Kolosee 2:14 - Bibeli do fee

¹⁴ Tako wo í yɛi bɛi à kɔ gbesei dulum du wa si tia iyi wa yɛ taale nwa na wooda hai jirima nwa. Nɔ Ilaaɔ̃ í so tiau í kpa ideɛ í kpakpaɛ si jĩi ku gaauu í kpa iriɛ.

Kolosee 2:14 Iomraidhean Croise

Neemi 4:5

Nɔ mbɛɛ nwa ŋa à waa tamaa a kaa ka gbɔ ide kãma, a kaa ka nɔ ka yɛ nkãma hee ajɔ iyi aa faata si wa wa ku ba a kpa wa, a leekĩò icɛ nwau.

Ɛsitɛɛ 3:12

Ŋɔi si ajɔ maatɛtasiai cukpa sinteu à kpe woo kɔ tiai ilaalu ŋau, nɔ bɛi Hamaa wa sɔ̃ ŋa fei à wasi ku kɔɔ. Nɔ amanlu ŋai à waa kɔa do inɛ ngboi ilɛ ŋau do inɛ ŋa iyi à jɛ inɛ ngbo si dimi ikã ikã fei. À kɔ tiaui ikã ikã si dimii kukɔ iyi inɛ ŋa à mà, do si fee iyi inɛ ŋa à waa fɔ fei si bommau. À kɔɔi do irii ilaaluu do sɛɛdai nŋu takaɛ.

Ɛsitɛɛ 8:8

Amma n kaa n yɔkɔ n kpaasi woodau, domi tia iyi à kɔ do irii ilaalu nɔ à mási sɛɛdaɛ, inɛ gɔ kaa yɔkɔ ku ganji idei tiau. Na nŋu, iŋɛ mɔ i kɔ tia do irim na aranfãanii Zuifu ŋa si bɛi í sĩa nŋɛ si, nɔ i mási sɛɛdai amu takam ŋa.

Iri ku kɔ̃ 51:1

Iriu ihɛ̃ ti inɛ ngboi woo kɔ̃ iri ŋai do Davidi.

Iri ku kɔ̃ 51:9

Nya dulum dom do izɔpu nɔ n maaju. Wɛm, nɔ n má n re baa iwu tafa.

Ezai 43:25

Amma amu, amu akãi ǹ jɛsi n ceɛ suurui ide kukɔ̀ɛ ŋau, nɔ n maà n ye gigii dulum dɛɛ ŋau má.

Ezai 44:22

Ǹ nya kuraraɛ ŋai bɛi kudũi ijĩ í ya nya, nɔ do yaase bɛɛbɛ mɔi ǹ nyaò dulum dɛɛ ŋa mɔ. Na nŋu, sinda i nyi wa bi titom, domi amui ǹ yaɛ.

Ezai 57:14

Aɔ̃ Lafɛ̃ɛ í fɔ wo í ni, i teese kpãa ŋa. I ce sɔɔlui kpãa gɔ, nɔ i nya mii ŋa iyi aa jɛ bi ku kosi isɛ fei hai si kpãai inɛm ŋau.

Kuka 5:23

Woo weeu á kɔ idei ikpe ŋaui si tia gɔ, nɔ ku wiɛ do inyi kuro,

Luku 1:6

Aŋa minji fei à jɛ dee dee si wajui Ilaaɔ̃ Lafɛ̃ɛ nɔ à waa jirima woodaɛ ŋa do ideɛ fei mam mam.

Woo bɛ ŋa 3:19

Na nŋu, i kpaasi idɔ nŋɛ i sinda si Ilaaɔ̃ ŋa ku ba ku kpa idei dulum du ŋɛ.

Kolosee 2:20

Ì ku do Kirisi ajɔ ŋa si mii ndii andunya ŋa. To, na mii í ce ì waa ce kuwɛɛ nŋɛ bɛi inɛ ŋa iyi à jɛ ti andunya. Na mii í ce ì jɔ̀ à kãa nŋɛ wooda, aŋa iyi à ya ni,

Tɛsalonika 2, 2:7

Ntɔ ntɔ laalɔ wa ce tã si asii, amma í gbe inɛ iyi wa ganjiɛu ku nɛ ku bɛi ku fita gbugbãa.

Ebɛɛ 7:18

Si bɛɛbɛi à kpa wooda nwou nɔ à naaò kpãa ku cɔ iyi í roo wa, nɔ do saabuɛi à waa sɛkɛɛ si Ilaaɔ̃. À kpa wooda nwoi si na iyi í jɔ̀ kù nɛ gbugbã nɔ kù nɛ aranfãani. Ntɔ ntɔ, wooda kù jɔ̀ nkãma kù kɔ̃ mam mam.

Ebɛɛ 8:13

Idei akabuu titɔ̃ iyi Ilaaɔ̃ wa fɔui í jɔ̀ ti takou í ce ngbo. Wee mii iyi wa gbo wa fei, wa bɔ ku kpa irii.

Piɛɛ 1, 2:24

Kirisi takaɛ í so dulum du wa si araɛ si jĩi ku gaauu ku ba ka jɛ bɛi iku si wajui dulum, nɔ ka ce kuwɛɛ nwa dee dee. Do saabui kumɛɛɛ ŋai à baò iri.