Kolosee 3:11 - Bibeli do fee

¹¹ Bɛɛbɛ mɔi si inɔ nŋɛ inɛ gɔ kù jɛ mmu, hai dimi mmu ŋa hee do Zuifu ŋa, hai inɛ ŋa iyi à ce bango hee do inɛ ŋa iyi a kù ce fei, hai inɛi ilɛɛko ŋa do ilu iju dũdũ ŋa, hai aru ŋa do hai jɛ aru ŋa. Nŋu ŋau bɛ fei Kirisi nŋu akãi í jɛ fei ndɛɛ nɔ í wa si inɛ fei.

Kolosee 3:11 Iomraidhean Croise

Iri ku kɔ̃ 117:2

domi jiida ku jɛɛ bi tu wa í la, nɔ dee dee ku jɛɛ í ya maa wɛɛi hee do ajɔ fei. I saabu Aɔ̃ Lafɛ̃ɛ ŋa.

Ezai 49:6

Í sɔ̃m í ni n jɛ woo ce icɛi nŋu, n jɔ̀ dimii Zakɔbu ŋau a dede, nɔ n baaò inɛi Izirɛli ŋa iyi à gbe si hunde ŋau wa, iyi bɛ kù to. Í ni amui nŋu á jɔ̀ n jɛ inya kumái inɛi ilɛ ŋau ku ba faabaɛu ku bɔ hee kɔɔi andunya.

Ezai 52:10

Aɔ̃ Lafɛ̃ɛ í nyisi gbugbãɛ si ijui inɛi ilɛ ŋau fei. Nɔ hee ku bɔ kɔɔi andunya fei, inɛ ŋa aa yɛ faaba iyi Aɔ̃ Lafɛ̃ɛ nwa í naaò wa.

Zeremi 16:19

Aɔ̃ Lafɛ̃ɛ, awɔi ì jɛ gbugbãm, nɔ awɔi ì jɛ bi kuwa ku nɛ gbugbãm. Si waatii wahala, bi titɛɛi an ba n sa n koo n manji. Inɛ ŋa iyi à wa hee ilɛ jĩijĩ ŋa aa naa bi tɛɛ. Nɔ aa maa ni, bala nwa ŋa, tubui iboi à jɛ. Nɔ inya ngbɛi, kù nɛ aranfãani kãma.

Ezekiɛli 47:22

Aa ta kpasa i kpɛ̃ò ilɛu ŋai si gãmɛ nŋɛ do si inɛ njoo ŋa iyi à wa bi tu ŋɛ iyi à bí amu ŋa si anini nŋɛ. Aa doo ŋa ŋai bɛi ilu ide ŋa si inɔi iŋɛ inɛi Izirɛli ŋau. Aŋa mɔ aa ba ikpɛ̃ nŋai bɛi dimii inɛi Izirɛli ŋau.

Ozee 2:23

Ŋɔi Aɔ̃ Lafɛ̃ɛ í ni má, ajɔ nŋu bɛ bukaatai mii iyi lele í bi an naa. Nɔ lele mɔ á na ilɛ bukaatai mii iyi wa cɔ siɛ.

Amɔsu 9:12

Nɔ aa yɔkɔ a lɔ si ilɛi Edɔmu iyi í gbeu do si ilɛ mmu bii à waa kpe irim wo, amu Aɔ̃ Lafɛ̃ɛi ǹ fɔ bɛɛbɛ, amui an ce iyi bɛ fei.

Misee 4:2

Ntɔ ntɔ inɛi ilɛ nkpɔ nkpɔi á maa koo bɛ nɔ aa sɔ̃ njɛi a maa ni, i naa wa ŋa ka gũ iri kutai Aɔ̃ Lafɛ̃ɛ tengi bii kpasɛ̃i Aɔ̃ Lafɛ̃ɛi tɔkui Zakɔbu ŋau í wa. Tengi bɛi á kɔ wa si kpãaɛ ŋa, do bɛi aa ka tooɛ, domi hai Siɔ̃ɔi woodaɛ á fita wa, nɔ hai Zeruzalɛmui ideɛ wa naa.

Zakari 2:11

Iŋɛ inɛi Zeruzalɛmu ŋa iyi ì wa si ilɛi Babilɔni, i kookaai i sa ŋa.

Malasi 1:11

Hai nunui daakɔ hee ku bɔ nunui alɛ inɛi andunya ŋa fei à mà bɛɛrɛm. À ya maa joom tuae ŋa bii fei, nɔ à ya maa ceem kuwee ŋa ku ba a nyisiò bɛɛrɛi irim. Do ntɔ inɛi andunya ŋa fei à mà bɛɛrɛm.

Laabaau jiida iyi Zãa í kɔ 14:23

Ŋɔi Jesu í jɛaa í ni, inɛ iyi í bim fei á gbɔ idem, nɔ Baam á bi lafɛ̃ɛ nɔ amu do Baam nɔu fei aa ka naa ka ce bi kuwa si idɔi lafɛ̃ɛ.

Laabaau jiida iyi Zãa í kɔ 15:5

Amui ǹ jɛ icui jĩi ndii rezɛ̃ɛ, iŋɛ mɔi ì jɛ amaawɔɛ ŋa. Inɛ iyi wa má sim nɔ amu mɔ ǹ wa n má si lafɛ̃ɛ, á so iso nkpɔ. Amma bii kù jɛ do amu i kaa yɔkɔ i ce ngɔgɔ ŋa.

Laabaau jiida iyi Zãa í kɔ 17:23

Jɔ̀ n wa si ŋa nɔ awɔ mɔ i wa sim ku ba a jɛ akã mam mam, nɔ inɛi andunya ŋa a mà iyi awɔi ì bɛm wa nɔ ì bi ŋai bɛi ì bim.

Woo bɛ ŋa 15:17

ku ba inɛ ŋa iyi a kù jɛ inɛi kpasɛ̃u fei a dɛdɛ amu Aɔ̃ Lafɛ̃ɛ. Aŋai à jɛ inɛ ŋa iyi à jɛ titom hai si dimi mmu ŋa.

Woo bɛ ŋa 28:2

Inɛi Malitu ŋau à mu wa do kubi jiida. À ko nwa ina nla nla awa fei à naa à nyia si na iyi í jɔ̀ ijĩ wa wɔ nɔ tũtũ wa ce.

Woo bɛ ŋa 28:4

Iyi inɛi ilu ŋau à yɛ njou si awɔi Pɔlu ŋɔi à sɔ̃ njɛ à waa ni, kãm kãm mɔkɔu ihɛ̃ woo kpa inɛi. Baa do iyi í fita hai si wahalai inyiu ihɛ̃ fei, iwɛ̃ ŋa aa kiitiɛ nɔ a kaa jɔ̀ ku wɛɛ.

Romu 1:14

Ǹ wa n mu gbesei n waazoa inɛ fei hai inɛ ŋa iyi à fũ iju hee do ilu iju dũdũ ŋa, bi inɛ ŋa iyi à nɛ kumà hee do inɛ ŋa iyi a kù nɛ kumà.

Romu 10:12

Bɛɛbɛi inɛ gɔ kù jɛ ikã, hai Zuifu ŋa hee ku bɔ do dimi mmu ŋa fei. Aŋa fei Lafɛ̃ɛ akãi à nɛ. Inɛ ŋa iyi à waa tɔɔɛ fei í ya ce nŋa jiida ntɔ ntɔ.

Romu 3:22

Inɛ ŋa iyi à dasi Jesu Kirisi naanɛ fei, Ilaaɔ̃ í ce ŋa dee dee na naanɛ iyi à dasiu. Inɛ gɔ kù jɛ ikã,

Romu 3:29

Mà Ilaaɔ̃ í jɛ ti Zuifu ŋa aŋa akãi. Kù jɛ ti dimi mmu ŋa má? Ntɔ ntɔ í jɛ ti dimi mmu ŋa mɔ,

Kɔrɛnti 1, 12:13

domi Hunde akãi à da nwa si ku ba awa fei ka jɛ ara akã, hai Zuifu ŋa hee do dimi mmu ŋa, hai aru ŋa hee do inɛ ŋa iyi à nɛ ara nŋa. Nɔ bi Hunde akãui awa fei à waa mɔ.

Kɔrɛnti 1, 14:11

Do nŋu fei, bii n kù wa n gbɔ fee iyi à waa bam ku fɔ, inɛ iyi wa fɔɔu, dimi mmui í jɛ bi tom, nɔ amu mɔ ǹ jɛ dimi mmu bi lafɛ̃ɛ.

Kɔrɛnti 1, 7:19

Bii à dasi inɛ bango walakɔ bii a kù dasiɛ, kãmaɛ kù jɛ taale, amma woodai Ilaaɔ̃ ku jirimai í sĩa.

Galati 2:20

À kpakpam si jĩi do Kirisi ajɔ. Na nŋu, kù jɛ na aram nii ǹ wɛɛ má, bɛbɛi Kirisii wa ce kuwɛɛɛ sim. Nɔ kuwɛɛ iyi ǹ wa n wɛɛ nsɛi, ǹ wa n wɛɛi do naanɛ iyi ǹ dasi Amai Ilaaɔ̃, nŋu iyi í bim nɔ í na kuwɛɛɛ na irim.

Galati 5:6

Ntɔ ntɔ, bii à nɛ anu akã do Jesu Kirisi, à ce bango, a kù ce bango, kù jɛ ide kãma. Ide iyi í nɛ amboe í re nŋui í jɛ naanɛ ku dasi iyi wa ce icɛ do kubi.

Efɛɛzu 1:23

Igbɛui í jɛ arai Kirisi. Si igbɛui Kirisi takaɛ í wa nɔ í kɔ̃ dee dee, nŋu iyi í wa bii fei si mii baa yooma fei.

Efɛɛzu 2:14

Kirisi takaɛi í jɛ nwa laakai ku sũ, nŋu iyi í ce Zuifu ŋa do dimi mmu ŋa akã. Nŋui í kpa mbɛɛtɛ iyi í yɛ bɛi idĩ iyi wa fɛɛfɛ wa wo.

Efɛɛzu 2:15

Do ikui araɛi í kpaò irii woodai Zuifu ŋa do iwɔ̀ɛ ŋa ku ba ku yɔkɔ ku ce dimi minji ŋau dimi titɔ̃ akã lege lege si nŋu takaɛ. Si bɛɛbɛi, í dasi laakai ku sũ si anini nŋa.

Efɛɛzu 3:17

nɔ Kirisi ku ce bi kuwaɛ si idɔ nŋɛ na naanɛ ku dasi nŋɛ. Nɔ ǹ wa n tɔɔ má ku jɔ̀ i nɛ gbugbã i maa leekĩ dim dim si kubi ŋa,

Efɛɛzu 3:6

Asiiu wee. Do saabui laabaau jiidai dimi mmu ŋa do Zuifu ŋau à jɛò woo jɛ tubu ajɔ. Aŋaò ŋa à baa à jɛ ara akã, nɔ aŋa mɔ à nɛ baa nŋa si ide iyi Ilaaɔ̃ í wã nŋu ku ce si Jesu Kirisiu.

Efɛɛzu 6:8

Ì mà sãa sãa ŋa iyi Ilaaɔ̃ á sãa inɛ fei ribai icɛ jiida iyi í ce, baa bii aru, walakɔ inɛ iyi í nɛ araɛi.

Kolosee 2:10

Nɔ iŋɛ mɔ ì kɔ̃ ŋa do saabui anu akã nŋɛ do nŋu, nŋu iyi í jɛ inɛ ngboi gbugbãi lele ŋa do ilu yiiko ŋa fei.

Zãa 1, 5:20

À nɔ à mà iyi Amai Ilaaɔ̃ í naa, nɔ í mu nwa bisi ka mà Ilaaɔ̃ ilu ntɔu. Nɔ à wɛɛ do ilu ntɔu do saabui Amaɛ Jesu Kirisi. Jesu Kirisiui í jɛ Ilaaɔ̃ ilu ntɔ, nɔ í jɛ kuwɛɛ hai tã.

Zãa 2, 1:9

Inɛ iyi kù leekĩ si kukɔsii Kirisi, nɔ í kɔ̃ɔsi tɛɛ, kù nɛ Ilaaɔ̃. Amma inɛ iyi wa leekĩ si, í nɛ Baaba do Ama.