Kolosee 2:2 - Bibeli do fee

² Ǹ wa n ce bɛɛbɛi ku ba n mu nŋa gbugbã, nɔ a gbɔsi njɛ do kubi, nɔ kumà nŋa ku maa kɔ̃ɔsi, sika kãma ku maà wa si. Bɛɛbɛ mɔi aa mà asiii Ilaaɔ̃ iyi í jɛ Kirisi takaɛ.

Kolosee 2:2 Iomraidhean Croise

Ilaalu 1, 3:28

Inɛi Izirɛli fei í gbɔ bɛi ilaaluu í ce kiitiu. Nɔ inɛ fei wa jirimaɛ domi à yɛ iyi bisii Ilaaɔ̃ í wa siɛ í ceò kiitiu si ntɔ.

Iri ku kɔ̃ 133:1

Iri ku kɔ̃i kutɔɔ ku bɔ ku ce. Iriu ihɛ̃ ti Davidii. Í sĩa nɔ í jɛ inɔ didɔ̃, bii nyaanze akã ŋa à wa inya akã.

Ezai 32:17

Mii iyi dee dee ku jɛu á naaò wai í jɛ laakai ku sũ. Nɔ dee dee ku jɛui á naaò kusĩmi wa do laakai ku sũ hee do ajɔ fei.

Ezai 40:1

Aɔ̃ Lafɛ̃ɛ nŋɛ í ni, i tũ idɔi inɛm ŋa ntɔ ntɔ ŋa.

Ezai 53:11

Ŋɔi Aɔ̃ Lafɛ̃ɛ í ni, si anyii wahala ŋa iyi woo ce icɛm nɔu á bau, á nyi ku yɛ inya kumái kuwɛɛ má hee ku too. Nɔ na saabui kumà iyi woo ce icɛm nɔu í nɛ, nŋu iyi í jɛ dee deeu, á jɔ̀ inɛ nkpɔ ku jɛ dee dee, nŋu iyi í so kurara nŋa ŋau.

Zeremi 9:24

Ŋɔi Aɔ̃ Lafɛ̃ɛ í ni má, ajɔ wa naa si bii an na n naa si inɛ ŋa iyi à waa ni aŋa à ce bango ŋa.

Matie 11:25

Waati bɛɛbɛ ŋɔi Jesu í ni, Baaba, awɔ iyi ì jɛ Lafɛ̃ɛi lele do ilɛ, ǹ wa n saabuɛ do iyi ì singaa ilu bisi do woo mà ŋa mii ŋau ihɛ̃ nɔ ì nyisi amu ŋa.

Matie 11:27

Nɔ í sɔ̃ inɛ ŋa í ni, Baam nii í daam mii fei si awɔ. Inɛ kãma kù mà amu Amau bii kù jɛ Baau. Nɔ inɛ kãma kù mà Baau bii kù jɛ amu Amau do inɛ ŋa iyi ǹ bi n nyisi ŋa.

Matie 13:11

Nɔ í sɔ̃ ŋa í ni, iŋɛi Ilaaɔ̃ í jɔ̀ ì mà asiii bommaɛ ŋa. Amma kù jɔ̀ inɛ ŋa iyi à gbe ŋau a màa.

Luku 1:1

Baakɔɔm Teofili, ilu bɛɛrɛ nla, ǹ wa n ceɛ fɔɔ. Í sĩaam si n kɔɛ tiau ihɛ̃ wa n sɔ̃ɛ dee dee mii iyi í ce si anini nwa. Inɛ ŋa iyi à yɔɔ hai sinte, nɔ à baa à jɛ woo ce icɛi ideu, aŋai à sɔ̃ wa. Iyi inɛ ŋa à gbɔɔ, inɛ nkpɔ nkpɔi í ce kookaai ku ba a kɔɔ dee dee. Nɔ í sĩaam si amu mɔ n kɔɛ wa ku ba i mà kãm kãm iyi ide ŋa iyi à kɔɛ siu ntɔi, domi ǹ wũa ideu fei hai sinteɛ.

Laabaau jiida iyi Zãa í kɔ 10:30

Nɔ amu do Baam fei akãi.

Laabaau jiida iyi Zãa í kɔ 10:38

Amma bii ǹ wa n coo, baa bii i kù dasim naanɛ ŋa, i dasi icɛm naanɛ ku ba i mà sãa sãa ŋa iyi Baaba í wa sim nɔ amu mɔ ǹ wa si Baaba.

Laabaau jiida iyi Zãa í kɔ 16:15

Mii iyi Baaba í nɛ fei, tom nii. Ŋɔi í ce ǹ ni Hundei Ilaaɔ̃u á gbɔ idem ku sisi nŋɛ.

Laabaau jiida iyi Zãa í kɔ 17:3

Kuwɛɛ hai tãui í jɛ inɛ ŋa a màɛ, awɔ Ilaaɔ̃ akã ilu ntɔu, nɔ a màm, amu Jesu Kirisi iyi ì bɛ wau.

Laabaau jiida iyi Zãa í kɔ 5:17

Amma Jesu í sɔ̃ ŋa í ni, Baam í ya maa ce icɛi waati kãma fei, bɛɛbɛ mɔi amu takam ǹ wa n ce.

Laabaau jiida iyi Zãa í kɔ 5:23

ku ba inɛ fei ku saalu amu Amau si bɛi à waa saalu Ilaaɔ̃ Baaba. Inɛ iyi kù saalu amu Amau, Baaba iyi í bɛm wai kù saalu.

Laabaau jiida iyi Zãa í kɔ 6:69

Awa à dasi naanɛ nɔ à mà kãm kãm iyi awɔi ì jɛ Inɛ Kumá iyi í naa hai bi Ilaaɔ̃.

Woo bɛ ŋa 4:32

Akpɔi woo dasi Jesu naanɛ ŋau í kɔ̃ɔsi nɔ aŋa fei à nɛ anu akã. Inɛ gɔ ci ya ni mii iyi nŋu í nɛ ti nŋu akãi amma mii iyi à nɛ fei ti aŋa feii.

Romu 15:13

Nsɛi, Ilaaɔ̃ nŋu iyi wa mu nwa kpãa ku cɔ ku mu nŋɛ inɔ didɔ̃ do laakai ku sũ fei na naanɛ iyi ì dasi ŋa ku ba kpãa ku cɔ nŋɛ ku la si gbugbã iyi Hundei Ilaaɔ̃ í mu nŋɛ.

Romu 16:25

Ka saabu Ilaaɔ̃, nŋu iyi á yɔkɔ ku mu nŋɛ gbugbã na saabui laabaau jiida do idei Jesu Kirisi iyi ǹ wa n ce waazoɛu. Ideui wa nyisi wa asii iyi wa singa wo hai ku kpɛ.

Romu 2:4

Mà ì donda kulai jiida ku jɛɛ do temuaɛ do suuru ku nɛɛi. I kù mà iyi jiida ku jɛi Ilaaɔ̃ í mɔsi wa koo si gãmɛɛ ku ba i kpaasi idɔɛ?

Kɔrɛnti 1, 14:31

Iŋɛ fei aa yɔkɔ i ce walii akã akã ku ba inɛ fei ku ba ikɔ nɔ i ba gbugbã ŋa.

Kɔrɛnti 1, 2:12

Awa, kù jɛ lasabui andunyai à ba, amma Hundei Ilaaɔ̃i à ba, ku ba ka mà mii iyi Ilaaɔ̃ í mu nwa si didɔ̃ɛ.

Galati 3:28

Iŋɛ fei ì jɛ akã si anu akã nŋɛ iyi ì ce do Jesu Kirisi ŋa. Na nŋu, inɛ gɔ kù jɛ ikã, hai Zuifu ŋa hee do dimi mmu ŋa, hai aru ŋa do inɛ ŋa iyi à nɛ ara nŋa, hai inaabo ŋa hee do inɛmɔkɔ ŋa.

Efɛɛzu 1:7

Do saabui njɛi Jesui Ilaaɔ̃ í ya wa nɔ í kpa idei dulum du wa si didɔ̃ nlaɛ iyi í nyisi wa.

Efɛɛzu 3:16

Ǹ wa n tɔɔɛ ku jɔ̀ Hundeɛ ku mu nŋɛ gbugbã jiida jiida si idɔ nŋɛ si bɛi amboeɛ í la í to,

Efɛɛzu 3:3

do si bɛi nŋu takaɛ í jɔ̀ ǹ mà asiiɛ. Wee ǹ kɔ ideu keeke tã.

Efɛɛzu 6:22

Na ŋɔi í ce ǹ bɔɔ wa si ŋɛ ku naa ku sɔ̃ ŋɛ bɛi à wɛɛò ku ba ku tũ idɔ nŋɛ.

Filipi 2:1

Ì mà sãa sãa ŋa, naanɛ iyi ì dasi Kirisi ŋa wa mu nŋɛ gbugbã. Kubiɛ wa dasi ŋɛ himma. Hundei Ilaaɔ̃ í jɔ̀ ì nɛ anu akã ŋa. Araarei Kirisi do jiida ku jɛɛ í wa si anini nŋɛ.

Filipi 3:8

Ǹ doo fei ndɛɛ fei mɔm bɛi mii hai nɛ bɛɛrɛ na ide iyi í nɛ amboe í re. Ideu nŋui í jɛ Jesu Kirisi Lafɛ̃ɛm iyi ǹ mà. Na iriɛi ǹ jɔ̀ mii fei, ǹ doo aŋa fei bɛbɛi bɛi riisi iyi à kpã ku ba n nɛ Kirisi,

Kolosee 1:26

Ideu, asiii iyi í singaa inɛ fei hai ku kpɛ, amma nsɛi í nyisi inɛɛ ŋa.

Kolosee 1:27

Í nyisi ŋai si na iyi í jɔ̀ wa bi a mà bɛi asiii nŋu í nɛ bɛɛrɛ do yiiko si anini dimi mmu ŋa. Asiiu wee. Kirisi í wa si ŋɛ, nɔ wa mu nŋɛ kpãa ku cɔ iyi iŋɛ mɔ aa ba ikpɛ̃ si amboei Ilaaɔ̃ ŋa.

Kolosee 1:9

Na nŋu, hai waati iyi à gbɔ laabaau nŋɛ, waati kãma fei à ya ka maa ce nŋɛ kutɔɔi. À waa tɔɔ Ilaaɔ̃ ku jɔ̀ Hundeɛ ku mu nŋɛ bisi do laakai ku ba i mà idɔɔbiɛ ŋa mam mam.

Kolosee 2:19

Inɛ ŋau a kù waa leekĩ si Kirisi, nŋu iyi í jɛ iri nɔ siɛi ara fei í tɔtɔɔ do ikɔ̃ ikɔ̃ɛ nɔ í ba gbugbã wa lá bɛi Ilaaɔ̃ í bi.

Kolosee 3:14

Iyi í re mɔm i bi njɛ ŋa. Kubiui á jɔ̀ i ya maa gbɔsi njɛ jiida jiida ŋa.

Kolosee 4:3

Nɔ i ce nwa kutɔɔ ŋa ku ba Ilaaɔ̃ ku fũ nwa kpãa ka waazo ideɛ, ku ba ka yɔkɔ ka sisi asiii Kirisi. Na asiiui ǹ waò piisɔ̃ɔ nsɛi.

Kolosee 4:8

Ǹ wa n bɔɔ wai bi tu ŋɛ ku sɔ̃ ŋɛ bɛi à wɛɛò, nɔ ku tũ idɔ nŋɛ.

Tɛsalonika 1, 1:5

Nɔ laabaau jiida iyi à sisi nŋɛ wo kù naa bi tu ŋɛ do ide nŋu akã, amma do gbugbãi í naa, do sobii Hundei Ilaaɔ̃ ajɔ, nɔ sika kãma kù wa si. Iŋɛ taka nŋɛ ì mà bɛi à jɛ kuwɛɛ nwa si anini nŋɛ na aranfãani nŋɛ.

Tɛsalonika 1, 3:2

Nɔ à bɛ Timɔtee inɛ nwa iyi wa ce icɛ do Ilaaɔ̃ ajɔ́ si icɛi laabaau jiidai Kirisiu. À bɔɔ bi tu ŋɛ ku ba ku sobi ŋɛ i leekĩ si dim dim ŋa, nɔ ku mu nŋɛ gbugbã si naanɛ ku dasi nŋɛu,

Tɛsalonika 1, 5:14

À waa tɔɔ ŋɛ iŋɛ inɛ nwa ŋa, i sɔ̃ ilu ika ŋa a ce laakai. Inɛ ŋa iyi à mɔngɔ munya, i mu nŋa gbugbã. I sobi hai nɛ gbugbã ŋa. I temua do inɛ fei ŋa.

Timɔtee 1, 3:16

Do ntɔ, inɛ gɔ kù wɛɛ iyi á yɔkɔ ku jã kulai asiii kpãai Ilaaɔ̃ ku tɔɔ nwa. Kirisi í baa í jɛ amanɛ nɔ à yɔɔ, nɔ Hundei Ilaaɔ̃ í jɔ̀ à mà iyi inɛ dee deei. Amaleka ŋa mɔ à yɔɔ. Inɛ ŋa à waazo ideɛ si dimi baa yooma fei. Nɔ à dasi ideɛ naanɛ si andunya. Nɔ à soo lele í nyi si amboeɛ.

Ebɛɛ 10:22

Na nŋu, ka sɛkɛɛ si Ilaaɔ̃ do idɔ hai nɛ muafiti do naanɛ ku dasi hai nɛ sika, do idɔ kumá iyi kù waa yɛ taale nwa do ara iyi à wɛ do inyi iyi í má.

Ebɛɛ 6:11

Amma à bi inɛ baa yooma nŋɛ fei ku hanya do iju nkpa ku leekĩ si ideu hee kɔɔɛ ku ba mii iyi ì waa cɔ kpãaɛ ŋau ku ce mam mam.

Piɛɛ 2, 1:10

Na nŋu, iŋɛ inɛm ŋa, i kɔ̃ɔsi himma ku ba i mà sãa sãa iyi Ilaaɔ̃i í kpe ŋɛ nɔ í cica ŋɛ, domi bii ì waa ce bɛɛbɛ ŋa, i kaa dasi dulum ajɔ kãma ŋa.

Piɛɛ 2, 1:3

Gbugbãi Ilaaɔ̃ í mu nwa bukaatai mii iyi à bi fei ku ba kuwɛɛ nwa do kutɔɔ nwa ku maa bɔ waju. Nɔ í ce bɛɛbɛi si bɛi í jɔ̀ à màa, nŋu iyi í kpe wa ka ba ikpɛ̃ si amboeɛ do si jiida ku jɛɛ.

Piɛɛ 2, 3:18

Amma didɔ̃i Lafɛ̃ɛ woo faaba nwa Jesu Kirisi ku maa kɔ̃ɔsi si ŋɛ, nɔ kumà iyi ì nɛ si gãmɛɛ ŋa ku kɔ̃ɔsi ku maa koo. Nŋui í jɛ ilu amboe hai nsɛi hee do ajɔ fei. Ami.

Zãa 1, 3:19

Njɛ ku bi si kuce nwa á jɔ̀ ka mà iyi à jɛ ti ntɔ, nɔ laakai nwa á maa sũi bi Ilaaɔ̃.

Zãa 1, 5:7

Woo jɛ sɛɛda ŋau aŋa mɛɛtai à wɛɛ.