Kolosee 3:22 - Bibeli do fee

²² Iŋɛ aru ŋa, i jirima lafɛ̃ɛ nŋɛ ŋa si fei ndɛɛ si andunyau ihɛ̃, ku maà jɛ bii à leekĩ à waa cɔ ŋɛ nŋu akã. I jirima ŋa do inɔ akã ŋa si na iyi í jɔ̀ ì mà bɛɛrɛi Lafɛ̃ɛ ŋa, nɔ ku maà jɛ mii iyi á dɔ̃a amanɛ ŋa si nŋu akãi ì waa bi ku ce ŋa.

Kolosee 3:22 Iomraidhean Croise

Kusintii Andunya 42:18

Nɔ si ajɔ mɛɛtasiau í sɔ̃ ŋa í ni, mii iyi ǹ wa n bi n ce nŋɛ wee ku ba i ba faaba ŋa, domi ǹ mà bɛɛrɛi Ilaaɔ̃.

Neemi 5:15

Amma hee n maa n to bɛ ilu ilɛ ŋa iyi à tako à wa bɛ ŋau à ya daa inɛ ŋa mii nkpɔ nkpɔi iyi aa sã. Inɛ akã fei isɔ fũfũ kpɛkɛlɛ ciijii à ya gba siɛ do sɔnda do atɛ̃. Si anyiɛ, woo ce icɛ nŋa ŋau à ya taa inɛ ŋa gbugbãi. Amma amu n kù ce bɛɛbɛ si na iyi í jɔ̀ ǹ wa n jirima Ilaaɔ̃.

Neemi 5:9

Nɔ ǹ ni má, mii iyi ì waa ce ŋau bɛ kù sĩa. Ì nɛ i maa jirima Ilaaɔ̃ ŋai si isɛɛnɛ nŋɛ ku ba dimi mmu mbɛɛ nwa ŋau a maà bu wa.

Iri ku kɔ̃ 123:2

Bɛi ijui aru ŋa í ya maa kãsi lafɛ̃ɛ nŋa, nɔ ti inaabo woo ce icɛ ŋa mɔ í ya maa kãsi lafɛ̃ɛ nŋa, bɛɛbɛ mɔi iju nwa í ya maa kãsi Aɔ̃ Lafɛ̃ɛ nwa ka maa degbeò didɔ̃ iyi á ce nwa.

Woo lasabu 12:13

Ka sotĩ ka gbɔ iri ku kpai ideu. Mii iyi amanɛ í nɛ ku ce, nŋui í jɛ ku mà bɛɛrɛi Ilaaɔ̃ nɔ ku jirima woodaɛ ŋa,

Woo lasabu 5:7

Maà jɔ̀ ku muɛ biti bii ì yɛ à waa taa ilu are gbugbã si ilɛ gɔ nɔ à kɔ̀ɔ ntɔ. Woo taa gbugbãu mɔ í nɛ inɛ ngbo nɔ inɛ ngbo ŋau à ya bii anyii njɛi, nɔ aŋa fei à nɛ inɛ iyi í wa antai nŋai.

Woo lasabu 8:12

Á yɔkɔ ku jɛ inɛ laalɔ í ce dulum fii cĩɔ nɔ kuwɛɛɛ í mɔsi wa koo. Do nŋu fei ǹ mà kãm kãm iyi inɛ ŋa iyi à mà bɛɛrɛi Ilaaɔ̃ aŋai aa wɛɛò inɔ didɔ̃ si na iyi í jɔ̀ à waa jirimaɛ.

Malasi 1:6

[Aɔ̃ Lafɛ̃ɛi lele do ilɛ wa ba woo wee ŋa ide ku fɔ wa ni,] ama í ya mà bɛɛrɛi baaɛi, amaacɛ mɔ í ya jirima lafɛ̃ɛɛi. Bii ǹ jɛ baa nŋɛi, bɛirei ì waa nyisiò bɛɛrɛm ŋa. Bii ǹ jɛ lafɛ̃ɛ nŋɛi hee iwoi jirimam iyi ì nɛ í wa ŋa. Iŋɛ woo wee ŋau, ì waa yaakom nɔ ì waa ni ŋa, si iwoi à waa yaakoɛ.

Matie 6:22

Í ni má, ijui í jɛ fitilai ara. Bii ijuɛ wa nɛ baani, araɛ fei í wa si inya kumái.

Matie 8:9

Amu takam, ǹ nɛ inɛ ngbo ŋa iyi ǹ wa n jirima, nɔ ǹ nɛ sooge gɔ ŋa mɔ iyi ǹ wa n gbã. Inɛ akã nŋa iyi ǹ bɛ á kooi, inɛ iyi ǹ kpe mɔ á naai, nɔ icɛ iyi ǹ ni amaacɛm ku ce nŋui í ya ce.

Luku 6:46

Nɔ Jesu í sɔ̃ ŋa má í ni, na mii í ce ì ya maa kpem Lafɛ̃ɛ Lafɛ̃ɛ, nɔ i ci ya ceò ide iyi ǹ sɔ̃ ŋɛ icɛ ŋa.

Luku 7:8

Nɔ í ni baa nŋu takai nŋu, idei inɛ ngboi nŋu ŋai nŋu wa gbɔ, nɔ nŋu mɔ í nɛ sooge ŋa iyi wa gbã. Bii nŋu í sɔ̃ inɛ akã nŋu í ni ku bɔ ihɔ̃, í ya kooi. Bii nŋu í nɔ í kpe inɛ gɔ nŋa í ya naai. Nɔ bii nŋu í sɔ̃ amaacɛi nŋu gɔ nŋu í ni ku ce iyi ihɛ̃ í ya cooi.

Woo bɛ ŋa 2:46

Ajɔ fei à ya tɔtɔɔi si bantumai kpasɛ̃i Ilaaɔ̃. À ya tɔtɔɔ a maa jɛi si inɔ kpasɛ̃ nŋa ŋa do inɔ didɔ̃. Muafiti ci ya wa si.

Kɔrɛnti 2, 7:1

Baakɔɔm ŋa, kuwãu ihɛ̃ fei tu wai. Na nŋu, ka jɔ̀ idɔ nwa ku má sãa sãa si mii fei ku ba ara nwa do idɔ nwa ku maà nɛ taale kãma, nɔ kumá nwa ku kɔ̃ si Ilaaɔ̃ nɔ ka mà bɛɛrɛɛ.

Galati 1:10

Si ideu ihɛ̃ aa ni ǹ wa n dɛ saabui amanɛ ŋai? Aawo, saabui Ilaaɔ̃i ǹ bi. Ǹ wa n dɛ n ce mii iyi á dɔ̃a amanɛ ŋa si? Aawo, bii ǹ wa n dɛ n ce mii iyi á dɔ̃a amanɛ ŋa si, n kaa n jɛ woo ce icɛi Kirisi.

Kolosee 3:20

Iŋɛ amu ŋa, i jirima iyeò baa nŋɛ ŋa si ide baa yooma fei, domi bɛɛbɛi á dɔ̃a Lafɛ̃ɛ si.

Tɛsalonika 1, 2:4

Amma si bɛi Ilaaɔ̃ í dasi wa naanɛ, í so laabaau jiidaɛ í da nwa si awɔ, bɛɛbɛ mɔi à waa sisi ideu. A kù waa coo si bɛi á dɔ̃a amanɛ ŋa si. À waa cooi bɛi á dɔ̃a Ilaaɔ̃ si, nŋu iyi í mà yaasei idɔ nwa.

Filemɔɔ 1:16

Kaa nyi wa bi tɛɛ baa bɛi aru nŋu akã má, amma í re aru. Á nyi wai bɛi baakɔɔ jiidaɛ. Ǹ nɛ kubiɛ ntɔ ntɔ, nɔ í sĩa titɛɛ ku re, domi kù jɛ aruɛ nŋu akã, í jɛ baakɔɔɛ si kpãai Kirisi má.