Kolosee 2:18 - Bibeli do fee

¹⁸ I maà jɔ̀ inɛ gɔ ku jɔ̀ i kua ribai ala nŋɛ ku dasi ŋɛ amaleka ŋa ku tɔɔ. Dimii amanɛ bɛɛbɛ ŋa à ya naai do idei ara ku kaye, amma do ntɔ à ya maa saabu ara nŋai na kuyɛ ŋa iyi à ya maa ce nɔ à ya maa tɔɔ fufu si lasabu nfe nfei amanɛ ŋa.

Kolosee 2:18 Iomraidhean Croise

Kusintii Andunya 3:13

Ŋɔi Aɔ̃ Lafɛ̃ɛ í bee abou í ni, mii í jɔ̀ ì ce bɛɛbɛ. Ŋɔi abou í jɛ í ni, njòi í dĩ ijum ǹ bɛi ǹ jɛ.

Zɔɔbu 38:2

yooi ì jɛ iyi ì waa bɛjɛ yaase bɛi ǹ jilɛ si bɛi ì waa fɔ idei mii iyi i kù mà.

Ezai 57:9

Ì ce isɛɛnɛ ì bɔ bi iwɛ̃ɛ do amuai ikpo ŋa. Ì fãsi araɛ tuae ku dɔ̃ inunu ŋa, nɔ ì bɛ inɛ ŋa hai ihɛ̃ à bɔ hee jĩijĩ. Ì jɔ̀ à bɔi hee bi kuwai iku ŋa.

Ezekiɛli 13:3

Sɔ̃ ŋa iyi amu Aɔ̃ Lafɛ̃ɛ ǹ ni, laalɔi á ba aŋa walii hai nɛ yaase ŋau. Aŋa iyi lasabui idɔ nŋai à ya maa ceò icɛ, a ci ya yɛ nkãma.

Daniɛli 11:38

Amma do nŋu fei, á ya tɔɔ iwɛ̃ iyi wa degbe ile ku nɛ gbugbã ŋau. Iwɛ̃ iyi bɛ, balaɛ ŋa a kù màa mɔm. Á ya ceaa amuai wura do amuai isɔ fũfũ, do amuai kuta ku nɛ bɛɛrɛ ŋa, do jĩnɛ mmu ku nɛ bɛɛrɛ ŋa má.

Kuka 25:18

domi à nyisi iyi aŋa à jɛ mbɛɛ nŋɛ ŋa do yaase bɛi à zamba ŋɛ do bisi nŋa si idei Peɔɔ do si idei Kɔzubi ama inaaboi inɛ akãi inɛ ngboi inɛi Madiãa ŋa iyi à kpa si ajɔi ijuukpãi Peɔɔu.

Matie 24:24

Inɛ gɔ ŋa aa na a naa akã akã a maa ni aŋai à jɛ inɛ iyi Ilaaɔ̃ í cicau walakɔ a ni aŋai à jɛ walii ŋa amma iboi. Aa maa ce dobu dobu do maamaake ŋa ku ba a dĩ hee do ijui inɛ ŋa iyi Ilaaɔ̃ í cicau bii aa yɔkɔ.

Romu 1:25

Inɛ ŋau à kpaasi ntɔi Ilaaɔ̃ do ibo. Mii ŋa iyi Ilaaɔ̃ í taka ŋai à waa tɔɔ à waa ce nŋa icɛ, kù jɛ Ilaaɔ̃ takaɛ. Ilaaɔ̃i à nɛ ka maa saabu hee do ajɔ fei. Ami.

Romu 16:18

domi inɛ dimi bɛɛbɛ ŋa a kù waa cea Kirisi Lafɛ̃ɛ nwa icɛ, í gbe inɔi aŋa taka nŋa. Do ide didɔ̃ do idei inɛ ku lɛlɛ nŋa ŋaui à ya wa inyii itĩi inɛ ŋa iyi a ci ya ce laakai.

Kɔrɛnti 1, 13:4

Kubi í ya temua, í ya nɔ ku ce mii jiida, ci ya ja igu, ci ya so araɛ lele, nɔ ci ya jɛ ilu faau.

Kɔrɛnti 1, 3:3

si na iyi í jɔ̀ ì waa too idɔɔbii ara titã ŋa. Ntɔ ntɔ, igu do kakɔɔ í wa si anini nŋɛ, nɔ iyi bɛ wa nyisi iyi ì waa too idɔɔbii ara nŋɛi. Isɛɛnɛ nŋɛ ŋa mɔ í yɛi bɛi ti inɛi andunya ŋa.

Kɔrɛnti 1, 4:18

Wee nsɛi inɛ gɔ ŋa à waa tamaa bɛi n kaa n nyi wa bɛ mái, ŋɔi í jɔ̀ à waa so ara nŋa lele.

Kɔrɛnti 1, 4:6

Iŋɛ kpaasim ŋa, ǹ so idei amu do Apolou ihɛ̃i ku ba n na ŋɛ ikɔ. Ǹ bi yaase nwa ku nyisi ŋɛ bɛi aa ce i leekĩ si kukɔi idei Ilaaɔ̃ ŋa. Inɛ kãma nŋɛ ku maà tɔɔò inɛ gɔ fufu nɔ ku jɔ̀ inɛ gɔ.

Kɔrɛnti 1, 8:1

Nsɛi si idei mii iyi à ceò kuwee ǹ lɔ si. Ntɔi awa fei à nɛ kumà si bɛi ì fɔ ŋa. Kumà í ya jɔ̀ inɛ ku nɛ faaui, amma kubi í ya sobi inɛ.

Kɔrɛnti 1, 9:24

Iŋɛ fei ì mà ŋa si gaasai kusɛi inɛ feii í ya sɛi amma inɛ akãi í ya ba ribaɛ. Na nŋu, i hanya ku ba i ba ribaɛ ŋa.

Kɔrɛnti 2, 11:3

Amma si bɛi Seetam njou í dĩ ijui Ɛfa wo do bisi laalɔɛ, ǹ wa n ce njo lasabu nŋɛ mɔ ku maa na ku sinda hai si kpãai Kirisi iyi ì waa too nsɛi ŋa do naanɛ hai nɛ muafiti.

Kɔrɛnti 2, 12:20

Ǹ wa n ce njo bii ǹ na ǹ to wa bi tu ŋɛ n maa n na n ba ŋɛ bɛi n kù bi, iŋɛ mɔ, i maa ti i na i bam bɛi i kù bi ŋa. Ǹ wa n ce njo ija do igu ku maà wa si ŋɛ, do idɔɔkɔ̃, do njɛ ku wã, do arabu ŋa, do irii inɛ ku sɔ, do faau, do mii hai nɛ yaase.

Efɛɛzu 4:17

Ide iyi ǹ wa n sɔ̃ ŋɛ do irii Lafɛ̃ɛ wee. I maà jɔ̀ i ya maa nɛ má bɛi hai dasi Jesu naanɛ ŋa iyi à waa too lasabu nfe nfe nŋa.

Efɛɛzu 5:6

I maà ya jɔ̀ inɛ gɔ ku dĩ iju nŋɛ do ide nfe, domi na nŋu bɛi í jɔ̀ idɔɔkɔ̃i Ilaaɔ̃ wa naa si irii inɛ ŋa iyi a kù waa jirimaɛ.

Filipi 3:14

Bɛɛbɛi ǹ ce ǹ wa n bɔò waju bɛi inɛ iyi wa ce gaasai kusɛi, ku ba n ba riba iyi Ilaaɔ̃ wa kpe wa ka na ka gba lele do saabui Jesu Kirisi.

Kolosee 2:23

Ntɔi, bii ì waa cɔ wooda ŋau, aa ni à sĩai domi aa sobi wa ka jirima kpãai Aɔ̃ ku tɔɔ gɔ, nɔ aa jɔ̀ ka kaye ara nwa, nɔ ka kpã ara nwa iju, amma a kaa sobi wa ka kãmiaò ara nwa.

Kolosee 2:4

Ǹ wa n sɔ̃ ŋɛ ide ŋau ihɛ̃i ku ba inɛ gɔ ku maà dĩ iju nŋɛ do gɛlɛ didɔ̃.

Kolosee 2:8

Nɔ i ya ce laakai ku ba inɛ gɔ ku maà na ku mu ŋɛ do taaɛ do bisii nŋu takaɛ walakɔ do ide ŋa iyi à ya dĩò ijui amanɛ ŋa. Mii nŋu ŋau bɛ wa naai hai si dedembai amanɛ ŋa do mii ndii andunya ŋa, kù jɛ hai bi Kirisi.

Timɔtee 1, 1:7

À bi aŋa a jɛ woo kɔ inɛ ŋa si cioi woodai Ilaaɔ̃, amma aŋa taka nŋa a kù mà yaasei ide iyi à waa fɔ baa do iyi à waa fɔɔ do naanɛ nla nla.

Timɔtee 1, 4:1

Hundei Ilaaɔ̃ í fɔ dee dee í ni si awaatii ankãanyi inɛ gɔ ŋa aa jɔ̀ kpãai naanɛ ku dasi, a maa jirima idei woo dĩ ijui inɛ ŋa do kukɔsii Seetam.

Piɛɛ 2, 2:14

Iju nŋa fei si abo kaafe ŋai í ya wa, dulum ci ya to ŋa. À ya mu inɛ ŋa iyi a kù waa leekĩ dim dim do taa. Idɔ nŋa í nɛ dɔ̃ɔnɛi binɛ. Ilaaɔ̃ í ceekpe ŋa.

Zãa 1, 2:26

Iyi ǹ kɔ nŋɛu ihɛ̃, ǹ kɔɔ wai na inɛ ŋa iyi à waa bi a dasi ŋɛ kurara.

Kuyɛi Zãa 12:9

Ŋɔi à nyɔ akandama nla nlau wa ilɛ. Akandamaui í jɛ njo iyi í wɛɛ hai tako. Nŋui à ya kpe woo yɛ taalei inɛ walakɔ Seetam. Nɔ nŋui í dĩ ijui inɛi andunya ŋa fei. À nyɔɔ wa ilɛ do amalekaɛ ŋa ajɔ.

Kuyɛi Zãa 13:14

Í dĩ ijui inɛi andunya ŋa do dobu dobu ŋa iyi í ce si wajui mɛɛmu sinte iyi í náa gbugbãu. Wa sɔ̃ inɛi andunya ŋa a gbe mii iyi á jɔ mɛɛmu sinte iyi à tako à mɛɛ do taakuba nɔ kù kuu.

Kuyɛi Zãa 13:8

Inɛi andunya fei á tɔɔɛ, waatɔ inɛ ŋa iyi Ilaaɔ̃ kù kɔ iri nŋa si tiai kuwɛɛ hee ku maa taka andunya, tia iyi í jɛ ti ama angudã iyi à kpau.

Kuyɛi Zãa 19:10

Ŋɔi ǹ sɛɛbata ku ba n tɔɔɛ, amma í ni, maà ce bɛɛbɛ. Amu mɔ woo ce icɛi bɛi awɔ do bɛi kpaasiɛ ŋa iyi à waa mu ide ntɔ iyi Jesu í nyisi wau. Tɔɔ Ilaaɔ̃. Ide ntɔ iyi Jesu í nyisi wau nŋui í jɛ icui idei walii fei.

Kuyɛi Zãa 3:11

An nyi wa kaa kpɛ. Naanɛ iyi ì nɛ ŋa, i muu dim dim ŋa ku ba inɛ gɔ ku maà na ku gba ribai igũ ku jɛ nŋɛ.