Kolosee 2:3 - Bibeli do fee

³ Bisi nla do kumài Ilaaɔ̃ fei wa singa siɛ.

Kolosee 2:3 Iomraidhean Croise

Ilaalu 1, 3:28

Inɛi Izirɛli fei í gbɔ bɛi ilaaluu í ce kiitiu. Nɔ inɛ fei wa jirimaɛ domi à yɛ iyi bisii Ilaaɔ̃ í wa siɛ í ceò kiitiu si ntɔ.

Zɔɔbu 28:21

Wa manjia amanɛ ŋa, nɔ yɛi ku fo lele ŋa a kaa yɔɔ.

Mɔnda ŋa 2:4

Jɔ̀ i dɛdɛ laakai bɛi isɔ fũfũ, jɔ̀ i dɛdɛɛ bɛi amani iyi wa singa.

Ezai 11:2

Hundei Aɔ̃ Lafɛ̃ɛ á wa siɛ, nɔ hundeui í ya jɔ̀ inɛ ku wũaa mii ŋa nɔ í ya jɔ̀ inɛ ku jɛ ilu laakai nɔ ku jɛ woo muaa inɛ ikɔ nɔ ku jɛ woo muaa inɛ gbugbã. Hundeui í ya jɔ̀ inɛ ku mà Aɔ̃ Lafɛ̃ɛ nɔ ku ya maa jirimaɛ.

Ezai 40:14

Yooi aŋaò à busi njɛ í naa ikɔ í bɛi í màò yaasei ngɔgɔ. Yooi í kɔɔ si kpãai mii iyi í jɛ asaiya. Yooi í kɔɔ si kumà. Yooi í kɔɔ si kpãai bisi.

Matie 10:26

Nɔ Jesu í ni má, do nŋu fei i maà ce njo nŋa ŋa, domi ngɔgɔ kù wɛɛ iyi wa manji iyi kaa fita gbugbãa, nɔ asii kãma kù wɛɛ iyi a kàa na a mà.

Luku 11:49

Ŋɔi í jɔ̀ Ilaaɔ̃ í fɔ si bisiɛ í ni, an bɛ walii ŋa do woo bɛ ŋa si anini nŋa. Aa kpa inɛ gɔ ŋa nɔ a kpã inɛ gɔ ŋa mɔ iju.

Romu 11:33

Irei ì gbɔ bɛi amanii Ilaaɔ̃ do bisiɛ do kumàɛ í la í to. Inɛ gɔ kaa yɔkɔ ku mà yaasei lasabuɛ. Inɛ gɔ mɔ kù nɔ kù wɛɛ iyi á mà kpãaɛ sãa sãa.

Kɔrɛnti 1, 1:24

Amma bi inɛ ŋa iyi Ilaaɔ̃ í kpe, baa bii à jɛ Zuifu walakɔ dimi mmu ŋa, Kirisii í jɛ gbugbãi Ilaaɔ̃ do bisiɛ.

Kɔrɛnti 1, 1:30

Ilaaɔ̃i í jɔ̀ ì nɛ anu akã do Jesu Kirisi ŋa. Nɔ Kirisii í jɛ bisii Ilaaɔ̃ bi tu wa na saabui anu akã nwau iyi à ce do nŋu. Kirisii í nya wa hai si dulum du wa. Do saabuɛi à jɛò dee dee nɔ à jɛò inɛi Ilaaɔ̃ ŋa.

Efɛɛzu 1:8

Didɔ̃ iyi í ce nwa í caa si bɛi í mu nwa bisi nla nla do laakai jiida.

Kolosee 1:19

Ilaaɔ̃ í bi nŋu ku wa si Amai nŋu mam mam.

Kolosee 1:28

Idei Kirisii à waa sisi, nɔ à waa sɔ̃ inɛ fei ku ce laakai, nɔ à kɔ ŋa si cioɛ do bisi baa yooma fei. À waa ce bɛɛbɛi ku ba inɛ fei ku jĩa si anu akãɛ do Kirisi ka bɛi ka tusɛ ŋa bi Ilaaɔ̃.

Kolosee 1:9

Na nŋu, hai waati iyi à gbɔ laabaau nŋɛ, waati kãma fei à ya ka maa ce nŋɛ kutɔɔi. À waa tɔɔ Ilaaɔ̃ ku jɔ̀ Hundeɛ ku mu nŋɛ bisi do laakai ku ba i mà idɔɔbiɛ ŋa mam mam.

Kolosee 3:16

I jɔ̀ idei Kirisi ku kɔ̃ mam mam si idɔ nŋɛ ŋa, nɔ ku mu nŋɛ bisi ntɔ ntɔ ku ba i kɔ njɛ si cio nɔ i mua njɛ gbugbã ŋa. I ya kɔ̃ iri i maa saabu Ilaaɔ̃ ŋa nɔ i jɔ̀ Hundeɛ ku maa nɛò ŋɛ si iri ku kɔ̃ nŋɛ ŋau.

Kolosee 3:3

domi ì ku si mii ndii andunya ŋa, kuwɛɛ titɔ̃ nŋɛ í nɔ wa singa do Kirisi bi Ilaaɔ̃.

Piɛɛ 2, 1:5

Na nŋu, i ce kookaai i kɔ̃ɔsi isɛɛnɛ jiida si naanɛ ku dasi nŋɛ, nɔ si isɛɛnɛ jiida i kɔ̃ɔsi kumà,

Kuyɛi Zãa 2:17

Inɛ iyi í nɛ itĩ, ku sotĩ ku gbɔ mii iyi Hundei Ilaaɔ̃ wa sɔ̃ igbɛi inɛi Jesu ŋa fei. Inɛ iyi í jɛ igũ, nŋui an mua mana iyi wa manji wo. Nɔ n muaa kuta fũfũ si bii à kɔ iri titɔ̃ɛ iyi inɛ gɔ kù mà bii kù jɛ nŋu iyi ǹ mua.