Kolosee 3:10 - Bibeli do fee

¹⁰ nɔ ì nɛ daa titɔ̃ ŋa. Ì baa ì jɛ amanɛ titɔ̃ ŋa iyi Ilaaɔ̃ woo taka nwa wa kpaasi kpɛlɛ kpɛlɛ ku ba i jɔɔ nɔ i màa sãa sãa ŋa.

Kolosee 3:10 Iomraidhean Croise

Kusintii Andunya 5:1

Si yaase bɛi à kɔ idei dimii amai Adamu ŋa wee. Si waati iyi Ilaaɔ̃ í taka amanɛ í takaɛi bɛi nŋu takaɛ.

Zɔɔbu 29:14

Dee dee ku jɛi í jɛ ibɔm, ntɔ ku jirimam nii í jɛ kumboom do bɔngɔtɔbɛɛm.

Iri ku kɔ̃ 51:10

Jɔ̀ i ceem suuru nɔ i muum inɔ didɔ̃. An wa si jingau amu iyi ǹ kua gbugbã.

Ezai 52:1

Zeruzalɛmu, jĩ, jĩ hai si iri njoo. Siɔ̃ɔ, jɔ̀ gbugbãɛ ku teese ku baa. Dasi ibɔ kusĩaɛ ŋa, awɔ Zeruzalɛmu ilu kumáu, domi hai ce bango do inɛ iyi í nɛ riisi kãma kaa lɔ wa bi tɛɛ má.

Ezai 59:17

Dee dee ku jɛ í wɛɛai bɛi ibɔi isɔ, nɔ fulai isɔ iyi í dasi si iriɛi í jɛ faabau. Nɔ í dasi ibɔ jaba gɔ í jɛ bɛi jĩnɛ ŋa iyi á dasi ku jaò ku ba ku gbaa inɛɛ ŋa. Ibɔ nla nla iyi í dasiui í jɛ himmaɛ iyi á ceò ija.

Ezekiɛli 11:19

An jɔ̀ a nɛ lasabu akã, nɔ n mu nŋa idɔ titɔ̃. An nya idɔ nŋa iyi í le bɛi kuta, nɔ n da nŋa si idɔ iyi í yɛ bɛi ara baasĩ.

Ezekiɛli 18:31

Ì nyɔ kurara nŋɛ ŋa iyi à waa dasi ŋɛ dulum nɔu, i kpaasi idɔ nŋɛ nɔ i kpaasi lasabu nŋɛ. Na mii í jɔ̀ aa maa bi i ku ŋa iŋɛ inɛi Izirɛli ŋa.

Ezekiɛli 36:26

An mu nŋɛ idɔ titɔ̃ do hunde titɔ̃. An nya idɔ nŋɛ iyi í le bɛi kutaui, nɔ n sã nŋɛ si idɔ iyi í rɔ bɛi ara bãasĩi amanɛ.

Laabaau jiida iyi Zãa í kɔ 17:3

Kuwɛɛ hai tãui í jɛ inɛ ŋa a màɛ, awɔ Ilaaɔ̃ akã ilu ntɔu, nɔ a màm, amu Jesu Kirisi iyi ì bɛ wau.

Romu 12:2

I maà ya ce kucei inɛi andunya ŋa, amma i jɔ̀ Ilaaɔ̃ ku mu nŋɛ lasabu titɔ̃ iyi á kpaasiò kuwɛɛ nŋɛ, ku ba i mà iyi í jɛ idɔɔbii Ilaaɔ̃ ŋa. Idɔɔbiɛu wee. Iyi í jɛ jiida, iyi í dɔ̃ do iyi í kɔ̃ mam mam.

Romu 13:12

Waati iyi à wa si nsɛi í yɛi bɛi idũ í dũ wa koo, nɔ amɛɛjuumá í maai wa. Na nŋu, ka jɔ̀ icɛi ilu kuku ku ce, nɔ ka so jĩnɛi igũ iyi á jɔ̀ ka jabu si inya kumá.

Romu 13:14

Amma i so daa titɔ̃i Jesu Kirisi Lafɛ̃ɛ nwa, nɔ i maà jɔ̀ daai iŋɛ taka nŋɛ ku maa nɛò ŋɛ i maa ceò binɛ má ŋa.

Romu 6:4

Na nŋu, si inyi ku dasiu à ku do nŋu ajɔ, nɔ à si wa do nŋu ajɔ, ku ba bɛi amboei Ilaaɔ̃ Baaba í dedeɛ hai si balɛ awa mɔ ka maa nɛ si kuwɛɛ titɔ̃.

Romu 8:29

Ntɔ ntɔ, inɛ ŋa iyi Ilaaɔ̃ í cica hai tako, aŋai í jilɛ ku ba a jɔ Amaɛ. Si bɛɛbɛ Amaɛui á jɛ yemmai ifɔ nkpɔ nkpɔ.

Kɔrɛnti 2, 3:18

Fuugɛsɛu kù wa si waju nwa má nɔ à ya ka maa yɛ amboei Lafɛ̃ɛi bɛi si digi, nɔ amboeɛ iyi à waa cɔu, nŋui wa kpaasi wa ku ba ka jɔɔ, nɔ í ya maa kɔ̃ɔsii waati kãma fei si wa. Icɛu bɛ, Hundei Lafɛ̃ɛi wa coo.

Kɔrɛnti 2, 4:16

Nŋui í jɔ̀ a kaa ka mɔngɔ munya. Baa bii ara nwa wa gbo, hunde nwa í ya maa wɛɛ titɔ̃i do ajɔ fei.

Kɔrɛnti 2, 4:6

Ilaaɔ̃i í ni, inya kumá ku ce si aninii ilu kuku, nŋui í nɔ í da nwa si inya kumáɛ si idɔ nwa ku ba ka mà amboeɛ. Amboei Ilaaɔ̃ui à waa yɛ si wajui Kirisi.

Kɔrɛnti 2, 5:17

Bii inɛ gɔ í nɛ anu akã do Kirisi í jɛ inɛ titɔ̃. Mii ndii tako ŋau à lɔ, mii titɔ̃ ŋai à sãsi wa.

Galati 3:27

Ntɔ ntɔ, iŋɛ iyi ì ce inyi ku dasi ì ceò anu akã do Kirisi ŋa fei, ì baa ì yɛ bɛi Kirisi ŋai.

Galati 6:15

À ce bango, a kù ce bango, kù jɛ ide kãma. Mii iyi í nɛ amboe í re, nŋui í jɛ a taka inɛ titɔ̃.

Efɛɛzu 2:10

Awa icɛi awɔi Ilaaɔ̃i à jɛ. Í taka wai si anu akã nwa do Jesu Kirisi ka ceò icɛ jiida iyi í ce sɔɔluɛ hai ku kpɛ.

Efɛɛzu 2:15

Do ikui araɛi í kpaò irii woodai Zuifu ŋa do iwɔ̀ɛ ŋa ku ba ku yɔkɔ ku ce dimi minji ŋau dimi titɔ̃ akã lege lege si nŋu takaɛ. Si bɛɛbɛi, í dasi laakai ku sũ si anini nŋa.

Kolosee 3:12

Na nŋu, si na iyi í jɔ̀ Ilaaɔ̃ í bi ŋɛ nɔ í cica ŋɛ ì jɛ tɛɛ ŋa, mii iyi í jɔ i mu ŋa wee. Araare do jiida ku jɛ do ara ku kaye do daa didɔ̃ do temua.

Kolosee 3:14

Iyi í re mɔm i bi njɛ ŋa. Kubiui á jɔ̀ i ya maa gbɔsi njɛ jiida jiida ŋa.

Filemɔɔ 1:6

Ǹ wa n tɔɔ Ilaaɔ̃ ku jɔ̀ anu akã iyi awaɛ ŋa à nɛ na naanɛ ku dasiu ku jɔ̀ i mà mii jiida iyi à nɛ si kpãai Kirisi fei.

Ebɛɛ 6:6

bii à sinda à toa idei Ilaaɔ̃ anyi, a kaa yɔkɔ a sinda idɔ má, domi à sìsí à waa kpakpa Amai Ilaaɔ̃ si jĩi ku gaauu má nɔ à waa dasiɛ anyɔ si bantuma.

Zãa 1, 2:3

Bii à waa jirima woodaɛ ŋa, si bɛɛbɛi aa ka mà iyi à màa.

Zãa 1, 2:5

Amma inɛ iyi wa jirima ideɛ, siɛi kubii Ilaaɔ̃ í ya kɔ̃ do ntɔ. Mii iyi á jɔ̀ ka mà iyi à nɛ anu akã do nŋu wee.

Kuyɛi Zãa 21:5

Waati bɛɛbɛi inɛ iyi wa buba si kitãi bommau í ni, wee ǹ ce mii fei titɔ̃. Nɔ í sɔ̃m í ni, kɔ iyi ihɛ̃ domi idem ide ntɔi nɔ í nɛ naanɛ.