Kolosee 2:15 - Bibeli do fee

¹⁵ Bɛɛbɛi í kãmiaò gbugbãi lele ŋa do ilu yiiko ŋa í dasi ŋa anyɔ si bantuma. Do ikui Amaɛ si antaii jĩi ku gaauui í kãmiaò ŋa nɔ wa dabiiò ŋa si inɔ ilu bɛi ilaalu ŋa à ya dabiiò inɛ ŋa iyi à mu wa hai si igũ, zamaa fei ku yɛ ŋa.

Kolosee 2:15 Iomraidhean Croise

Kusintii Andunya 3:15

An dasi mbɛɛtɛ si gãmɛi awɔ do abou, do si dimiɛ hee do si dimii abou fei. Dimii abou á lɛgɛ iriɛ, nɔ awɔ mɔ aa mɛɛ cicĩisɛɛ.

Iri ku kɔ̃ 68:18

Ilaaɔ̃ í nɛ sarɛtii igũ ŋa dubu dubu. Ilaaɔ̃ Lafɛ̃ɛ í wa anini nŋa. Iri kutai Sinaiu í wa si ile kumáu.

Ezai 53:12

Na ŋɔi í jɔ̀ an dasiɛ si inɔi inɛ nla ŋa. Á ce ikpɛ̃i mii ŋa iyi à ya baaò wa hai si igũi do inɛ ŋa iyi à re do gbugbã ŋa, domi í na araɛ hee í koo í kuò. Í jɔ̀ à dasiɛ si inɔi woo ce laalɔ ŋa, nɔ í faaba ilu dulum nkpɔ nkpɔ.

Matie 12:29

Bɛirei inɛ á ce ku lɔ kpasɛ̃i inɛ iyi í nɛ gbugbã ku coo ile bii kù jɛ í tako í dĩ ilu gbugbãu. Amma bii í dũu á yɔkɔ ku coo ile.

Luku 10:18

Nɔ Jesu í sɔ̃ ŋa í ni, ǹ yɛ Seetam wa cuku wa hai lele bɛi kuŋɔi ijĩ.

Luku 11:22

Amma bii ilu gbugbã gɔ mɔ iyi í roo í naa í kãmiaɛ, njɛ á ko jĩnɛi igũ iyi wa naanɛui fei nɔ ku ce ikpɛ̃i amaniu mɔ.

Laabaau jiida iyi Zãa í kɔ 16:11

Nɔ á jɔ̀ a mà iyi Ilaaɔ̃ á kiiti inɛ ŋa domi í kiiti Seetam amanlui andunya tã mɔm.

Laabaau jiida iyi Zãa í kɔ 19:30

Iyi Jesu í tiɛ atɛ̃ kukãu ŋɔi í ni, ǹ kpa irii icɛm nii mbɛ. Nɔ í kɔmba iriɛ í ku.

Kɔrɛnti 1, 15:24

Si anyiɛ, iri ku kpai andunya á to wa, nɔ kù nɛ bɛi á ce iyi Kirisi kù jɛ bomma nɔ ku kãmia mbɛɛɛ ŋau fei. Si anyiɛ nɔ ku so bommau ku daa Ilaaɔ̃ Baaba si awɔ. Ntɔ ntɔ, Kirisi á kpa irii ilu yiiko ŋa do ilu gbugbã ŋa do inɛ ngbo ŋau fei.

Kɔrɛnti 2, 2:14

Ka saabu Ilaaɔ̃, domi í mu nwa gbugbã ka jɛò igũ waati kãma fei si kpãai Kirisi. Wa ceò wa icɛ ku ba ku jɔ̀ inɛ ŋa a mà Kirisi, nɔ kumài Kirisiu ku fangaa bii fei bɛi inúnùi tuae í ya fangaa.

Kɔrɛnti 2, 4:4

Inɛ ŋau a kù dasi naanɛ si na iyi í jɔ̀ Seetam, lafɛ̃ɛi andunyau í nya laakai nŋa. Í nya laakai nŋai ku ba a maà yɛ inya kumái laabaau jiidau. Laabaau jiidau wa nyisi wa amboei Kirisi, iyi í jɛ Ilaaɔ̃ takaɛ.

Efɛɛzu 3:10

ku ba inɛ ngboi lele ŋa do ilu yiikoi lele ŋa a mà yaasei bisiɛ do saabui igbɛi inɛi Jesu ŋa si waatiu ihɛ̃.

Efɛɛzu 4:8

Na nŋu, kukɔi idei Ilaaɔ̃ wa fɔ í ni, waati iyi í gũ lele í jɛ mbɛɛɛ ŋa igũ í mu ŋa aru, nɔ í cea inɛ ŋa amua ŋa.

Efɛɛzu 6:12

domi kù jɛ do amanɛ ŋai à waa ja. À waa jai do ilu iri laalɔi lele ŋa do ilu yiiko ŋa, do gbugbãi andunyai ilu kuku ŋau ihɛ̃, do inɛi inɔɔko woo ce icɛi Seetam ŋa.

Kolosee 1:16

Nŋui í taka mii fei, nɔ mii fei í wɛɛi na iriɛ. Na saabuɛi Ilaaɔ̃ í takaò mii fei iyi í wa lele do ilɛ. Mii ŋa iyi à waa yɛ do iyi a kù waa yɛ fei, nŋui í taka ŋa. Hai gbugbãi lele ŋa do ilu iri ŋa do ilu yiiko ŋa do ilu gbugbã ŋa fei icɛi awɔɛi.

Kolosee 2:10

Nɔ iŋɛ mɔ ì kɔ̃ ŋa do saabui anu akã nŋɛ do nŋu, nŋu iyi í jɛ inɛ ngboi gbugbãi lele ŋa do ilu yiiko ŋa fei.

Ebɛɛ 2:14

Si bɛi amu ŋau à nɛ ara do njɛ, Jesu takaɛ í na í so ara bɛi aŋa mɔ. Í ce bɛɛbɛi ku ba na saabui ikuɛ ku kpa gbugbãi Seetam, nŋu iyi í nɛ gbugbãi iku wo,

Kuyɛi Zãa 12:9

Ŋɔi à nyɔ akandama nla nlau wa ilɛ. Akandamaui í jɛ njo iyi í wɛɛ hai tako. Nŋui à ya kpe woo yɛ taalei inɛ walakɔ Seetam. Nɔ nŋui í dĩ ijui inɛi andunya ŋa fei. À nyɔɔ wa ilɛ do amalekaɛ ŋa ajɔ.

Kuyɛi Zãa 20:10

Aa so Seetam nŋu iyi í dĩ ijui inɛ ŋau, a sɔsi ina nla iyi wa jo do fainwitau, tengi bii à dasi mɛɛmuu do walii ilu ibou wo. Bɛi aa yɛ ijuukpã nla nla dasãò idũ hee do ajɔ fei.