Kolosee 2:6 - Bibeli do fee

⁶ Na nŋu, si bɛi ì gba Jesu Kirisi í jɛ Lafɛ̃ɛ nŋɛ, i ce isɛɛnɛ nŋɛ si anu akã do nŋu.

Kolosee 2:6 Iomraidhean Croise

Ezai 2:5

Iŋɛ tɔkui Zakɔbu ŋa, i naa wa ŋa ka nɛ si inya kumái Aɔ̃ Lafɛ̃ɛ.

Misee 4:2

Ntɔ ntɔ inɛi ilɛ nkpɔ nkpɔi á maa koo bɛ nɔ aa sɔ̃ njɛi a maa ni, i naa wa ŋa ka gũ iri kutai Aɔ̃ Lafɛ̃ɛ tengi bii kpasɛ̃i Aɔ̃ Lafɛ̃ɛi tɔkui Zakɔbu ŋau í wa. Tengi bɛi á kɔ wa si kpãaɛ ŋa, do bɛi aa ka tooɛ, domi hai Siɔ̃ɔi woodaɛ á fita wa, nɔ hai Zeruzalɛmui ideɛ wa naa.

Matie 10:40

Jesu í ni má, inɛ iyi í gba ŋɛ í gbam nii, nɔ inɛ iyi í gbam í gba inɛ iyi í bɛm wai.

Laabaau jiida iyi Zãa í kɔ 13:20

Ntɔ ntɔ ǹ wa n sɔ̃ ŋɛi, inɛ iyi í gba inɛ iyi ǹ bɛ, amui í gba. Nɔ inɛ iyi í gbam, inɛ iyi í bɛm wai í gba.

Laabaau jiida iyi Zãa í kɔ 14:6

Ŋɔi Jesu í jɛaa í ni, amui ǹ jɛ kpãa, do ntɔ, do kuwɛɛ. Inɛ kãma kaa bɔ bi Ilaaɔ̃ Baaba bii kù jɛ hai do bi tom.

Kɔrɛnti 1, 1:30

Ilaaɔ̃i í jɔ̀ ì nɛ anu akã do Jesu Kirisi ŋa. Nɔ Kirisii í jɛ bisii Ilaaɔ̃ bi tu wa na saabui anu akã nwau iyi à ce do nŋu. Kirisii í nya wa hai si dulum du wa. Do saabuɛi à jɛò dee dee nɔ à jɛò inɛi Ilaaɔ̃ ŋa.

Kɔrɛnti 2, 5:7

À waa ce isɛɛnɛ nwa na naanɛ ku dasi, kù jɛ na mii iyi à waa yɛ.

Galati 2:20

À kpakpam si jĩi do Kirisi ajɔ. Na nŋu, kù jɛ na aram nii ǹ wɛɛ má, bɛbɛi Kirisii wa ce kuwɛɛɛ sim. Nɔ kuwɛɛ iyi ǹ wa n wɛɛ nsɛi, ǹ wa n wɛɛi do naanɛ iyi ǹ dasi Amai Ilaaɔ̃, nŋu iyi í bim nɔ í na kuwɛɛɛ na irim.

Galati 3:26

Do yaase bɛɛbɛi iŋɛ fei ì jɛ amai Ilaaɔ̃ ŋa na naanɛ iyi ì dasi Jesu Kirisi ŋa.

Efɛɛzu 4:1

Na nŋu, amu iyi ǹ wa piisɔ̃ɔ si na iyi í jɔ̀ ǹ wa n ce icɛi Lafɛ̃ɛ, ǹ wa n tɔɔ ŋɛ i maa nɛ dee dee si bɛi í jɔ inɛ ŋa iyi Ilaaɔ̃ í kpe à ya nɛ.

Filipi 1:27

Nŋu de i ya jɔ̀ isɛɛnɛ nŋɛ ŋa ku yɛ bɛi laabaau jiidai Kirisi í fɔ. Bii ì waa ce bɛɛbɛ ŋa, bii ǹ naa bi tu ŋɛ, walakɔ baa bii n kù naa, n maa n gbɔ iyi ì waa leekĩ si dim dim ŋa, ì ya maa gbɔsi njɛ nɔ ì waa jabu do inɔ akã ŋa na laabaau jiidau iyi í jɛ icui naanɛ ku dasi nŋɛ.

Kolosee 1:10

Bɛɛbɛi isɛɛnɛ nŋɛ ŋa á jɔ ti inɛ ŋa iyi à jɛ ti Lafɛ̃ɛ, nɔ waati kãma fei i ya ce iyi á dɔ̃aa si ŋa. Nɔ i ya ce icɛ jiida ikã ikã fei ŋa, nɔ Ilaaɔ̃ ku mà nŋɛ ku kɔ̃ɔsi.

Kolosee 3:17

Si kuce nŋɛ do si kufɔ nŋɛ i ce fei ndɛɛ do irii Lafɛ̃ɛ Jesu nɔ i saabu Ilaaɔ̃ Baaba ŋa na saabuɛ.

Tɛsalonika 1, 4:1

Iŋɛ inɛ nwa ŋa, à kɔ nŋɛ si bɛi í sĩa i maa nɛ ŋa ku ba ku dɔ̃a Ilaaɔ̃ si. Ntɔi, ì waa ce bɛɛbɛ tã ŋa. Amma iyi í gbe nsɛi à waa tɔɔ ŋɛ do irii Lafɛ̃ɛ Jesu, i hanya i ce bɛɛbɛ i maa koo ŋa.

Ebɛɛ 3:14

Ntɔi, à nɛ ikpɛ̃ si kuwɛɛi Kirisi bii à waa leekĩ dim dim si naanɛ ku dasi iyi à nɛ hai sinte hee kɔɔɛ.

Zãa 1, 2:6

Inɛ iyi í ni nŋu í nɛ anu akã do nŋu, lafɛ̃ɛ í nɛ ku maa nɛi bɛi Jesu takaɛ í nɛ.

Zãa 1, 5:20

À nɔ à mà iyi Amai Ilaaɔ̃ í naa, nɔ í mu nwa bisi ka mà Ilaaɔ̃ ilu ntɔu. Nɔ à wɛɛ do ilu ntɔu do saabui Amaɛ Jesu Kirisi. Jesu Kirisiui í jɛ Ilaaɔ̃ ilu ntɔ, nɔ í jɛ kuwɛɛ hai tã.

Zudu 1:3

Iŋɛ baakɔɔm ŋa, ǹ dasi idɔ wo ntɔ ntɔ n kɔ nŋɛ tia wa, na idei faabai awaɛ ŋau. Amma wee ǹ yɛ í cem tilasi n kɔ nŋɛ tiau ihɛ̃ wa nsɛi n kɔ̃ɔ nŋɛ si himma ku ba i jabu i maa leekĩ si kukɔsi ntɔ iyi à na inɛi Ilaaɔ̃ ŋa gbakã akã hee do ajɔ fei.