Kolosee 3:12 - Bibeli do fee

¹² Na nŋu, si na iyi í jɔ̀ Ilaaɔ̃ í bi ŋɛ nɔ í cica ŋɛ ì jɛ tɛɛ ŋa, mii iyi í jɔ i mu ŋa wee. Araare do jiida ku jɛ do ara ku kaye do daa didɔ̃ do temua.

Kolosee 3:12 Iomraidhean Croise

Ezai 42:1

Ŋɔi Aɔ̃ Lafɛ̃ɛ í ni, inɛ ihɛ̃i í jɛ woo ce icɛm. An maa n muui si awɔ. Nŋui ǹ cica, nɔ nŋui ǹ bi. Nŋui ǹ daa si hundem. Nŋui á jilɛa inɛi ilɛ ŋa asaiya.

Ezai 45:4

Na irii Zakɔbu woo ce icɛm nɔu do na inɛi Izirɛli inɛm ŋa iyi ǹ cicaui ǹ kpeɛ do iriɛ, nɔ ǹ jɔ̀ ì nɛ bɛɛrɛ baa do iyi i kù màm fei.

Ezai 63:15

Aɔ̃ Lafɛ̃ɛ, cɔ hai lele bi kuwa kumá ilu bɛɛrɛɛu wa aa yɛ mii iyi wa ba wa. Hee iwoi kubi nla nlaɛ do jiida ku jɛɛu í wa. Hee iwoi araareɛ do kubiɛu í wa. Ì gɛɛ kubiɛu ì kɔ̀ ku nyisi awa zamaaɛ ŋau.

Ezai 65:22

A kaa ma ile nɔ inɛ mmu gɔ ku na ku lɔ si ileu, a kaa nɔ a lɔ jĩi nɔ inɛ mmu gɔ ku na ku maa jɛ isoɛ. Ntɔ ntɔ ajɔi inɛm ŋau á kpɔi bɛi ti jĩi ŋa. Nɔ inɛm ŋa iyi ǹ cica ŋau aa jɛ aranfãanii icɛ iyi aa ce.

Ezai 65:9

An mua inɛi Zakɔbu ŋa do inɛi Zudaa ŋa tɔku ŋa nɔ aŋai aa jɛ tubui iri kutam ŋau. Aŋai ǹ cica nɔ aŋai aa buba si ku jɛ tu ŋa. Woo ce icɛm ŋaui aa buba tengi bɛ.

Zeremi 31:20

Nɔ Aɔ̃ Lafɛ̃ɛ í ni má, Efaraimu ama inɛmɔkɔm nii iyi ǹ bi ntɔ ntɔ. Nŋui ǹ bi í re. Nɔ bɛi ǹ wa n fɔ ideɛ fei, bɛɛbɛ mɔi ǹ ya n maa n ye gigiɛ waati kãma fei. Bɛi lasabum fei í wa siɛ, bɛɛbɛ mɔi ǹ nɛ araareɛ ntɔ ntɔ.

Zeremi 31:3

Ŋɔi zamaau í ni, hai jĩijĩi Aɔ̃ Lafɛ̃ɛ í naa í nyisim araɛ. Nɔ Aɔ̃ Lafɛ̃ɛ takaɛ mɔ í ni, ǹ nɛ kubiɛi hai ku kpɛ, nɔ hee do ajɔ feii. Na ŋɔi í jɔ̀ an maa wɛɛ do awɔ, nɔ n nyisiɛ jiida ku jɛm.

Ezekiɛli 16:8

Ŋɔi ǹ nyi wa má ǹ lɔ kɔkɔɛ nɔ ǹ ba wee ì to awaati bii à nɛ a nɛ kubiɛ. Ŋɔi ǹ fũ ibɔ nlam ǹ bii basĩɛ nɔ ǹ ceɛ kuwã ǹ dĩ akabuu do awɔ. Si bɛɛbɛi amu Aɔ̃ Lafɛ̃ɛ ǹ fɔ ǹ ni ì baa ì jɛ tom.

Matie 24:22

Bii Ilaaɔ̃ kù jilɛ si nŋu ku kaye kukpɔi ajɔu wo inɛ gɔ kaa wɛɛ. Amma í kayeɛi na irii inɛ ŋa iyi í cicau.

Matie 24:24

Inɛ gɔ ŋa aa na a naa akã akã a maa ni aŋai à jɛ inɛ iyi Ilaaɔ̃ í cicau walakɔ a ni aŋai à jɛ walii ŋa amma iboi. Aa maa ce dobu dobu do maamaake ŋa ku ba a dĩ hee do ijui inɛ ŋa iyi Ilaaɔ̃ í cicau bii aa yɔkɔ.

Matie 24:31

Kãakãakĩ nla nla á dɔ̃ anu nɔ n bɛ amalekam ŋa wa si andunya gonta mɛɛu. Aŋai aa tɔtɔɔ inɛ ŋa iyi ǹ cica si andunyau fei.

Maaku 13:20

Nɔ bii Aɔ̃ Lafɛ̃ɛ kù jilɛ si nŋu ku kaye kukpɔi ajɔu wo inɛ gɔ kaa wɛɛ má. Amma í kayeɛ na irii inɛ ŋa iyi í cicau.

Maaku 13:22

Inɛ gɔ ŋa aa na a naa akã akã a maa ni aŋai à jɛ inɛ iyi Ilaaɔ̃ í cicau walakɔ a ni aŋai à jɛ walii ŋa amma iboi. Aa maa ce dobu dobu do maamaake ŋa ku ba a dĩ hee do ijui inɛ ŋa iyi Ilaaɔ̃ í cicau bii aa yɔkɔ.

Maaku 13:27

Si anyii nŋu, an bɛ amaleka ŋa wa si andunya gonta mɛɛu. Aŋai aa bɔ bii fei a tɔtɔɔ inɛ ŋa iyi ǹ cicau. Aa tɔtɔɔ ŋa si andunyau fei.

Luku 1:78

Ntɔ ntɔ, araarei Ilaaɔ̃ Lafɛ̃ɛ nwa í lá si wa. Na saabui araareɛui í jɔ̀ inya kumá í naa si wa hai lele bɛi nunui daakɔ,

Luku 18:7

Ilaaɔ̃ kaa bɛi ku ce ku re zaka bɛɛbɛ? Inɛ ŋa iyi í cica, kaa jɔ̀ a ba ntɔ bii à waa dɔ̃ siɛ anu dasã do idũ? Iyi í re mɔm, kaa kpɛ ku bɛi ku gbɔ nŋa.

Romu 13:14

Amma i so daa titɔ̃i Jesu Kirisi Lafɛ̃ɛ nwa, nɔ i maà jɔ̀ daai iŋɛ taka nŋɛ ku maa nɛò ŋɛ i maa ceò binɛ má ŋa.

Romu 9:11

Amma hee Rebeka ku maa bí ŋa, si waati iyi a kù ce jiida gɔ titã hee má jɛ laalɔ, Ilaaɔ̃ í sɔ̃ Rebeka í ni, inɛ sinteui á ya sũa inɛ ankãanyiu iri ilɛ. Í fɔ bɛɛbɛi ku ba ku nyisi iyi nŋu í ya cica inɛ ŋai bɛi nŋu takai nŋu í bi, nɔ í kpe ŋa si bɛi nŋu takaɛ í jilɛ, kù jɛ na kuce nŋa.

Kɔrɛnti 1, 13:4

Kubi í ya temua, í ya nɔ ku ce mii jiida, ci ya ja igu, ci ya so araɛ lele, nɔ ci ya jɛ ilu faau.

Kɔrɛnti 2, 6:6

À waa nyisi iyi à jɛ woo ce icɛi Ilaaɔ̃ ŋa do kuwɛɛ jiida nwa, do kumà nwa, do suuru nwa, do jiida ku jɛ nwa, do kubi hai nɛ muafiti nwa, do idei ntɔu ku waazo. Nɔ gbugbãi Ilaaɔ̃ do icɛ iyi Hundeɛ wa ce si wa wa nyisi iyi à jɛ woo ce icɛɛ ŋa. Dee dee ku jɛi í jɛ nyaui igũ nwa iyi à ya ka jaò nɔ ka kɔ̀ò ara nwa.

Galati 5:6

Ntɔ ntɔ, bii à nɛ anu akã do Jesu Kirisi, à ce bango, a kù ce bango, kù jɛ ide kãma. Ide iyi í nɛ amboe í re nŋui í jɛ naanɛ ku dasi iyi wa ce icɛ do kubi.

Efɛɛzu 1:4

Ilaaɔ̃ í cica wa tã hai waati iyi kù taka andunya ka jɛ titɛɛ si anu akã nwa do Kirisi, nɔ ka jɛ inɛ kumá ŋa ka maà nɛ taale kãma bi tɛɛ.

Efɛɛzu 4:2

I ya maa nɛ do ara ku kaye ŋa, do daa didɔ̃ do temua, nɔ i ya maa mu njɛ ŋa do kubi.

Efɛɛzu 4:24

nɔ i jɔ̀ i nɛ daa titɔ̃ ŋa iyi í jɔ ti Ilaaɔ̃. Daa titɔ̃u, aa yɔɔi si dee dee ku jɛ nŋɛ do kuwɛɛ hai nɛ dulum. Iyi bɛ hai bi ntɔi wa naa.

Efɛɛzu 4:32

I cea njɛ didɔ̃ ŋa, nɔ i ya nɛ araarei njɛ ŋa, nɔ i ya kpaa njɛ idei kurara ŋa bɛi Ilaaɔ̃ í kpa idei dulum dii iŋɛ mɔ na irii Kirisi.

Filipi 1:8

Ilaaɔ̃i í jɛ sɛɛdam iyi ǹ bi iŋɛ fei bɛi kubii Jesu Kirisi í yɛ.

Kolosee 3:10

nɔ ì nɛ daa titɔ̃ ŋa. Ì baa ì jɛ amanɛ titɔ̃ ŋa iyi Ilaaɔ̃ woo taka nwa wa kpaasi kpɛlɛ kpɛlɛ ku ba i jɔɔ nɔ i màa sãa sãa ŋa.

Tɛsalonika 1, 5:15

I ce laakai ŋa i maà jɔ̀ inɛ gɔ ku sãa kpaasiɛ laalɔ, amma i hanya i cea njɛ jiida waati kãma fei ŋa do inɛ ŋa iyi à gbe fei.

Timɔtee 2, 1:9

Nŋui í faaba wa nɔ í kpe wa ka jɛ inɛɛ ŋa. Kù jɛ na icɛ nwa ŋa iyi à ce, amma si na iyi í jɔ̀ nŋu takaɛ í bi bɛɛbɛi na didɔ̃ɛ. Didɔ̃ɛu í jilɛ nwai hai tako tako na anu akã nwa iyi à ce do Jesu Kirisi.

Timɔtee 2, 2:10

Ŋɔi í jɔ̀ ǹ wa n temuaò fei ndɛɛ na irii inɛ ŋa iyi Ilaaɔ̃ í cicau, ku ba aŋa mɔ a ba faaba do saabui Jesu Kirisi, nɔ a nɛ ikpɛ̃ si amboeɛ iyi ci ya tã.

Titee 1:1

Amui Pɔlu, woo ce icɛi Ilaaɔ̃ do woo bɛi Jesu Kirisi, amui ǹ kɔ tiau wa. À bɛm nii n koo n sobi inɛ ŋa iyi Ilaaɔ̃ í cicau ku ba a dasiɛ naanɛ, nɔ a mà ntɔu si gãmɛi kpãai naanɛ ku dasi nwa.

Piɛɛ 1, 1:2

Ilaaɔ̃ Baaba í cica ŋɛi si bɛi í dasi idɔ nŋu ku ce. Nɔ ì jɛ inɛɛ ŋa do saabui Hundeɛ ku ba i jirima Jesu Kirisi ŋa nɔ njɛɛ ku wɛ ŋɛ. Didɔ̃ do laakai ku sũ ku kɔ̃ɔsi si kuwɛɛ nŋɛ.

Piɛɛ 2, 1:10

Na nŋu, iŋɛ inɛm ŋa, i kɔ̃ɔsi himma ku ba i mà sãa sãa iyi Ilaaɔ̃i í kpe ŋɛ nɔ í cica ŋɛ, domi bii ì waa ce bɛɛbɛ ŋa, i kaa dasi dulum ajɔ kãma ŋa.

Zãa 1, 4:19

Awa à nɛ kubi domi Ilaaɔ̃ í tako í bi wa.

Zãa 2, 1:13

Ifɔɛ iyi Ilaaɔ̃ í cicau, amaɛ ŋa à ceɛ fɔɔ wa.

Kuyɛi Zãa 17:14

Aa ce igũ do ama angudãu, amma ama angudãu á jɛ ŋa igũ si na iyi í jɔ̀ í jɛ Lafɛ̃ɛi lafɛ̃ɛ ŋa nɔ í jɛ ilaalui ilaalu ŋa. Nɔ ilu naanɛ ŋa iyi Ilaaɔ̃ í kpe í cica, aŋaò ama angudãu aa jɛ igũ ajɔ.