Kolosee 2:8 - Bibeli do fee

⁸ Nɔ i ya ce laakai ku ba inɛ gɔ ku maà na ku mu ŋɛ do taaɛ do bisii nŋu takaɛ walakɔ do ide ŋa iyi à ya dĩò ijui amanɛ ŋa. Mii nŋu ŋau bɛ wa naai hai si dedembai amanɛ ŋa do mii ndii andunya ŋa, kù jɛ hai bi Kirisi.

Kolosee 2:8 Iomraidhean Croise

Iri ku kɔ̃ iyi í dɔ̃ í re 2:15

i mu nwa akã ŋau ŋa, ama mɛɛmu ŋa iyi à waa bɛjɛ rezɛ̃ɛ nwa ŋa hai à waa sinti koko ŋau.

Zeremi 29:8

Bɛi Aɔ̃ Lafɛ̃ɛi lele do ilɛ, nŋu iyi í jɛ Lafɛ̃ɛi inɛi Izirɛli ŋa í fɔ wee. Í ni, i maà jɔ̀ walii ŋa iyi à wa bi tu ŋɛ ŋau a sɔ nŋɛ ibo, hee má jɛ woo ce alisi nŋɛ ŋau. I maà ya ceò idei àla ŋa iyi ì waa ce ŋau icɛ ŋa.

Matie 10:17

Nɔ i ce laakai ŋa si na iyi í jɔ̀ inɛ gɔ ŋa aa na a mu ŋɛ a bɔò ŋɛ bi ku ce kiiti, aa nɔ a cã ŋɛ ile bi ku ce kutɔtɔɔ nŋa ŋa.

Matie 16:6

Ŋɔi Jesu í sɔ̃ ŋa í ni, i ce laakai do levɛ̃ɛi Farisi ŋa do ti Sadusi ŋau.

Matie 7:15

Jesu í ni má, i ya ce laakai ŋa do walii ilu ibo ŋa. À ya naa bi tu ŋɛi bɛi angudã ŋa, amma idɔ nŋa í yɛi bɛi idɔi mbo ŋa.

Woo bɛ ŋa 17:18

Si bɛi í ya maa ba ŋa kakɔɔ ku ce ŋɔi woo mà gɔ ŋa iyi à ya kpe Epikuri do Sitosi ŋa à bɔ bi tɛɛ à waa baa kakɔɔ ku ce. Inɛ gɔ ŋa à ni, woo ce ide nkpɔ yoomai ihɛ̃. Nɔ inɛ gɔ ŋa mɔ, iyi à gbɔ wa fɔ idei ikui Jesu do kujĩɛ má à ni, mà iwɛ̃ mmu gɔ ŋai wa fãa ya.

Woo bɛ ŋa 17:32

Iyi à gbɔ Pɔlu wa fɔ idei kujĩi iku ŋa hai si balɛ ŋɔi inɛ gɔ ŋa à waa yaakoɛ. Inɛ gɔ ŋa mɔ à ni, à bi faajii ideu bɛ má ajɔ gɔ.

Romu 16:17

Ǹ wa n sɔ̃ ŋɛi, iŋɛ inɛm ŋa, i ya ce laakaii inɛ ŋa iyi à ya naaò njɛ ku fɛɛfɛ wa si anini nŋɛ, nɔ a jɔ̀ inɛ gɔ ŋa a koosɛ si naanɛ ku dasi nŋa a cuku. Aŋai à ya maa nya cɔɔi cio iyi ì gbɔ ŋa. I jɔ̀ i jĩò inɛ dimi bɛɛbɛ ŋa

Kɔrɛnti 1, 10:12

Na nŋu, inɛ iyi í tamaa nŋu wa leekĩ dim dim ku jɔ̀ ku ce laakaii araɛ, ku ba ku maà ti ku cuku.

Kɔrɛnti 1, 8:9

Amma i ce laakai ŋa ku ba ara ku nɛ nŋɛ ku maà dasi inɛ gɔ ŋa dulum.

Kɔrɛnti 2, 10:5

do dimii ara ku so iyi inɛ ŋa à nɛ fei à waa jãò ide ntɔi Ilaaɔ̃. Nɔ do nŋui à waa kãmiaò lasabu fei ku ba a jirima Kirisi.

Galati 1:14

Si kpãai Zuifu ŋa ku too ǹ wa si inɔi inɛ ŋa iyi à waa jɛ waju si inɔi saam ŋa, domi ǹ nɛ himma ntɔ ntɔ ǹ re ŋa si gãmɛi kucei dedembai bala nwa ŋa.

Galati 4:3

Bɛɛbɛ mɔi do awa taka nwa. Waati iyi à tako à wɛɛ bɛi ama keeke ŋa, à jɛ arui mii ndii andunya ŋa wo.

Galati 4:9

Amma nsɛi ì mà Ilaaɔ̃ ŋa. Nɔ iyi í re mɔm Ilaaɔ̃ í mà ŋɛ. To, bɛirei í ce ì waa bi i sinda si mii ndii andunya ŋa má ŋa iyi a kù nɛ gbugbã nɔ a kù nɛ bɛɛrɛ. Na mii í ce ì waa bi i jɛ aru nŋa má ŋa.

Galati 5:15

I maà ya maa ŋɔ njɛ ŋa bɛi mɛɛmui sako ŋa. I ce laakai ŋa ku ba i maà ce nfei njɛ ŋa.

Efɛɛzu 2:2

Waati bɛɛbɛ, kpãa laalɔi inɛi andunya ŋai ì ya maa too si ŋa, nɔ ì ya maa jirima Seetam, ilaalui ilu gbugbãi lele ŋa. Ilaaluu nŋui í jɛ hunde iyi wa ce icɛ hee nsɛi si idɔi inɛ ŋa iyi a kù waa jirima idei Ilaaɔ̃.

Efɛɛzu 4:20

Amma iŋɛ, kù jɛ bɛɛbɛi ì màò Jesu Kirisi ŋa.

Efɛɛzu 5:6

I maà ya jɔ̀ inɛ gɔ ku dĩ iju nŋɛ do ide nfe, domi na nŋu bɛi í jɔ̀ idɔɔkɔ̃i Ilaaɔ̃ wa naa si irii inɛ ŋa iyi a kù waa jirimaɛ.

Wooda ku kɔsi 6:12

i ce laakai i maà ti i na i gbɛjɛ Aɔ̃ Lafɛ̃ɛ nŋɛ, nŋu iyi í nya ŋɛ wa hai ilɛi Ezibiti bii ì tako ì waa jɛ aru ŋa wo.

Filipi 3:2

I ya maa ce laakaii woo ce icɛ laalɔ ŋa iyi à nɛ daa sãmi bɛi aja ŋa. Inɛ ŋau à waa kaaba bango iyi à bu si ara.

Kolosee 2:18

I maà jɔ̀ inɛ gɔ ku jɔ̀ i kua ribai ala nŋɛ ku dasi ŋɛ amaleka ŋa ku tɔɔ. Dimii amanɛ bɛɛbɛ ŋa à ya naai do idei ara ku kaye, amma do ntɔ à ya maa saabu ara nŋai na kuyɛ ŋa iyi à ya maa ce nɔ à ya maa tɔɔ fufu si lasabu nfe nfei amanɛ ŋa.

Kolosee 2:20

Ì ku do Kirisi ajɔ ŋa si mii ndii andunya ŋa. To, na mii í ce ì waa ce kuwɛɛ nŋɛ bɛi inɛ ŋa iyi à jɛ ti andunya. Na mii í ce ì jɔ̀ à kãa nŋɛ wooda, aŋa iyi à ya ni,

Kolosee 2:22

Mii ŋau bɛ fei aa ce nfe bii à ceò ŋa icɛ. Woodai amanɛ ŋa do cio nŋa nŋui ì waa too ŋa.

Kolosee 2:23

Ntɔi, bii ì waa cɔ wooda ŋau, aa ni à sĩai domi aa sobi wa ka jirima kpãai Aɔ̃ ku tɔɔ gɔ, nɔ aa jɔ̀ ka kaye ara nwa, nɔ ka kpã ara nwa iju, amma a kaa sobi wa ka kãmiaò ara nwa.

Timɔtee 1, 6:20

Timɔtee, ide iyi à daɛ si awɔu, muu ku sĩa. Fa araɛ hai si ide nfe nfei andunya. Maà ce kakɔɔ do inɛ ŋa iyi à waa tamaa aŋa à nɛ kumà.

Timɔtee 2, 3:13

Amma inɛ laalɔ ŋa do woo sɔ ibo ŋa waati kãma fei laalɔ nŋa í ya maa kɔ̃ɔsii. Si bɛi à waa dĩ ijui inɛ gɔ ŋa, bɛɛbɛ mɔi à waa dĩ ijui ara nŋa.

Ebɛɛ 13:9

I maà ti i jɔ̀ a fa ŋɛ si kukɔsi ikã ikã, domi í sĩa idɔ nwa ku maa leekĩ si didɔ̃i Ilaaɔ̃, ku maà jɛ si iwɔ̀i ijɛ ku jɛ ŋa. Inɛ ŋa iyi à waa too kpãau bɛ fei a kù ba aranfãani kãma.

Ebɛɛ 3:12

Na nŋu, iŋɛ inɛm ŋa, i ce laakai, i maà jɔ̀ inɛ gɔ nŋɛ ku nɛ idɔ laalɔ hai dasi naanɛ, iyi á jɔ̀ ku sinda hai bi Ilaaɔ̃, nŋu iyi í wɛɛ.

Piɛɛ 1, 1:18

Bala nŋɛ ŋa à jɔ̀ nŋɛ tubui kuwɛɛ nfe nfe. Nɔ iŋɛ taka nŋɛ ì mà ŋa iyi à ya ŋɛi hai si kuwɛɛu. Kù jɛ do isɔ fũfũ walakɔ wura iyi á na ku tãi à ya ŋɛò.

Piɛɛ 2, 3:17

Amma iŋɛ baakɔɔm ŋa, ì mà ideu tã ŋa. Na nŋu, i ce laakai ara nŋɛ ku ba kurarai inɛ ŋa iyi a kù mà bɛɛrɛi Ilaaɔ̃ ku maà jɔ̀ i yaa hai si kpãa jiida iyi ì waa leekĩ si dim dim ŋa.

Zãa 2, 1:8

Na nŋu, i ce laakai ŋa i maà ti i nyɔ ribai icɛ nwa ŋa, i jɔ̀ i jɛ baakaɛ ŋa.