Kolosee 2:16 - Bibeli do fee

¹⁶ Na nŋu, i maà ya jɔ̀ inɛ gɔ ku yɛ taale nŋɛ si ijɛ do si mii ku mɔ. I maà jɔ̀ inɛ gɔ ku tilasi ŋɛ i maa jirimaò wooda ŋa iyi à jilɛ na ajɔi jingau ŋa iyi à ya ce adɔ̃ do adɔ̃ walakɔ jingaui cukpa titɔ̃ walakɔ ajɔi kusĩmi.

Kolosee 2:16 Iomraidhean Croise

Ilaalu 2, 4:23

Ŋɔi mɔkɔɛu í beeɛ í ni, kù jɛ cukpa titɔ̃ walakɔ ajɔi kusĩmi nnyi, na mii í ce ì waa dɛ ku bɔ bi Elizee. Ŋɔi í jɛaa í ni, ide kãma kù ce.

Bomma 1, 23:31

nɔ a ya maa ceaa kuwee waati kãma fei, si ajɔi kusĩmi ŋa do si cukpa titɔ̃ ŋa do jingau ŋau si bɛi í jilɛ nŋau.

Bomma 2, 31:3

Ŋɔi ilaaluu í na mbɔi amaniɛ ŋa a ya ceò kuweei alɛò daakɔ fei iyi à ya jo si ina fei sãa sãa do ti ajɔi kusĩmi ŋa do ti cukpa titɔ̃ ŋa do ti jingau ŋau, si bɛi à kɔɔ si woodai Aɔ̃ Lafɛ̃ɛ.

Neemi 10:31

À ce kuwã ka maà mua dimi mmui ilɛ ŋa mudɛ̃ɛ nwa ŋa, nɔ ka maà so mudɛ̃ɛ nŋa ŋa ka na ama nwa ŋa.

Neemi 10:33

À jilɛa ara nwa wooda ka ya ce amuai isɔ fũfũ garamu mɛɛ na icɛi kpasɛ̃i Aɔ̃ Lafɛ̃ɛ nwa si adɔ̃ akã fei.

Neemi 8:9

Waati iyi zamaau wa gbɔ idei woodau, aŋa fei à wasi ku kpatai. Amma Neemi ilu ilɛu do Ɛsidarasi iyi í jɛ woo wee do woo kɔ inɛ ŋa si woodau do inɛi Levii ŋa iyi à sisia zamaau yaasei woodau à sɔ̃ ŋa à ni, i maà jɔ̀ inɔ nŋɛ ku fɔ i maa kpata ŋa. Ajɔi nnyiu ihɛ̃, ajɔi inɔ didɔ̃i iyi à nya ikã kú jɛ ti Aɔ̃ Lafɛ̃ɛ nŋɛ.

Iri ku kɔ̃ 42:4

Idũ do dasã, cikãajui í ya jɛ sɔndam, domi inɛ ŋa à ya beem a maa ni hee iwoi Ilaaɔ̃ Lafɛ̃ɛm nɔu í wa.

Iri ku kɔ̃ 81:3

I kɔ̃a iri, i cãa bata ŋa. I cũu do mɔɔlɔ ŋa, nɔ i fãa yee ŋa.

Ezai 1:13

Amua nŋɛ ŋau a kù nɛ aranfãani kãma. I maà naaò wa má. I leekĩ cuai kuwee nŋɛ ŋau ŋa, domi mii laalɔi bi tom. I leekĩ jingaui cukpa titɔ̃ ŋau ŋa do ti ajɔi kusĩmi ŋau hee do ti iyi à gbe ŋau fei. N kaa n gba kutɔɔ iyi í tɔtɔɔò laalɔ.

Ezekiɛli 4:14

Ŋɔi ǹ ni, Aɔ̃ Lafɛ̃ɛ ǹ mu aram nii si mii iyi kù maaju fei. N kù ŋɔ mɛɛmu gɔ iyi í ku do araɛ walakɔ iyi mɛɛmu gɔ í kpa hai awaasũm hee ku baa nnyi. Nɔ iŋa hai maaju kãma gɔ kù lɔ gɛlɛm.

Ezekiɛli 45:17

Amanluui á ya na mii ŋa iyi aa ya ceò kuwee iyi à ya jo si ina fei sãa sãa, do kuweei iyafũ ŋa do ti atɛ̃ vɛ̃ɛ ŋa si waatii jingau ŋa iyi à jɛ ti cukpa titɔ̃, do ti ajɔi kusĩmi ŋa, do ti awaati mmu gɔ ŋa bii inɛi Izirɛli ŋau aa ya tɔtɔɔ. Amanluui á ya so asoi kuwee iyi í ya kpa idei dulum ŋa do ti iyafũ ŋa, do kuwee iyi à ya jo si ina fei sãa sãa, do ti anu akã, ku ba n cea inɛi Izirɛli ŋau suurui dulum du ŋa.

Kuwee 16:31

Aa nya ajɔu ikã ŋai ku jɛ ajɔi kusĩmi nŋɛ do anu ku dĩ. Wooda nŋu bɛi aa maa too si hee do ajɔ fei ŋa.

Amɔsu 8:5

Iŋɛ iyi ì waa ni, waati yoomai cukpa titɔ̃ á lɔ ka bɛi ka naaò amaajɛ nwa ŋa ku ta wa. Waati yoomai ajɔi kusĩmi á lɔ ka bɛi ka cĩ suu nwa ŋa. Aa ka kaye gũai nɔ ka kɔ̃ɔsi fia. Aa ka fɔtɔtɔi kilooi ka zambaò inɛ ŋa.

Kuka 10:10

Si ajɔi inɔ didɔ̃ nŋɛ ŋa, do si ajɔi jingau nŋɛ ŋa, do waatii cukpa titɔ̃ nŋɛ ŋa, aa ya fã kãakãakĩ ŋai si waati iyi ì waa ce kuwee iyi à ya jo si ina fei sãa sãau ŋa, do kuweei anu akã ŋa, nɔ nŋu ŋau bɛi á jɔ̀ n maa ye gigii nŋɛ. Amui ǹ jɛ Aɔ̃ Lafɛ̃ɛ nŋɛ.

Matie 15:11

Kù jɛ mii iyi wa lɔ hai do gɛlɛi amanɛi í ya dasiɛ riisi. Amma mii iyi í ya fita hai si gɛlɛi amanɛi á dasiɛ riisi.

Maaku 7:19

Kaa dasiɛ riisi, domi ijɛ kaa lɔ si idɔi inɛ bii kù jɛ si inɔɛ, nɔ ku bɛi ku fita hai si araɛ. Jesu í fɔ bɛɛbɛi ku ba ku sɔ̃ ŋa iyi ijɛ kãma kù jɛ iwɔ̀.

Woo bɛ ŋa 15:20

Amma ka ce nŋa tia ka sɔ̃ ŋa a maà ya jɛ ijɛi kuwee, nɔ a maà ya tɔtɔɔ sɛ̃ɛ do inaabo mmu gɔ walakɔ inaabo mɔ do mɔkɔ mmu gɔ, a maà ya ŋɔ iŋai mɛɛmu iyi a kù saka, nɔ a maà ya jɛi njɛi iŋa.

Romu 14:10

To, bii bɛɛbɛi, na mii í ce awɔ ì waa yɛ taalei kpaasiɛ. Mà na mii í ce ì waa donda kpaasiɛ. Awa feii aa ka leekĩ ajɔ akã si wajui Ilaaɔ̃ ku kiiti nwa.

Galati 4:10

Ì ya maa na ajɔi jingau gɔ ŋa gbugbã ŋa, do cukpa gɔ ŋa do waati gɔ ŋa do adɔ̃ gɔ ŋa.

Kolosee 2:20

Ì ku do Kirisi ajɔ ŋa si mii ndii andunya ŋa. To, na mii í ce ì waa ce kuwɛɛ nŋɛ bɛi inɛ ŋa iyi à jɛ ti andunya. Na mii í ce ì jɔ̀ à kãa nŋɛ wooda, aŋa iyi à ya ni,

Ebɛɛ 13:9

I maà ti i jɔ̀ a fa ŋɛ si kukɔsi ikã ikã, domi í sĩa idɔ nwa ku maa leekĩ si didɔ̃i Ilaaɔ̃, ku maà jɛ si iwɔ̀i ijɛ ku jɛ ŋa. Inɛ ŋa iyi à waa too kpãau bɛ fei a kù ba aranfãani kãma.

Ebɛɛ 9:10

Mii ŋau bɛ fei wa fɔ idei kujɛ do kumɔ do ara ku wiɛ dimi ikã ikã. Woodai ara nŋu akãi iyi Ilaaɔ̃ í jilɛ hee titɔ̃ɛ ku maa naa.

Zaaki 4:11

Iŋɛ kpaasim ŋa, i maà ya kiiti njɛ ŋa. Inɛ iyi wa sɔ̃ kpaasiɛ laalɔ, laalɔi woodai wa fɔ. Inɛ iyi wa kiiti kpaasiɛ, woodai wa kiiti. Wee bii ì waa kiiti woodau i kù jɛ inɛ iyi wa jirimaɛ, amma ì jilɛ araɛ si agbɛi woo kiitiui.

Samuɛli 1, 20:18

Nɔ í ni má, alai jingaui cukpa titɔ̃ nɔ a kaa yɛɛ bɛ domi agbɛɛ á gbe ngbɛ.

Samuɛli 1, 20:5

Nɔ Davidi í ni, wee ala jingaui cukpa titɔ̃i, nɔ awaò ilaalu à nɛ ka buba ka jɛ ajɔ. Jɔ̀ n koo n manji inɔ sako hee ku to alɛi ajɔ mɛɛtasiau.