Kolosee 3:2 - Bibeli do fee

² Mii ndii lele ŋai í sĩa i ya maa lasabu si ŋa. I maà ce lasabui mii ndii ilɛ ihɛ̃ ŋa,

Kolosee 3:2 Iomraidhean Croise

Bomma 1, 22:19

Debɛi i dɛdɛ Aɔ̃ Lafɛ̃ɛ do idɔ nŋɛ fei do hunde nŋɛ fei ŋa. I dede i ma kpasɛ̃u ŋa, ku ba a koo a jilɛ kpakoi akabuuu do jĩnɛ kumá ŋau fei bɛ na bɛɛrɛɛ.

Bomma 1, 29:3

Si kubii kpasɛ̃i Aɔ̃ Lafɛ̃ɛm iyi ǹ nɛu, ǹ mua kpasɛ̃u wura do isɔ fũfũ iyi ǹ nɛ, baka ti ile kumáu iyi ǹ ce sɔɔluɛu baasi.

Iri ku kɔ̃ 62:10

Ntɔ ntɔ, amai amanɛ ŋa à yɛi bɛi fufu. Amanɛ ŋa ilu ibo ŋai. Si kiloo akãi aŋa fei à ya gũ ajɔ, nɔ à ya fɛlɛi bɛi fufu.

Iri ku kɔ̃ 91:14

Aɔ̃ Lafɛ̃ɛ í ni, si bɛi wa másim, an jɔ̀ ku fita si. An maa n muui si bɛi í màm.

Mɔnda ŋa 23:5

Hai ì yɔsi amani iju gbakã ì ya ba wee í fangaa í tã tãi. Í yɛi bɛi amaniu í ce ikpa ŋai nɔ í fo hee lele bɛi kungbã.

Woo lasabu 7:14

Si waatii ididɔ̃, jɔ̀ i wɛɛò inɔ didɔ̃, si waatii wahala, jɔ̀ i lasabu. Ilaaɔ̃i í ce waati minji ŋau fei bɛɛbɛ. Do yaase bɛɛbɛ, amanɛ kaa mà mii iyi á na ku ce.

Matie 16:23

Amma Jesu í sinda í sɔ̃ Piɛɛ í ni, sɛkɛɛ hai bi tom Seetam. Ì waa bi i jɛɛm bi ku koosɛ, domi i kù waa ce lasabui Ilaaɔ̃, í gbe ti amanɛ ŋa.

Matie 6:19

Í sɔ̃ ŋa má í ni, i maà ti i dɛdɛ amani si andunyau ihɛ̃, bii tũtũ ŋa aa jɔɔ, do bii á mu atɛ, do bii ile ŋa aa lɔ do gbugbã a koo a ce ileɛ.

Luku 12:15

Nɔ í sɔ̃ ŋa í ni, i ya ce laakai ŋa ntɔ ntɔ do kɔdɛɛ fei, domi amanii amanɛ si í jɛ icui kuwɛɛɛ, baa bii bɛirei amaniu í la í to.

Luku 16:11

Na nŋu, bii i kù nɛ naanɛ si amanii andunya ŋa, yooi á da nŋɛ si amani ntɔ si awɔ.

Filipi 1:23

Lasabum wa fam ni do cingaa minji minji fei. Ǹ bi n nɛ n koo n wa bi Kirisi, domi iyi bɛi á sĩa ku re.

Kolosee 3:1

Ilaaɔ̃ í dede ŋɛ hai si balɛ do Kirisi ajɔ. Na nŋu, i dɛ mii ndii lele bii Kirisi wa buba si awɔ njɛi Ilaaɔ̃ ŋa.

Kolosee 3:5

Na nŋu, i kpa kubii mii ndii andunya iyi wa ce icɛ si ŋɛ fei. Mii ndii andunya ŋaui à jɛ sɛ̃ɛ ku tɔtɔɔ hai nɛ yaase, do daa laalɔ, do binɛ, do kubi nfe nfe, do kɔdɛɛi mii nkpɔ. Ntɔ ntɔ bii ì waa ce kɔdɛɛ, mii nkpɔi ì ya tɔɔ si agbɛi Ilaaɔ̃.