Kolosee 2:4 - Bibeli do fee

⁴ Ǹ wa n sɔ̃ ŋɛ ide ŋau ihɛ̃i ku ba inɛ gɔ ku maà dĩ iju nŋɛ do gɛlɛ didɔ̃.

Kolosee 2:4 Iomraidhean Croise

Matie 24:24

Inɛ gɔ ŋa aa na a naa akã akã a maa ni aŋai à jɛ inɛ iyi Ilaaɔ̃ í cicau walakɔ a ni aŋai à jɛ walii ŋa amma iboi. Aa maa ce dobu dobu do maamaake ŋa ku ba a dĩ hee do ijui inɛ ŋa iyi Ilaaɔ̃ í cicau bii aa yɔkɔ.

Matie 24:4

Nɔ Jesu í jɛ nŋa í ni, i ce laakai ŋa inɛ gɔ ku maà na ku dĩ iju nŋɛ,

Maaku 13:22

Inɛ gɔ ŋa aa na a naa akã akã a maa ni aŋai à jɛ inɛ iyi Ilaaɔ̃ í cicau walakɔ a ni aŋai à jɛ walii ŋa amma iboi. Aa maa ce dobu dobu do maamaake ŋa ku ba a dĩ hee do ijui inɛ ŋa iyi Ilaaɔ̃ í cicau bii aa yɔkɔ.

Woo bɛ ŋa 20:30

Nɔ baa hai si inɔ nŋɛ inɛ gɔ ŋa aa kpaasi ntɔu ku ba ku jɛ ibo nɔ aa wa inyii itĩi woo dasi Jesu naanɛ ŋau a jɛò mɔcɔ nŋa.

Kɔrɛnti 1, 2:4

Si idem do si waazom n kù dɛdɛ n lɛlɛ ŋɛ do bisii amanɛ ŋa, amma ide ŋa iyi ǹ fɔ fei do gbugbãi Hundei Ilaaɔ̃i.

Kɔrɛnti 2, 11:3

Amma si bɛi Seetam njou í dĩ ijui Ɛfa wo do bisi laalɔɛ, ǹ wa n ce njo lasabu nŋɛ mɔ ku maa na ku sinda hai si kpãai Kirisi iyi ì waa too nsɛi ŋa do naanɛ hai nɛ muafiti.

Galati 2:4

A kù tilasiɛ baa do iyi inɛ gɔ ŋa iyi a kù jɛ inɛ nwa ŋa do ntɔ à lɔ wa si igbɛu à waa bi a tilasi inɛ fei ku ce bango. Inɛ ŋau woo zamba inɛ ŋai. À naai do bisi ku ba a bɛjɛ ara ku nɛ nwa si anu akã nwa do Jesu Kirisi nɔ a ce wa aru.

Efɛɛzu 4:14

Do yaase bɛɛbɛi a kaa ka jɛ bɛi amu ŋa má, hee cio ikã ikã ku maa tale wa ihɛ̃ walakɔ ihɔ̃ bɛi fufu í ya maa tale akɔi inyi bii fei. Nɔ inɛ ŋa a kaa dĩ iju nwa má hee má jɛ a wa inyii itĩ nwa do bisi laalɔ nŋa.

Efɛɛzu 4:17

Ide iyi ǹ wa n sɔ̃ ŋɛ do irii Lafɛ̃ɛ wee. I maà jɔ̀ i ya maa nɛ má bɛi hai dasi Jesu naanɛ ŋa iyi à waa too lasabu nfe nfe nŋa.

Efɛɛzu 5:6

I maà ya jɔ̀ inɛ gɔ ku dĩ iju nŋɛ do ide nfe, domi na nŋu bɛi í jɔ̀ idɔɔkɔ̃i Ilaaɔ̃ wa naa si irii inɛ ŋa iyi a kù waa jirimaɛ.

Kolosee 2:18

I maà jɔ̀ inɛ gɔ ku jɔ̀ i kua ribai ala nŋɛ ku dasi ŋɛ amaleka ŋa ku tɔɔ. Dimii amanɛ bɛɛbɛ ŋa à ya naai do idei ara ku kaye, amma do ntɔ à ya maa saabu ara nŋai na kuyɛ ŋa iyi à ya maa ce nɔ à ya maa tɔɔ fufu si lasabu nfe nfei amanɛ ŋa.

Kolosee 2:8

Nɔ i ya ce laakai ku ba inɛ gɔ ku maà na ku mu ŋɛ do taaɛ do bisii nŋu takaɛ walakɔ do ide ŋa iyi à ya dĩò ijui amanɛ ŋa. Mii nŋu ŋau bɛ wa naai hai si dedembai amanɛ ŋa do mii ndii andunya ŋa, kù jɛ hai bi Kirisi.

Timɔtee 2, 2:16

Amma waasu ide ŋa iyi a kù nɛ aranfãani gɔ nɔ a kaa sobi inɛ ŋa si naanɛ ku dasi nŋa, domi inɛ ŋa iyi à waa ce bɛɛbɛ à ya na a jĩò Ilaaɔ̃ a maa kooi.

Timɔtee 2, 3:13

Amma inɛ laalɔ ŋa do woo sɔ ibo ŋa waati kãma fei laalɔ nŋa í ya maa kɔ̃ɔsii. Si bɛi à waa dĩ ijui inɛ gɔ ŋa, bɛɛbɛ mɔi à waa dĩ ijui ara nŋa.

Zãa 1, 2:18

Iŋɛ amam ŋa, kɔɔi andunya í maai wa. Si bɛi ì gbɔ ŋa à ni inɛ gɔ iyi í jɛ mbɛɛi Kirisi á naa, wee nsɛi, mbɛɛi Kirisi nkpɔ í to wa. Ŋɔi í jɔ̀ à mà iyi kɔɔi andunya í maai wa.

Zãa 1, 2:26

Iyi ǹ kɔ nŋɛu ihɛ̃, ǹ kɔɔ wai na inɛ ŋa iyi à waa bi a dasi ŋɛ kurara.

Zãa 1, 4:1

Iŋɛ baakɔɔm ŋa, i maà ya naanɛ inɛ ŋa iyi à ya ni aŋa à nɛ Hundei Ilaaɔ̃ fei, amma i cɔ yaase nŋa mà à jɛ ti Ilaaɔ̃ ntɔ ntɔ, domi walii ilu ibo ŋa à waa kɔ̃i si andunyau ihɛ̃.

Zãa 2, 1:7

Woo wa inyii itĩ nkpɔi í fangaa si andunya, inɛ ŋa iyi a kù jɛsi iyi Jesu Kirisi í baa í jɛ amanɛ. Inɛ iyi wa ce bɛɛbɛ, woo wa inyii itĩi inɛi do mbɛɛi Kirisi.

Kuyɛi Zãa 12:9

Ŋɔi à nyɔ akandama nla nlau wa ilɛ. Akandamaui í jɛ njo iyi í wɛɛ hai tako. Nŋui à ya kpe woo yɛ taalei inɛ walakɔ Seetam. Nɔ nŋui í dĩ ijui inɛi andunya ŋa fei. À nyɔɔ wa ilɛ do amalekaɛ ŋa ajɔ.

Kuyɛi Zãa 13:8

Inɛi andunya fei á tɔɔɛ, waatɔ inɛ ŋa iyi Ilaaɔ̃ kù kɔ iri nŋa si tiai kuwɛɛ hee ku maa taka andunya, tia iyi í jɛ ti ama angudã iyi à kpau.

Kuyɛi Zãa 20:3

Nɔ í tale siɛ inɔ isa nlau í sɔkɔ siɛ nɔ í ce si nyinda ku ba ku maà fita ku dĩ ijui dimii inɛi andunya ŋa má hee adɔ̃ dubuu koo tãò. Si anyiɛ à nɛ a cũu nɔ a fũu si waati keeke má.

Kuyɛi Zãa 20:8

Nɔ á fita koo dĩ ijui dimii inɛi andunya ŋa fei, waatɔ Gɔgu do Magɔgu, nɔ ku tɔtɔɔ ŋa a ce igũ. Aa kpɔ bɛi sãai acĩi ido.