Kolosee 3:1 - Bibeli do fee

¹ Ilaaɔ̃ í dede ŋɛ hai si balɛ do Kirisi ajɔ. Na nŋu, i dɛ mii ndii lele bii Kirisi wa buba si awɔ njɛi Ilaaɔ̃ ŋa.

Kolosee 3:1 Iomraidhean Croise

Iri ku kɔ̃ 110:1

Iriu ihɛ̃ ti Davidii. Aɔ̃ Lafɛ̃ɛ í sɔ̃ Lafɛ̃ɛm í ni, buba do ikpa awɔ njɛm ihɛ̃, hee n ce mbɛɛɛ ŋa bi ku lesi isɛɛ.

Iri ku kɔ̃ 16:11

Ì nyisim kpãa iyi wa bɔ si kuwɛɛ. Ǹ nɛ inɔ didɔ̃ nla nla si na iyi í jɔ̀ ì wɛɛ do amu. An maa n wɛɛ do inɔ didɔ̃ bi titɛɛ hee do ajɔ fei.

Mɔnda ŋa 15:24

Ilu laakai í ya mu kpãai kuwɛɛi nɔ ku jɔ̀ kpãa iyi wa bɔ iku.

Woo lasabu 10:2

Lasabui ilu bisi í ya jɔ̀ ku ce mii jiida, amma ti nnyɛi í ya jɔ̀ ku ce laalɔi.

Matie 22:44

Aɔ̃ Lafɛ̃ɛ í sɔ̃ Lafɛ̃ɛm í ni, buba do ikpa awɔ njɛm ihɛ̃, hee n ce mbɛɛɛ ŋa bi ku lesi isɛɛ.

Matie 26:64

Ŋɔi Jesu í jɛaa í ni, awɔi ì fɔɔ. Amma ǹ wa n sɔ̃ ŋɛi, aa yɛ amu Amai Amanɛ ǹ wa n buba awɔ njɛi Ilaaɔ̃ ilu gbugbã fei. Bɛɛbɛ mɔi aa na i yɛm ŋa ajɔ akã ǹ wa n naa si kudũi ijĩ má.

Matie 6:20

Amma i dɛdɛ amanii lele bii kaa mu atɛ nɔ tũtũ ŋa a kaa yɔkɔ a bɛjɛɛ, nɔ ile ŋa mɔ a kaa yɔkɔ a lɔ a ce ileɛ.

Matie 6:33

Na nŋu, i hanya titã ŋa i ce idɔɔbii Ilaaɔ̃ do bɛi aa ce i jɔ̀ bommaɛ ku bɔ waju. Iyi í gbe bɛi fei Ilaaɔ̃i á kɔ̃ɔ nŋɛ si.

Maaku 12:36

Davidi takaɛ í fɔ do gbugbãi Hundei Ilaaɔ̃ í ni, Aɔ̃ Lafɛ̃ɛ í sɔ̃ Lafɛ̃ɛm í ni, buba do ikpa awɔ njɛm ihɛ̃, hee n ce mbɛɛɛ ŋa bi ku lesi isɛɛ.

Maaku 14:62

Ŋɔi Jesu í jɛaa í ni, oo, amui. Nɔ aa yɛ ŋa amu Amai Amanɛ ǹ wa n buba si awɔ njɛi Ilaaɔ̃ ilu gbugbã fei. Nɔ ajɔ akã aa na i yɛm ŋa ǹ wa n naa si kudũi ijĩ má.

Maaku 16:19

Iyi Lafɛ̃ɛ Jesu í sɔ̃ ŋa ideu í tã, ŋɔi à soo lele í koo í buba si awɔ njɛi Ilaaɔ̃.

Luku 12:33

I ta mii iyi ì nɛ ŋa nɔ i mua ilu are ŋa fiau. I cea ara nŋɛ taalili iyi kaa gbo ikpa lele si bii aa dasi amani nŋɛ iyi kaa tã. Tengi bɛ ile kaa tosi, nɔ tũtũ ŋa mɔ a kaa bɛjɛɛ.

Luku 20:42

Davidi takaɛ í fɔ si tiai iri ku kɔ̃ ŋa í ni, Aɔ̃ Lafɛ̃ɛ í sɔ̃ Lafɛ̃ɛm í ni, buba do ikpa awɔ njɛm ihɛ̃,

Luku 22:69

Amma hai nsɛi amu Amai Amanɛ an bubai si awɔ njɛi Ilaaɔ̃ ilu gbugbã.

Woo bɛ ŋa 2:34

Davidi takaɛ kù bɔ lelei Aɔ̃ amma í ni, Aɔ̃ Lafɛ̃ɛ í sɔ̃ Lafɛ̃ɛm í ni, buba awɔ njɛm,

Woo bɛ ŋa 7:55

Amma Etiɛni í kɔ̃ò Hundei Ilaaɔ̃ nɔ í cɔ lele, ŋɔi í yɛ amboei Ilaaɔ̃ nɔ í yɛ Jesu mɔ wa leekĩ do ikpa awɔ njɛɛ.

Romu 8:34

To, yooi á yɔkɔ ku jɔ̀ a yɛ ijuukpã. Kù wɛɛ, domi Jesu Kirisi í ku, nɔ iyi í re mɔm í jĩ hai si balɛ má, í wa awɔ njɛi Ilaaɔ̃. Í nɔ wa tɔɔ Ilaaɔ̃ na iri nwa.

Romu 8:6

Inɛ ŋa iyi lasabu nŋa fei í wa si idɔɔbii ara, ikui á jɛ iri ku kpa nŋa. Amma inɛ ŋa iyi lasabu nŋa í wa si mii iyi Hundei Ilaaɔ̃ í bi, lafɛ̃ɛ ŋa aa ba kuwɛɛ do laakai ku sũ.

Kɔrɛnti 2, 4:18

Ntɔ ntɔ laakai nwa kù wa si mii iyi iju wa yɛ, í gbe si mii iyi kù waa yɛ. Mii iyi iju wa yɛ ci ya kpɛ, amma mii iyi kù waa yɛ í ya wɛɛi do ajɔ fei.

Efɛɛzu 4:10

Inɛ iyi í kita í bɔ hee lɛlɛi ilɛu nɔ í nyi í gũ leleu má inɛ akãui, ku ba ku jɔ̀ mii fei ku kɔ̃ dee dee.

Efɛɛzu 5:22

Iŋɛ inaabo ŋa i sũa mɔkɔ nŋɛ ŋa iri ilɛ bɛi aa cea Lafɛ̃ɛ ŋa,

Kolosee 2:20

Ì ku do Kirisi ajɔ ŋa si mii ndii andunya ŋa. To, na mii í ce ì waa ce kuwɛɛ nŋɛ bɛi inɛ ŋa iyi à jɛ ti andunya. Na mii í ce ì jɔ̀ à kãa nŋɛ wooda, aŋa iyi à ya ni,

Kolosee 3:2

Mii ndii lele ŋai í sĩa i ya maa lasabu si ŋa. I maà ce lasabui mii ndii ilɛ ihɛ̃ ŋa,

Ebɛɛ 1:13

Ilaaɔ̃ kù nɔ kù sɔ̃ amalekaɛ gɔ kù ni, buba do ikpa awɔ njɛm ihɛ̃ hee n ce mbɛɛɛ ŋa bi ku lesi isɛɛ.

Ebɛɛ 1:3

Amboe iyi Ilaaɔ̃ í nɛ fei, si Amaɛi à yɔɔ. Amau í jɔ Ilaaɔ̃ takaɛ dee dee, í nɔ wa mu mii fei do gbugbãi ideɛ. Waati iyi í ce icɛ iyi á kpa idei dulum dii inɛ ŋa í tã, ŋɔi í koo í buba lele si awɔ njɛi Ilaaɔ̃ ilu gbugbã fei.

Ebɛɛ 10:12

Amma kuwee akãi Kirisi í ce na irii dulum. Si anyii nŋu, í koo í buba si awɔ njɛi Ilaaɔ̃ hee do ajɔ fei,

Ebɛɛ 12:2

Ka dasi laakai nwa fei si Jesu. Hai bi tɛɛi naanɛ ku dasi nwa wa naa, nŋu mɔi í nɔ wa kɔ̃ɔ. Í jɛsi à kpaa si jĩi ku gaau, kù cɔ anyɔi dimii ikuu domi wa cɔ kpãai inɔ didɔ̃ iyi à jilɛaa. Nsɛi, wa buba si awɔ njɛi kitãi bommai Ilaaɔ̃.

Ebɛɛ 8:1

Nsɛi, irii ideu wee. Awa à nɛ woo wee nla dimi bɛɛbɛ, inɛ iyi wa buba lele si awɔ njɛi kitãi bommai Ilaaɔ̃ ilu gbugbã fei.

Piɛɛ 1, 3:22

nŋu iyi í bɔ lele nɔ wa buba si awɔ njɛi Ilaaɔ̃. Bɛi amaleka ŋa do ilu yiikoi lele ŋa do ilu gbugbã ŋa à waa sũaa iri ilɛ.