Kolosee 3:16 - Bibeli do fee

¹⁶ I jɔ̀ idei Kirisi ku kɔ̃ mam mam si idɔ nŋɛ ŋa, nɔ ku mu nŋɛ bisi ntɔ ntɔ ku ba i kɔ njɛ si cio nɔ i mua njɛ gbugbã ŋa. I ya kɔ̃ iri i maa saabu Ilaaɔ̃ ŋa nɔ i jɔ̀ Hundeɛ ku maa nɛò ŋɛ si iri ku kɔ̃ nŋɛ ŋau.

Kolosee 3:16 Iomraidhean Croise

Ilaalu 1, 3:28

Inɛi Izirɛli fei í gbɔ bɛi ilaaluu í ce kiitiu. Nɔ inɛ fei wa jirimaɛ domi à yɛ iyi bisii Ilaaɔ̃ í wa siɛ í ceò kiitiu si ntɔ.

Bomma 1, 25:7

Woo mà iri ku kɔ̃ ŋau bɛ fei do inɛi igbɛ nŋa ŋa iyi à kɔ ŋa si í ce ncɛɛ a maa saabuò Aɔ̃ Lafɛ̃ɛu, à wɛɛi aŋa cĩɔ minji do cinɛ do mɛɛjɔ (288).

Neemi 12:46

domi tako, si waatii Davidi do Azafu, à nɛ inɛ ngboi woo kɔ̃ iri ŋa do iri ŋa iyi à ya kɔ̃ a maa cĩò Ilaaɔ̃ nɔ a maa saabuɛ.

Zɔɔbu 23:12

N kù fũsi woodaɛ ŋa iyi í sɔ̃m awɔ. Ǹ jɔ̀ idɔɔbim nii ǹ ceò ideɛ icɛ.

Iri ku kɔ̃ 119:11

Ǹ wa n mu ideɛ ŋai si idɔm, ku ba n maà n ce dulum bi tɛɛ.

Iri ku kɔ̃ 119:54

Ideɛ ŋai à jɛ icui iri ku kɔ̃m ŋa si ilɛ bii ǹ wa n jɛ bɛi inɛ njoo.

Iri ku kɔ̃ 138:1

Iriu ihɛ̃ ti Davidii. Aɔ̃ Lafɛ̃ɛ, ǹ wa n saabuɛ do idɔm fei. An kɔ̃ iri n maa n cĩɛi si wajui ilu gbugbãi lele ŋa.

Iri ku kɔ̃ 28:7

Aɔ̃ Lafɛ̃ɛi í jɛ gbugbãm nɔ í jɛ bɛi tɛlim. Siɛi naanɛm í wa nɔ wa faabam. Ǹ wɛɛò inɔ didɔ̃ nla nla si idɔm nɔ an na iriɛ bɛɛrɛ do iri ku kɔ̃m ŋa.

Iri ku kɔ̃ 32:7

Awɔi ì jɛ bi ku manjim, awɔi ì ya degbem si waatii wahala, ì jɔ̀ inɛ ŋa iyi à waa dɔ̃ anu do inɔ didɔ̃ na faabam à kaakom. Kusĩmi.

Iri ku kɔ̃ 71:23

An kɔ̃ iri n maa n cĩɛi, nɔ n maa n dɔ̃ anu do inɔ didɔ̃, domi awɔi ì jɔ̀ ǹ nɛ aram.

Mɔnda ŋa 14:8

Bisii ilu laakaii í jɛ ku mà yaasei kpãaɛ, amma nnyɛi í ya nyɔi na nnyɛi ku jɛɛ.

Mɔnda ŋa 18:1

Inɛ iyi wa nya araɛ ikã aranfãanii araɛi wa dɛdɛ, nɔ idɔɛ í ya kɔ̃i si mii jiida iyi inɛ ŋa à waa cea fei.

Iri ku kɔ̃ iyi í dɔ̃ í re 1:1

Iri ku kɔ̃ iyi í dɔ̃ í re iri ŋa fei, ti Salomɔɔi.

Ezai 10:2

A ci ya na hai nɛ gbugbã ŋa ntɔ bi ku ce kiiti, nɔ ilu are ŋa mɔ a ci ya na ŋa iyi í nɛ ku jɛ tu ŋa. À ya maa takii jaaɔ̃ ŋai nɔ a gba mii ndii kɔyɔ ŋa.

Ezai 26:1

Waati bɛɛbɛ, si ilɛi Zudaa inɛ ŋa aa kɔ̃ irii a maa ni, à nɛ ilu iyi í nɛ gbugbã. Í jɔ̀ à ba faaba na idĩɛ ŋa do bindiɛ.

Ezai 30:29

Amma iŋɛ inɛi Zeruzalɛmu ŋa, aa maa kɔ̃ iri ŋai bɛi inɛ ŋa à ya maa kɔ̃ iri idũ bii à waa ce jingau. Inɔ nŋɛ á maa dɔ̃i bɛi inɛ iyi à waa fãa yee waati iyi wa bɔ iri kutai Aɔ̃ Lafɛ̃ɛ, bi Aɔ̃ Lafɛ̃ɛ iyi í jɛ Kutai Izirɛliu.

Ezai 5:1

I jɔ̀ n kɔ̃a kpaasim iri gɔ wa ŋa. Ǹ wa n kɔ̃a iriui si gãmɛi ikoi rezɛ̃ɛɛ. Kpaasim nɔu í lɔ jĩi ndii rezɛ̃ɛi si lɔɔmai geete ku nɛ taasi gɔ.

Zeremi 15:16

Waati iyi ǹ ba ide gɔ wa hai bi titɛɛ fei, ǹ ya n gba ideui. Ǹ ya n nɛ si ideɛ ŋau inɔ didɔ̃ nla nlai hee si idɔm, domi à nyam ikã n jɛ tɛɛ, awɔ Aɔ̃ Lafɛ̃ɛi lele do ilɛ.

Matie 26:30

Si anyiɛ à kɔ̃ iri ŋa nɔ à fita à bɔ geetei Olivieu.

Luku 2:51

Ŋɔi í too ŋa à nɛ Nazarɛti nɔ wa gbɔ ide nŋa. Wee iyeu wa mu ide ŋau bɛ fei si idɔɛ.

Laabaau jiida iyi Zãa í kɔ 15:7

Bii ì waa má sim ŋa nɔ idem í wa si ŋɛ i tɔɔ mii iyi ì bi fei ŋa aa ba ŋa.

Romu 10:17

Bɛɛbɛ mɔi naanɛ ku dasi wa naai hai si ide iyi inɛ wa gbɔ. Nɔ ide iyi à waa gbɔu idei Kirisii.

Romu 15:14

Iŋɛ inɛm ŋa, amu takam ǹ mà kãm kãm iyi ì jɛ inɛ jiida ŋa nɔ ì mà mii iyi ì nɛ ku ce ŋa, aa nɔ i yɔkɔ i mua njɛ bisi ŋa.

Kɔrɛnti 1, 14:15

To, nsɛi, bɛirei an ce. An ce kutɔɔ do hundem do lasabum ajɔ. An kɔ̃ iri do hundem do lasabum ajɔ.

Kɔrɛnti 1, 14:26

Na nŋu, iŋɛ inɛm ŋa, bɛirei aa ka ce. Bii ì waa tɔtɔɔ ŋa inɛ gɔ nŋɛ ŋa aa nɛ iri ku kɔ̃, inɛ gɔ ŋa mɔ cio ku kɔsi, inɛ gɔ ŋa mɔ idei Ilaaɔ̃ ku waazo, inɛ gɔ ŋa mɔ ide ku fɔ do fee iyi a kù waa gbɔ, inɛ gɔ ŋa mɔ yaasei fee ŋau ku tusɛ. Í sĩa i maa ce fei ndɛɛ ŋa ku ba ku mua inɛi igbɛi Jesu ŋa gbugbã.

Efɛɛzu 1:17

Ǹ wa n tɔɔ Ilaaɔ̃ ilu amboe, Baai Lafɛ̃ɛ nwa Jesu Kirisi, ku ce ŋɛ ilu laakai jiida nɔ ku nyisi ŋɛ bɛi nŋu takaɛ í yɛ ku ba i màa sãa sãa ŋa.

Efɛɛzu 5:17

Na nŋu, i maà yɛ bɛi inɛ ŋa iyi a ci ya lasabu, amma i hanya ŋa ku ba i mà mii iyi Aɔ̃ Lafɛ̃ɛ í bi i ce ŋa.

Efɛɛzu 5:19

I jɔ̀ saabu do iri ku kɔ̃ ku ya wa si faaji nŋɛ, i ya kɔ̃ iri do irii Ilaaɔ̃, i cũu do idɔ nŋɛ fei.

Efɛɛzu 5:26

Í nya ŋa ikã nɔ í wɛ ŋa í jɔ̀ à má na saabui ideɛ.

Kolosee 1:28

Idei Kirisii à waa sisi, nɔ à waa sɔ̃ inɛ fei ku ce laakai, nɔ à kɔ ŋa si cioɛ do bisi baa yooma fei. À waa ce bɛɛbɛi ku ba inɛ fei ku jĩa si anu akãɛ do Kirisi ka bɛi ka tusɛ ŋa bi Ilaaɔ̃.

Kolosee 1:9

Na nŋu, hai waati iyi à gbɔ laabaau nŋɛ, waati kãma fei à ya ka maa ce nŋɛ kutɔɔi. À waa tɔɔ Ilaaɔ̃ ku jɔ̀ Hundeɛ ku mu nŋɛ bisi do laakai ku ba i mà idɔɔbiɛ ŋa mam mam.

Kolosee 4:6

I ya jɔ̀ ide nŋɛ ku dɔ̃ ku gbɔ nɔ ku too kpãa, ku ba i mà si bɛi í sĩa i jɛa inɛ fei ide ŋa.

Tɛsalonika 1, 1:8

Ntɔ ntɔ idei Lafɛ̃ɛu í fangaa hai bi tu ŋɛ, kù jɛ si Masedɔni do Gɛrɛsi nŋu akã. Amma baaui naanɛ ku dasi nŋɛ si Ilaaɔ̃ í fangaa bii fei hee a kù nɛ baa bukaatai ka fɔ ideɛ.

Tɛsalonika 1, 4:18

Na nŋu, i jɔ̀ i ya maa mua njɛ gbugbã ŋa na ideu ihɛ̃.

Tɛsalonika 2, 3:15

Amma do nŋu fei i maà ti i dooɛ bɛi mbɛɛ, amma i nyisiɛ kpãa bɛi inɛ nŋɛ.

Timɔtee 1, 6:17

Sɔ̃ ilu amani ŋa a maà ti a tɔɔ fufu, nɔ naanɛ nŋa ku maà wa si amani iyi á na ku tã, amma a jɔ̀ naanɛ nŋa ku wa si Ilaaɔ̃, nŋu iyi wa mu nwa fei ndɛɛ do inɔ akã ku ba ka wɛɛò inɔ didɔ̃.

Timɔtee 2, 3:15

Hai keekeɛi, ì mà kukɔi idei Ilaaɔ̃ iyi á yɔkɔ ku muuɛ bisi i dasiò Jesu Kirisi naanɛ ku ba i ba faaba.

Titee 3:6

Ilaaɔ̃ í mu nwa Hundeɛ do inɔ akã na saabui Jesu Kirisi woo faaba nwa,

Zaaki 1:5

Do nŋu fei bii bisi í na wa gaizia inɛ akã nŋɛ gɔ, ku tɔɔ Ilaaɔ̃, nŋu iyi í ya mua inɛ fei do inɔ akã hai nɛ kugbagba.

Zaaki 3:17

Amma bisi iyi wa naa hai lele, sinte titã í má. Si anyiɛ inɛ iyi í nɛ bisiu í ya bi inɛ ŋa a nɛ anu akã, í ya maa mu araɛ, nɔ í ya jirima inɛ ŋa. Í ya nɛ araarei nɔ í ya ce icɛ jiida. Ci ya na kubi ntɔ, kù nɔ kù nɛ muafiti.

Zaaki 5:13

Wahala í ba inɛ gɔ nŋɛi? Ku ce kutɔɔ. Inɔi inɛ gɔ nŋɛ wa dɔ̃i? Ku saabu Ilaaɔ̃ do iri ku kɔ̃.

Zãa 1, 2:14

Ǹ wa n kɔ nŋɛ má, iŋɛ amu ŋa, si na iyi í jɔ̀ ì mà Ilaaɔ̃ Baaba ŋa. Nɔ ǹ wa n kɔ nŋɛ má, iŋɛ baaba ŋa, si na iyi í jɔ̀ ì mà inɛ iyi í wɛɛ hai sinte ŋa. Nɔ ǹ wa n kɔ nŋɛ má, iŋɛ awaasũ ŋa, si na iyi í jɔ̀ ì nɛ gbugbã ŋa, nɔ idei Ilaaɔ̃ í wa si ŋɛ, nɔ ì jɛ Seetam inɛ laalɔu igũ ŋa.

Zãa 1, 2:24

Iŋɛ mɔ, ide iyi ì gbɔ hai sinteu i jɔ̀ ku wa si idɔ nŋɛ. Bii í wa si idɔ nŋɛ aa nɛ anu akã ŋa do Ama do Baau.

Zãa 1, 2:27

Amma iŋɛ, Hundei Ilaaɔ̃ iyi Kirisi í na ŋɛu, í wa si ŋɛ. Na nŋu, i kù nɛ bukaatai inɛ gɔ ku kɔ nŋɛ si cioi ngɔgɔ, domi Hundeu wa kɔ ŋɛ si cioi mii fei iyi í jɛ ntɔ, ibo kù wa si. Na nŋu, i jɔ̀ i nɛ anu akã do Kirisi ŋa, si bɛi Hundei Ilaaɔ̃ í nyisi ŋɛ.

Zãa 2, 1:2

À bi ŋai si na iyi í jɔ̀ ntɔu í wa si idɔ nwa, á nɔ ku maa wɛɛi do awa do ajɔ fei.

Kuyɛi Zãa 14:3

Inɛ ŋau à waa leekĩ si wajui kitãi bommau, bii ilu hunde mɛɛ ŋau do inɛ ngbo ŋau à wa. À waa kɔ̃ iri titɔ̃ iyi inɛ gɔ kaa yɔkɔ ku mà bii kù jɛ amanɛ dubu cĩɔ do ciiji do mɛɛ ŋau (144.000), aŋa iyi à yá hai si andunya.

Kuyɛi Zãa 15:3

À waa kɔ̃ irii Moizi woo ce icɛi Ilaaɔ̃u do ti ama angudãu à waa ni, Aɔ̃ Lafɛ̃ɛ ilu gbugbã fei, icɛɛ í la nɔ í jɛ maamaake. Awɔi ì jɛ ilaalui ilɛ fei. Kpãaɛ í jɛ ntɔ nɔ í jɛ dee dee.

Kuyɛi Zãa 19:10

Ŋɔi ǹ sɛɛbata ku ba n tɔɔɛ, amma í ni, maà ce bɛɛbɛ. Amu mɔ woo ce icɛi bɛi awɔ do bɛi kpaasiɛ ŋa iyi à waa mu ide ntɔ iyi Jesu í nyisi wau. Tɔɔ Ilaaɔ̃. Ide ntɔ iyi Jesu í nyisi wau nŋui í jɛ icui idei walii fei.

Kuyɛi Zãa 5:9

Nɔ à kɔ̃ iri titɔ̃ gɔ à waa ni, awɔi ì to i gba tiau nɔ i ga sɛɛda ŋau, domi à kpaɛ wo, nɔ do njɛɛi ì raa Ilaaɔ̃ amanɛ ŋa hai si dimi fei, do fee ikã ikã fei, do ilɛ fei.