Kolosee 3:17 - Bibeli do fee

¹⁷ Si kuce nŋɛ do si kufɔ nŋɛ i ce fei ndɛɛ do irii Lafɛ̃ɛ Jesu nɔ i saabu Ilaaɔ̃ Baaba ŋa na saabuɛ.

Kolosee 3:17 Iomraidhean Croise

Ilaalu 1, 18:32

Do kuta ŋaui í ma bi kuweeu do irii Aɔ̃ Lafɛ̃ɛ. Ŋɔi í tu isa iyi á yɔkɔ ku gba inyi liiti kuntaa í kaakoɛ.

Mɔnda ŋa 3:6

Jɔ̀ Aɔ̃ Lafɛ̃ɛ kú maa nɛòɛ si mii iyi ì waa ce fei. Bii ì waa ce bɛɛbɛ, nŋui á teeseɛ kpãaɛ.

Misee 4:5

Si bɛi dimi baa yooma fei í ya bi ku maa jirima iwɛ̃ɛi, awa, Aɔ̃ Lafɛ̃ɛ nwai aa ka maa jirima hee do ajɔ fei.

Matie 28:19

Na nŋu, i koo si dimi fei, i ce ŋa mɔcɔm ŋa. Nɔ i dasi ŋa inyi do irii Baaba do ti amu Amau do ti Hundei Ilaaɔ̃.

Woo bɛ ŋa 19:17

Ŋɔi inɛi Efɛɛzu ŋa hai Zuifu do Gɛrɛki ŋa fei à gbɔ ideu, nɔ njo í mu ŋa, nɔ irii Lafɛ̃ɛ Jesu í nɛ bɛɛrɛ ntɔ ntɔ.

Woo bɛ ŋa 4:30

Nyisi gbugbãɛ ku ba maamaake ŋa ku ce nɔ inɛ ŋa a ba iri do saabui irii Jesu woo ce icɛ kumáɛu.

Romu 1:8

Sinte titã ǹ wa n saabu Aɔ̃ Lafɛ̃ɛm do saabui Jesu Kirisi na irii iŋɛ fei, si na iyi í jɔ̀ à waa fɔ idei naanɛ ku dasi nŋɛ si andunya fei.

Kɔrɛnti 1, 10:31

Na nŋu, bii ì jɛ ì waa mɔ ŋa walakɔ bii ì waa ce ngɔgɔ ŋa, i ce fei ndɛɛ ku ba inɛ ŋa a mà bɛɛrɛi Ilaaɔ̃.

Efɛɛzu 1:17

Ǹ wa n tɔɔ Ilaaɔ̃ ilu amboe, Baai Lafɛ̃ɛ nwa Jesu Kirisi, ku ce ŋɛ ilu laakai jiida nɔ ku nyisi ŋɛ bɛi nŋu takaɛ í yɛ ku ba i màa sãa sãa ŋa.

Efɛɛzu 5:20

I ya maa saabu Ilaaɔ̃ Baaba waati kãma fei ŋa si mii fei do irii Lafɛ̃ɛ nwa Jesu Kirisi.

Filipi 1:11

nɔ icɛ jiida nŋɛ ŋa iyi ì waa ce ŋa na saabui Jesu Kirisiu ku kɔ̃, nɔ ku jɔ̀ inɛ ŋa a yɛ amboei Ilaaɔ̃ nɔ a maa saabuɛ.

Filipi 2:11

Nɔ gɛlɛi inɛ fei ku jɛsi iyi Jesu Kirisii í jɛ Lafɛ̃ɛ. Nŋu bɛi á na Ilaaɔ̃ Baaba amboe.

Kolosee 1:12

I ya maa saabu Ilaaɔ̃ Baaba do inɔ didɔ̃ ŋa, nŋu iyi í jɔ̀ ì nɛ ikpɛ̃ si tubu iyi í jilɛa woo dasi naanɛ ŋa si inya kumá.

Kolosee 2:7

I jɔ̀ icã nŋɛ ku mi siɛ, nɔ i ba gbugbã nŋɛ fei hai bi tɛɛ ŋa. I leekĩ si naanɛ ku dasiu ŋa si bɛi à kɔ nŋɛ si, nɔ i ya saabu si ŋa.

Kolosee 3:15

Nɔ i jɔ̀ laakai ku sũ iyi Kirisi í mu nŋɛ ku maa ce icɛ si idɔ nŋɛ, domi si laakai ku sũu bɛi Ilaaɔ̃ í kpe ŋɛ i jɛò ara akã ŋa. Nɔ i ya maa saabuɛ ŋa.

Kolosee 3:23

Iyi ì waa ce fei i coo do inɔ akã ŋa, nɔ ku jɛ bɛi Lafɛ̃ɛi ì waa cea ŋa, kù jɛ amanɛ ŋa.

Tɛsalonika 1, 1:1

Amu Pɔlu do Silasi do Timɔtee, à ce ŋɛ fɔɔ, iŋɛ inɛi igbɛi Jesu ŋa iyi ì wa Tɛsalonika ŋa, iŋɛ iyi ì jɛ ti Ilaaɔ̃ Baaba do ti Lafɛ̃ɛ Jesu Kirisi ŋa. Didɔ̃ do laakai ku sũ ku wɛɛ nŋɛ.

Tɛsalonika 1, 5:18

Bɛi í jɛò fei i saabu Ilaaɔ̃ ŋa. Bɛɛbɛi Ilaaɔ̃ í bi i ce ŋa si kuwɛɛ nŋɛ do Jesu Kirisi.

Tɛsalonika 2, 2:17

a mua idɔ nŋɛ gbugbã, nɔ a jɔ̀ i leekĩ dim dim i ceò icɛ jiida do ide jiida fei ŋa.

Ebɛɛ 1:5

Do ntɔ, Ilaaɔ̃ kù sɔ̃ inɛ akãi amaleka ŋau kù ni, awɔi ì jɛ Amam. Hai nnyi ǹ jɛ baaɛ. Kù nɔ kù jɛ amaleka gɔi wa fãa iyi í ni, an jɛ baaɛ, nɔ nŋu mɔ ku jɛ amam.

Ebɛɛ 13:15

Na irii Jesu ka maa saabu Ilaaɔ̃, waatɔ ka ya fɔ do gɛlɛ nwa mii iyi í ce si wajui inɛ ŋa. Nɔ saabuu kú jɛ bɛi kuwee iyi à waa ceaa waati kãma fei.

Piɛɛ 1, 2:5

Iŋɛ mɔ, i naa wa bɛi kuta ilu hunde a ceò ŋɛ icɛ a maò ile bi kuwai Hundei Ilaaɔ̃. Bɛi aa jɛ woo wee ŋa iyi à má iyi Hundei Ilaaɔ̃ á jɔ̀ a cea Ilaaɔ̃ kuwee ŋa iyi á dɔ̃aa si do saabui Jesu Kirisi.

Piɛɛ 1, 2:9

Amma iŋɛi ì jɛ dimi iyi Ilaaɔ̃ í cica, nɔ iŋɛi ì jɛ woo weei ilaalu ŋa, ì jɛ dimi iyi í má ŋa iyi Ilaaɔ̃ í ya ku ba i fɔ jiida ku jɛɛ, nŋu iyi í kpe ŋɛ hai si ilu kuku ì naa ì lɔ si inya kumá ilu bɛɛrɛɛ.

Piɛɛ 1, 4:11

Inɛ iyi wa waazo, ku fɔ idei Ilaaɔ̃. Inɛ mɔ iyi wa cea inɛ gɔ icɛ ku coo do gbugbã iyi Ilaaɔ̃ í muaa ku ba si mii fei amboei ku jɛ ti Ilaaɔ̃ do saabui Jesu Kirisi, nŋu iyi í nɛ amboe do gbugbã hee do ajɔ fei. Ami.

Zãa 1, 2:23

Ntɔi inɛ iyi í kɔ̀si Ama, kù nɛ Baaba. Inɛ iyi í gba Amau í nɛ Baau mɔi.

Zãa 1, 3:18

Iŋɛ amam ŋa, i maà jɔ̀ ka bi njɛ do ide ku fɔi gɛlɛ nŋu akã, amma ka bi njɛ do ntɔ do si kuce.