Kolosee 3:13 - Bibeli do fee

¹³ I ya yɔkɔò njɛ temua ŋa nɔ i ya kpa idei kurarai njɛ ŋa bii ide gɔ í lɔ si anini nŋɛ. Si bɛi Kirisi í kpa idei dulum du ŋɛ, iŋɛ mɔ i ya cea njɛ bɛɛbɛ ŋa.

Kolosee 3:13 Iomraidhean Croise

Mɔnda ŋa 19:11

Idɔi ilu laakai ci ya saasa ku kɔ̃, nɔ í ya jɛ ilu bɛɛrɛi si na iyi í jɔ̀ í ya gbɛjɛ taale iyi à ceaa.

Matie 5:44

Amma amu, ǹ wa n sɔ̃ ŋɛi, i ya bi mbɛɛ nŋɛ ŋa, nɔ i ya cea inɛ ŋa iyi à waa kpã ŋɛ iju kutɔɔ ŋa.

Matie 6:12

Kpa idei dulum du wa bɛi awa mɔ à ya ka kpa idei kurara iyi inɛ ŋa à ce nwa.

Maaku 11:25

Waati iyi ì dede ì leekĩ ì waa bi i ce kutɔɔ ŋa, bii ì nɛ ide gɔ do inɛ gɔ ŋa i kpa idei kurara iyi í wa si gãmɛi iŋɛò ŋa titã ku ba Baa nŋɛ mɔ iyi í wa lele ku kpa idei dulum du ŋɛ. [

Luku 11:4

Kpa idei dulum du wa, domi awa mɔ à ya ka kpa idei kurara iyi inɛ ŋa à ce nwa. Maà ti i jɔ̀ ka dasi kulɛlɛ.

Luku 23:34

Nɔ Jesu í ni, Baaba, kpa idei dulum du ŋa, domi a kù mà mii iyi à waa ce. Si anyiɛ sooge ŋau à ta kpasa si jĩnɛɛ ŋa a ba a yɛ iyi inɛ fei á ba. Bɛɛbɛi à ceò ikpɛ̃i jĩnɛɛ ŋau.

Romu 15:7

Na nŋu, i ya gba njɛ ŋa si bɛi Kirisi mɔ í gba ŋɛ ku ba i nyisiò amboei Ilaaɔ̃ ŋa.

Kɔrɛnti 2, 2:10

Inɛ iyi ì kpa idei kuraraɛ ŋa, amu mɔ ǹ kpaa mbɛ baa do iyi kù jɛ amui í raraa. Nɔ ideu iyi ǹ kpa, ǹ kpaai na iri nŋɛ si wajui Kirisi,

Kɔrɛnti 2, 6:6

À waa nyisi iyi à jɛ woo ce icɛi Ilaaɔ̃ ŋa do kuwɛɛ jiida nwa, do kumà nwa, do suuru nwa, do jiida ku jɛ nwa, do kubi hai nɛ muafiti nwa, do idei ntɔu ku waazo. Nɔ gbugbãi Ilaaɔ̃ do icɛ iyi Hundeɛ wa ce si wa wa nyisi iyi à jɛ woo ce icɛɛ ŋa. Dee dee ku jɛi í jɛ nyaui igũ nwa iyi à ya ka jaò nɔ ka kɔ̀ò ara nwa.

Galati 6:2

I sobi njɛ si aso ku so ŋa. Bii ì waa ce bɛɛbɛ ŋa ì waa jirima woodai Kirisi ŋai.

Efɛɛzu 4:2

I ya maa nɛ do ara ku kaye ŋa, do daa didɔ̃ do temua, nɔ i ya maa mu njɛ ŋa do kubi.

Efɛɛzu 4:32

I cea njɛ didɔ̃ ŋa, nɔ i ya nɛ araarei njɛ ŋa, nɔ i ya kpaa njɛ idei kurara ŋa bɛi Ilaaɔ̃ í kpa idei dulum dii iŋɛ mɔ na irii Kirisi.

Efɛɛzu 5:2

I jɔ̀ kucei kuwɛɛ nŋɛ kú nyisi kubi bɛi Kirisi í bi wa, nɔ í na kuwɛɛɛ na iri nwa. Kuwɛɛɛ iyi í nau nŋui í jɛ kuwee jiida iyi inunuɛ í dɔ̃a Ilaaɔ̃ si.

Kolosee 3:12

Na nŋu, si na iyi í jɔ̀ Ilaaɔ̃ í bi ŋɛ nɔ í cica ŋɛ ì jɛ tɛɛ ŋa, mii iyi í jɔ i mu ŋa wee. Araare do jiida ku jɛ do ara ku kaye do daa didɔ̃ do temua.

Zaaki 2:13

Inɛ iyi kù nɛ araarei kpaasi, Ilaaɔ̃ á kiiti nŋu mɔi kaa ce araareɛ. Amma inɛ iyi í nɛ araarei kpaasi ŋa á jɛ igũ si ajɔi kiitiu.

Piɛɛ 1, 2:21

Na ideu bɛi Ilaaɔ̃ í kpe ŋɛ domi Kirisi takaɛ í ba ijuukpã na iri nŋɛ nɔ wa nyisi ŋɛ yaase jiida ku ba i too tuubaɛ ŋa.