Kolosee 2:5 - Bibeli do fee

⁵ Ntɔ ntɔ, baa do iyi aram í jĩò ŋɛ, lasabum í wa si ŋɛ. Nɔ ǹ nɛ inɔ didɔ̃ si na iyi í jɔ̀ inɛ fei wa ce icɛ si bɛi í jɔ, nɔ naanɛ ku dasi nŋɛ wa leekĩ si Kirisi dim dim.

Kolosee 2:5 Iomraidhean Croise

Bomma 2, 29:35

Ajɔ nŋu bɛ, kuwee iyi à ya jo si ina fei sãa sãau í kpɔ. Kuwee ŋau fei à ce ŋai do atɛ̃ vɛ̃ɛ. Nɔ à jo ikpoi iŋai kuweei anu akã ŋau. Do yaase bɛɛbɛi à teese à jilɛò icɛi kpasɛ̃i Aɔ̃ Lafɛ̃ɛu.

Iri ku kɔ̃ 78:37

Idɔ nŋa kù leekĩ siɛ dim dim, nɔ a kù waa nɛ dee dee si akabuuɛu.

Iri ku kɔ̃ 78:8

A kaa yɛ bɛi bala nŋa ŋa. Aŋa iyi à yika itĩ nɔ à kɔ̀ ku jirima Ilaaɔ̃, idɔ nŋa kù leekĩ suusuu, nɔ lasabu nŋa kù jɛ dee dee.

Kuka 7:11

Aɔ̃ Lafɛ̃ɛ í sɔ̃ Moizi í ni ku sɔ̃ inɛ ngbo ŋau a naaò amua nŋa ŋau wa akã akã, ajɔ akã fei inɛ akã.

Woo bɛ ŋa 2:42

Nɔ à ya gbɔ cio iyi woo bɛ ŋau à ya maa kɔ ŋa siu fei, nɔ à ya maa wɛɛ do anu akã, à ya maa jɛ ijɛ iyi aa yeò gigii ikui Jesu, nɔ à ya maa ce kutɔɔ ajɔ.

Woo bɛ ŋa 20:21

Ǹ sɔ̃ Zuifu ŋa do hai jɛ Zuifu ŋa ǹ ni a kpaasi idɔ nŋa a sinda si Ilaaɔ̃ a dasi Lafɛ̃ɛ nwa Jesu naanɛ.

Kɔrɛnti 1, 11:34

Bii ari wa kpa inɛ gɔ, ku jɛ sɔndaɛ kpasɛ̃ ku ba i maà na i so taale si kutɔtɔɔ nŋɛ. Ide iyi í gbe si ide ŋa iyi ì beem ŋa, an ce nŋɛ cioɛ bii ǹ na ǹ to wa.

Kɔrɛnti 1, 14:40

Amma i ce fei ndɛɛ dee dee do yaase jiida ŋa.

Kɔrɛnti 1, 15:58

Na nŋu, iŋɛ baakɔɔm ŋa, i leekĩ dim dim i maà tɛkɛɛ ŋa. I ce kookaai si icɛi Lafɛ̃ɛ do ajɔ fei si na iyi í jɔ̀ ì mà ŋa icɛ iyi ì waa cea Lafɛ̃ɛ kaa ce nfe ŋa.

Kɔrɛnti 1, 16:13

I ce laakaii ara nŋɛ, i leekĩ si naanɛ ku dasi dim dim ŋa. I ce wɔɔkɔ ku ba i ba gbugbã ŋa.

Kolosee 2:1

Ǹ bi i mà ŋa bɛi kujabum í la í to na iri nŋɛ do inɛi Laodisee ŋa do inɛ ŋa iyi a kù yɛm do iju fei.

Tɛsalonika 1, 2:17

Iŋɛ inɛ nwa ŋa, si bɛi à kpɛò njɛ ku yɛ, nɔ à fɛɛfɛ njɛ do ara baa do iyi kù jɛ do idɔ, à waa ce bɛgɛ nŋɛ ntɔ ntɔ nɔ à waa ce kookaai ku ba ka yɛ ŋɛ.

Tɛsalonika 1, 3:8

Bɛbɛi idɔ nwa í baa, si bɛi ì waa leekĩ si kpãai Lafɛ̃ɛ dim dim ŋa.

Ebɛɛ 3:14

Ntɔi, à nɛ ikpɛ̃ si kuwɛɛi Kirisi bii à waa leekĩ dim dim si naanɛ ku dasi iyi à nɛ hai sinte hee kɔɔɛ.

Ebɛɛ 6:19

Kpãa ku cɔ iyi à nɛu wa mu idɔ nwai dim dim bɛi isɔi akɔi inyi í ya gɛɛ akɔu. Kpãa ku cɔu wa leekĩi dim dim do anyii ridoo bi kuwai Ilaaɔ̃ lele.

Piɛɛ 1, 5:9

I kɔò ara nŋɛ si wajuɛ do naanɛ ku dasi nla nla domi ì mà ŋa kpaasi woo dasi Jesu naanɛ nŋɛ ŋa iyi à fangaa si andunya fei, ijuukpã dimi akãu bɛi à waa yɛ.

Ruutu 1:18

Iyi Naomi í yɛ iyi Ruutu í leekĩ si nŋu ku tooɛ ŋɔi í coko kù waa manteɛ má.