Kolosee 2:11 - Bibeli do fee

¹¹ Nɔ si anu akã nŋɛ do nŋu à dasi ŋɛ bango. Kù jɛ bango iyi amanɛ ŋa à ya ce, amma iyi Kirisi í ya ceui. Bangou, nŋui í jɛ daa nwo nwa ŋa iyi Kirisi í bu í nyɔu.

Kolosee 2:11 Iomraidhean Croise

Zeremi 4:4

I ce bango na irii Aɔ̃ Lafɛ̃ɛ ŋa, i jɔ̀ idɔ kulele nŋɛ ŋau nɔ i naa ara nŋɛ iŋɛ inɛi Zudaa do inɛi Zeruzalɛmu ŋa, ku ba idɔɔkɔ̃m ku maà lu wa bɛi ina nɔ ku maà jo hee a mɔngɔ ku kpaa, na inɔ kukã ku ce nŋɛ.

Maaku 14:58

à gbɔ iyi í ni nŋu á lɛgɛ kpasɛ̃i Ilaaɔ̃u nɔ si afei ajɔ mɛɛta nŋu á be ku ma mmuɛ iyi kaa jɛ do awɔi amanɛ.

Luku 2:21

Si ajɔ mɛɛjɔsia ŋɔi à sɔɔ Jesu, iri iyi amalekau í ni a kpoo hai waati iyi iyeɛ kù nɛ asĩu. Ajɔ nŋu bɛ mɔi à dasiɛ bango.

Woo bɛ ŋa 17:24

Ilaaɔ̃, nŋu iyi í taka andunyau do mii iyi í wa si fei, nŋu iyi í jɛ Lafɛ̃ɛi lele do ilɛ, kaa buba si ile iyi amanɛ ŋa à ma do awɔ nŋa.

Woo bɛ ŋa 7:48

Do nŋu fei, Ilaaɔ̃ nŋu iyi í wa hee lele, ci ya wa si ile iyi amanɛ ŋa à ma. Bɛɛbɛi walii gɔ í tako í fɔ wo í ni,

Romu 2:29

Amma inɛ iyi í jɛ Zuifu ntɔ ntɔ, nŋui í jɛ Zuifu si idɔɛ. Iyi í nɔ í jɛ bango do ntɔ nŋui í jɛ bangoi idɔ. Icɛi Hundei Ilaaɔ̃i, kù jɛ ti wooda. Zuifu dimi bɛɛbɛ, Ilaaɔ̃i á saabuɛ, kù jɛ amanɛ ŋa.

Romu 6:6

À mà iyi à kpakpa daa nwo nwa si jĩi ku gaau do Jesu ajɔ, ku ba daa nwo nwa iyi wa dasi wa dulum nɔu ku kpa iri, nɔ ka maà jɛ arui dulum má,

Romu 7:24

Ilu inɔ kufɔi ǹ jɛ. Yooi á nyam hai si awɔi ara iyi wa bɔɔm ikuu ihɛ̃.

Kɔrɛnti 2, 5:1

Arai í jɛ bi kuwa nwa si ilɛu ihɛ̃. Nɔ à mà bii ara nwa í ku, Ilaaɔ̃ í jilɛ nwa bi kuwa lele iyi nŋu takaɛ í ce, kù jɛ amanɛ. Bi kuwau á maa wɛɛi do ajɔ fei.

Kɔrɛnti 2, 5:17

Bii inɛ gɔ í nɛ anu akã do Kirisi í jɛ inɛ titɔ̃. Mii ndii tako ŋau à lɔ, mii titɔ̃ ŋai à sãsi wa.

Galati 2:20

À kpakpam si jĩi do Kirisi ajɔ. Na nŋu, kù jɛ na aram nii ǹ wɛɛ má, bɛbɛi Kirisii wa ce kuwɛɛɛ sim. Nɔ kuwɛɛ iyi ǹ wa n wɛɛ nsɛi, ǹ wa n wɛɛi do naanɛ iyi ǹ dasi Amai Ilaaɔ̃, nŋu iyi í bim nɔ í na kuwɛɛɛ na irim.

Galati 5:24

Nɔ inɛ ŋa iyi à jɛ ti Jesu Kirisi í yɛ bɛi à kpa kucei daai ara nŋa si jĩi ku gaauu, do binɛɛ do kubiɛ fei.

Efɛɛzu 4:22

Na nŋu, i jɔ̀ daa nwo nŋɛ ŋa iyi wa nɛ̀ò kuwɛɛ nŋɛ wo, domi kubii daa nwo nŋɛ ŋaui wa dĩ iju nŋɛ nɔ wa bɔò ŋɛ nfe ku ce.

Wooda ku kɔsi 10:16

Debɛi i na Aɔ̃ Lafɛ̃ɛ idɔ nŋɛ mam mam ŋa, nɔ i maà kɔ̀ ide si wajuɛ má ŋa,

Wooda ku kɔsi 30:6

Aɔ̃ Lafɛ̃ɛ nŋɛ takaɛi á jɔ̀ idɔ nŋɛ do ti tɔku nŋɛ ŋau ku má nɔ i buu do lasabu nŋɛ fei do idɔ nŋɛ fei ku ba i maa wɛɛ ŋa.

Filipi 3:3

Awai à ce bango do ntɔ, awa iyi à waa tɔɔ Ilaaɔ̃ do gbugbãi Hundeɛ, nɔ à waa tɔɔ fufu na irii Jesu Kirisi, kù nɔ kù jɛ kuce nwai à waa kaaba.

Kolosee 3:5

Na nŋu, i kpa kubii mii ndii andunya iyi wa ce icɛ si ŋɛ fei. Mii ndii andunya ŋaui à jɛ sɛ̃ɛ ku tɔtɔɔ hai nɛ yaase, do daa laalɔ, do binɛ, do kubi nfe nfe, do kɔdɛɛi mii nkpɔ. Ntɔ ntɔ bii ì waa ce kɔdɛɛ, mii nkpɔi ì ya tɔɔ si agbɛi Ilaaɔ̃.

Ebɛɛ 9:11

Amma waati iyi Kirisi í naa, í jɛ woo wee nla iyi í naaò mii jiidai ala wa nnyi. Nŋui í lɔ ile gɔ iyi í la í re nɔ í sĩa í re. Kù jɛ amanɛ ŋai à coo, waatɔ kù wa si andunya iyi à taka.

Ebɛɛ 9:24

À mà sãa sãa iyi Kirisi kù lɔ ile kumá iyi amanɛ ŋa à ce. Kù lɔ ile kumá iyi í jɔ bi kuwa ntɔ ntɔi Ilaaɔ̃u, amma í lɔi hee lele takaɛ nɔ nsɛi wa leekĩ si wajui Ilaaɔ̃ na iri nwa.