Kolosee 3:15 - Bibeli do fee

¹⁵ Nɔ i jɔ̀ laakai ku sũ iyi Kirisi í mu nŋɛ ku maa ce icɛ si idɔ nŋɛ, domi si laakai ku sũu bɛi Ilaaɔ̃ í kpe ŋɛ i jɛò ara akã ŋa. Nɔ i ya maa saabuɛ ŋa.

Kolosee 3:15 Iomraidhean Croise

Iri ku kɔ̃ 100:4

I lɔ si kpasɛ̃ɛ i saabuɛ ŋa. I lɔ si bantumaɛ do iri ku kɔ̃ ŋa. I saabuɛ nɔ i cũu ŋa,

Iri ku kɔ̃ 107:22

A ce kuwee ŋa a saabu Aɔ̃ Lafɛ̃ɛ nɔ a fɔ idei icɛ ŋa iyi í ce do anu ku dɔ̃i inɔ didɔ̃.

Iri ku kɔ̃ 116:17

An ceɛ kuweei n saabuɛò nɔ n maa n kpe iriɛ.

Iri ku kɔ̃ 29:11

Aɔ̃ Lafɛ̃ɛ ku mua inɛɛ ŋa gbugbã, ku wee nŋa nɔ ku mu nŋa laakai ku sũ.

Ezai 26:3

Inɛ iyi wa leekĩ dim dim si lasabuɛ ŋa, awɔ Aɔ̃ Lafɛ̃ɛi ì ya jɔ̀ ku nɛ laakai ku sũ si na iyi í jɔ̀ awɔi í dasi naanɛ.

Ezai 27:5

[Bɛi ǹ fɔu bɛ, bɛɛbɛi an ce,] í gbe bii à som n jɛ woo degbe nŋai, do bii à ce laakai ku sũ do amu.

Ezai 57:15

Ntɔ ntɔ inɛ iyi í wa hee lele feiu, nŋu iyi kuwɛɛɛ kù nɛ kɔɔ, nɔ iriɛ í máu í fɔ í ni, lele bii í mái ǹ wa amma ǹ nyi ǹ wa bi inɛ ŋa iyi à waa taa gbugbã nɔ à waa ba wahala ku ba n dede ŋa nɔ n mu nŋa gbugbã.

Ezai 57:19

Nɔ Aɔ̃ Lafɛ̃ɛ í ni má, an dasi iri ku kɔ̃i saabu si gɛlɛ nŋa. Laakai ku sũi á jɛ ti inɛ ŋa iyi à wa amɛɛ hee do inɛ ŋa iyi à wa hee jĩijĩ fei. Amui an jɔ̀ a ba iri.

Zonasi 2:9

Inɛ ŋa iyi à waa tɔɔ iwɛ̃ ŋa aa kua didɔ̃i Aɔ̃ Lafɛ̃ɛi.

Laabaau jiida iyi Zãa í kɔ 14:27

Laakai ku sũi ǹ wa n jɔ̀ nŋɛ. Bɛi amu takam ǹ wɛɛò laakai ku sũ, bɛɛbɛ mɔi an jɔ̀ iŋɛ mɔ i wɛɛò laakai ku sũ. Nɔ laakai ku sũ iyi an mu nŋɛu kaa jɛ bɛi ti andunya. Na nŋu, i maà wɛɛò inɔ kufɔ ŋa, nɔ i maà jɔ̀ zigi nŋɛ ku da.

Laabaau jiida iyi Zãa í kɔ 16:33

Ide ŋau ihɛ̃ ǹ wa n sɔ̃ ŋɛi ku ba i nɛ laakai ku sũ na anu akã iyi awaɛ ŋa à nɛ. Si andunyau ihɛ̃ aa yɛ ijuukpã ŋa, amma i maà mɔngɔ temua ŋa, domi ǹ kãmia andunya tã.

Romu 1:21

À mà Ilaaɔ̃ amma a kù waa saaluɛ hee a bɛi a saabuɛ si bɛi í jɔ. Iri nŋa í na í ku, nɔ idɔ hai nɛ bisi nŋa í dási ilu kuku nla nla.

Romu 14:17

Bommai Ilaaɔ̃ kù jɛ idei kujɛ do kumɔ, bii kù jɛ dee dee ku jɛ do laakai ku sũ do inɔ didɔ̃ iyi Hundei Ilaaɔ̃ wa mu nwa.

Romu 15:13

Nsɛi, Ilaaɔ̃ nŋu iyi wa mu nwa kpãa ku cɔ ku mu nŋɛ inɔ didɔ̃ do laakai ku sũ fei na naanɛ iyi ì dasi ŋa ku ba kpãa ku cɔ nŋɛ ku la si gbugbã iyi Hundei Ilaaɔ̃ í mu nŋɛ.

Romu 5:1

Nsɛi, si bɛi Ilaaɔ̃ í ce wa inɛ dee dee ŋa na naanɛ ku dasi nwa, à dɔ̃ do nŋu na saabui Lafɛ̃ɛ nwa Jesu Kirisi.

Kɔrɛnti 1, 10:17

Si bɛi awa fei pɛ̃ɛ akãui à jɛ, nŋui í jɔ̀ baa do iyi à kpɔ fei à jɛ ara akã, domi awa fei à ba ikpɛ̃ nwa si pɛ̃ɛ akãu.

Kɔrɛnti 1, 7:15

Amma hai dasi Jesu naanɛu, bii í nɛ, jɔ̀ɛ ku koo. Kù jɛ tilasi i maa wɛɛò njɛ ŋa domi Ilaaɔ̃ í kpe wai ka wɛɛò laakai ku sũ.

Kɔrɛnti 2, 4:15

Na iri nŋɛi à waa temuaò mii ŋau ihɛ̃ fei ku ba inɛ ŋa iyi à ba didɔ̃i Ilaaɔ̃u, akpɔ nŋa ku ya maa kɔ̃ɔsi nɔ a ya maa saabuɛ ntɔ ntɔ, domi bɛɛbɛi aa nyisiò amboeɛ.

Kɔrɛnti 2, 9:11

Á na ŋɛ amani ikã ikã fei iyi á to i ya ceò amua ŋa do inɔ didɔ̃. Nɔ inɛ nkpɔ á saabu Ilaaɔ̃ na amua nŋɛ iyi aa ka na ŋau.

Efɛɛzu 4:16

Siɛi awa fei à waa kã bɛi ikɔ̃i ara, nɔ arau fei í másiɛ do ikɔ̃ ikɔ̃ɛ. Nsɛi, bii ikɔ̃ fei wa ce icɛ si bɛi í jɔ, arau fei á lai ku maa kɔ̃ɔsi na saabui kubi.

Efɛɛzu 4:4

Ara akãi í wɛɛ, Hunde akã mɔi í wɛɛ, nɔ kpãa ku cɔ akã mɔi í wɛɛ si bii Ilaaɔ̃ í kpe ŋɛ.

Efɛɛzu 5:1

Na nŋu, si na iyi í jɔ̀ ì jɛ amu ŋa iyi Ilaaɔ̃ í bi ŋa, i ce bɛi nŋu takaɛ.

Efɛɛzu 5:20

I ya maa saabu Ilaaɔ̃ Baaba waati kãma fei ŋa si mii fei do irii Lafɛ̃ɛ nwa Jesu Kirisi.

Kolosee 1:12

I ya maa saabu Ilaaɔ̃ Baaba do inɔ didɔ̃ ŋa, nŋu iyi í jɔ̀ ì nɛ ikpɛ̃ si tubu iyi í jilɛa woo dasi naanɛ ŋa si inya kumá.

Kolosee 2:7

I jɔ̀ icã nŋɛ ku mi siɛ, nɔ i ba gbugbã nŋɛ fei hai bi tɛɛ ŋa. I leekĩ si naanɛ ku dasiu ŋa si bɛi à kɔ nŋɛ si, nɔ i ya saabu si ŋa.

Kolosee 3:17

Si kuce nŋɛ do si kufɔ nŋɛ i ce fei ndɛɛ do irii Lafɛ̃ɛ Jesu nɔ i saabu Ilaaɔ̃ Baaba ŋa na saabuɛ.

Tɛsalonika 1, 5:18

Bɛi í jɛò fei i saabu Ilaaɔ̃ ŋa. Bɛɛbɛi Ilaaɔ̃ í bi i ce ŋa si kuwɛɛ nŋɛ do Jesu Kirisi.

Timɔtee 1, 2:1

Mii sinte iyi ǹ wa n tɔɔ ŋɛi í jɛ i ya ce kutɔɔ ŋa. Mii iyi ì nɛ bukaataɛ fei, i ya tɔɔ Ilaaɔ̃ ŋa nɔ i ya ce kutɔɔ na irii inɛ fei ŋa nɔ i ya saabu Ilaaɔ̃ na iri nŋa ŋa.

Timɔtee 1, 6:12

Jabu jiida si kpãai naanɛ ku dasi. Leekĩ dim dim si kpãai kuwɛɛ hai tã si bii Ilaaɔ̃ í kpeɛ. Na kuwɛɛui ì jɛ sɛɛda jiida si wajui inɛ nkpɔ.

Ebɛɛ 13:15

Na irii Jesu ka maa saabu Ilaaɔ̃, waatɔ ka ya fɔ do gɛlɛ nwa mii iyi í ce si wajui inɛ ŋa. Nɔ saabuu kú jɛ bɛi kuwee iyi à waa ceaa waati kãma fei.

Kuyɛi Zãa 7:12

à ni, ami. Kucĩ do amboe do kumà do saabu do bɛɛrɛ do gbugbã do yiiko, fei ndɛɛ ku jɛ ti Ilaaɔ̃ Lafɛ̃ɛ nwa hee do ajɔ fei. Ami.