃ nɔ a maa jirima woodaɛ ŋa í cooi do idɔɛ fei wa dɛdɛò Aɔ̃ Lafɛ̃ɛɛ. Nɔ mii iyi wa ce fei wa kooa.

Iri ku kɔ̃ 103:1

Iriu ihɛ̃ ti Davidii. Aɔ̃ Lafɛ̃ɛ, an cĩɛi. Ǹ bi n cũui do idɔm fei, nŋu iyi í má.

Iri ku kɔ̃ 119:10

Ǹ wa n dɛdɛɛi do idɔm fei. Maà jɔ̀ n yaa hai si woodaɛ ŋa.

Iri ku kɔ̃ 119:145

Aɔ̃ Lafɛ̃ɛ, ǹ wa n kpeɛi do idɔm fei. Jɛɛm nɔ n jirima woodaɛ ŋa.

Iri ku kɔ̃ 119:34

Jɔ̀ n gbɔ yaasei woodaɛ ŋa, ku ba n maa n too ŋa nɔ n jirima ŋa do idɔm fei.

Woo lasabu 9:10

Nɔ mii iyi ì nɛ ku ce fei, coo do gbugbãɛ, domi icɛ do lasabu ku ce si ngɔgɔ do kumà do bisi kãma kaa wɛɛ bi kuwai iku ŋa tengi bii ì waa bɔ.

Zeremi 3:10

Do nŋu fei wecĩɛ Zudaa hai jɛ dee deeu kù nyi wa sim do idɔɛ fei. Si iboi í ce nŋu bɛ fei. Amu Aɔ̃ Lafɛ̃ɛi ǹ fɔ bɛɛbɛ.

Matie 6:16

Jesu í ni má, bii ì waa ce anu ku dĩ ŋa, i maà ya jɔ̀ waju nŋɛ ku nyisi wahala nŋɛ bɛi ilu muafiti ŋa à ya ce. À ya kpaasi waju nŋa ku ba inɛ fei ku yɔɔ iyi à waa dĩ anu. Ntɔ ntɔ ǹ wa n sɔ̃ ŋɛi, inɛ nŋu ŋa à ba riba nŋa fei tã.

Romu 14:6

Inɛ iyi wa tamaa ajɔ gɔ ŋa à re njɛ do bɛɛrɛ, wa cooi na Lafɛ̃ɛ. Inɛ iyi wa jɛ ijɛ iyi í ba fei, na irii Lafɛ̃ɛi wa jɔɔ, domi í ya saabu Ilaaɔ̃i titã na ijɛu. Inɛ mɔ iyi kù waa jɛ mii fei, na irii Lafɛ̃ɛi kù waa jɛ, í nɔ wa saabuɛ.

Romu 14:8

Ntɔ ntɔ, bii à wɛɛ, à wɛɛi na irii Lafɛ̃ɛ, bii à nɔ à ku mɔi, na irii Lafɛ̃ɛi à ku. Na nŋu, bii à waa wɛɛ walakɔ bii à ku, ti Lafɛ̃ɛi à jɛ,

Efɛɛzu 5:22

Iŋɛ inaabo ŋa i sũa mɔkɔ nŋɛ ŋa iri ilɛ bɛi aa cea Lafɛ̃ɛ ŋa,

Kolosee 3:17

Si kuce nŋɛ do si kufɔ nŋɛ i ce fei ndɛɛ do irii Lafɛ̃ɛ Jesu nɔ i saabu Ilaaɔ̃ Baaba ŋa na saabuɛ.

Piɛɛ 1, 1:22

Nsɛi, si ntɔ ku jirimai ì fũuta idɔ nŋɛ ŋa ku ba kubii kpaasi woo dasi naanɛ ŋa iyi ì nɛ ŋa ku maà jɛ do muafiti. Na nŋu, i bi njɛ ntɔ ntɔ do idɔ nŋɛ fei ŋa.

Piɛɛ 1, 2:13

I jirima ilu iri fei ŋa na irii Lafɛ̃ɛ, hai ilaalu nla nŋu iyi í re do gbugbã,

Piɛɛ 1, 2:15

Do ntɔ, iyi Ilaaɔ̃ í bi, nŋui í jɛ icɛ jiida nŋɛ ku dĩ gɛlɛi hai mà ngɔgɔ ŋa si ide hai nɛ yaase nŋa.